ၿခေသၤ႔လည္ၿပန္

ရက္ကိုလစား လကိုႏွစ္စားလို႔ အခ်ိန္ေတြကုန္သြားလိုက္တာ ၂၀၁၀ခုႏွစ္ၾကီးက လက္ၿပႏႈတ္ဆက္ေနၿပီ.. မနက္ၿဖန္ဆို ႏွစ္သစ္ေရာက္ၿပီေပါ႔.. တႏွစ္တာအတြင္းလုပ္ခဲ႔သမွ် ၿပန္စဥ္းစားၾကည္႔လိုက္ေတာ႔ .....

ခရီးသြားၿခင္း

ေဖေဖာ္၀ါရီလမွာ ရန္ကုန္ကိုခဏၿပန္ၿဖစ္တယ္.. တပါတ္ထဲဆိုေတာ႔ ဘယ္မွလဲသိပ္မသြားၿဖစ္.. ဘာမွလဲသိပ္မစားၿဖစ္.. လုပ္မယ္လို႔စဥ္းစားထားတာေတြ အကုန္လုပ္ဖို႔ေတာင္ အခ်ိန္မရလိုက္ဘူး..
ဇြန္လထဲမွာ ဘန္ေကာက္ကိုသြားၿပီး ညီမေလးနဲ႔ေတြ႕ခဲ႔တယ္.. ေလးႏွစ္ေက်ာ္ ငါးႏွစ္နီးပါး မေတြၿဖစ္ၾကတဲ႔ ညီအစ္မတေတြ ဘန္ေကာက္တခြင္ၿပဲၿပဲစင္ေအာင္ လည္ပတ္စားေသာက္ပစ္လိုက္ၾကတယ္..

အလုပ္အကိုင္

လုပ္သက္သံုးႏွစ္ၿပည္႔တဲ႔လမွာ ရာထူးတက္သြားပါတယ္.. တိုးေပးလိုက္တဲ႔ လစာနဲ႔မတန္ေအာင္ တာ၀န္ယူရတာေတြ ပိုမ်ားလာေတာ႔တာေပါ႔.. အၾကီးတန္းအရာရွိၿဖစ္သြားေတာ႔ ေဘာစိရဲ႕လူမိုက္ငွားၿခင္းကို ခံရပါေတာ႔တယ္.. ခုေလာေလာဆယ္ေတာ႔ စာရင္းစစ္လာေတာ႔မွာမို႔ အာလီဘာဘာဘုရင္မၿဖစ္ေနပါတယ္.. တႏွစ္လံုး ေမ႔ထားသမွ် ခုမွစုပံုရွင္းလုပ္ေနရပါတယ္ရွင္..

ေငြေရးေၾကးေရး

၂၀၀၉အတြက္ဆုေၾကးကို ၂၀၁၀ မတ္လမွာရေတာ႔ မႏွစ္က၀ယ္ထားတဲ႔ ရန္ကုန္ကအိမ္ကေလးကို ၿပင္ပစ္လိုက္တာ ကုန္ပါေလေရာ.. တလတလရသမွ်လဲ ရရစားစားေပါ႔.. လည္လည္လာတဲ႔ ေယာက္ခမရယ္ ေယာက္မရယ္ေကာင္းမႈနဲ႔ ၂ေယာက္သားရတဲ႔ ၁၃လစာေလးလဲ ေၿပာင္ပါေပါ႔လား.. အို.. ဘာပဲၿဖစ္ၿဖစ္ စားခ်င္တာစား ၀တ္ခ်င္တာ၀တ္ ၀ယ္ခ်င္တာ၀ယ္ႏုိင္ေသးတာပဲ.. ေရာင္႔ရဲတတ္မွေပါ႔ ပြင္႔ၿမဴးဇင္ရယ္..

မိသားစုအေရး

ရန္ၿဖစ္လိုက္ ၿပန္ခ်စ္လိုက္ပါပဲ.. စိတ္တိုတိုင္း အသံၿပာေအာင္ေအာ္တတ္တဲ႔ ကြၽန္မရယ္ စိတ္ဆိုးရင္ နႈတ္ခမ္းတေတာင္ေလာက္စူလာတတ္တဲ႔ ေမာင္ရယ္.. ကြၽန္မတို႔စကားမ်ားရင္ တဟားဟားရယ္တတ္တဲ႔သားသားရယ္.. ရယ္လိုက္ၾက ငိုလိုက္ၾက ၿပံဳးလိုက္ၾက မဲ႔လိုက္ၾကနဲ႔ ဆက္လက္ခ်ီတက္ေနဆဲပါပဲ..

အလွဴအတန္း

ေမြးေန႔မွာ ေမေမကဘုန္းၾကီးေက်ာင္းမွာ န၀ကမ သြားလွဴေပးတယ္.. ေအာက္တိုဘာလထဲမွာ ေဖေဖဆံုးတာ ၂ႏွစ္ၿပည္႔အလွဴအၿဖစ္ အိမ္မွာဘုန္းၾကီးဆြမ္းကပ္ၿဖစ္တယ္.. ရခိုင္ၿပည္ေလေဘးအတြက္ အ၀တ္အထည္ေလးနဲနဲပါးပါး လွဴၿဖစ္တယ္.. တေလာက ကိုဇူလိုင္တို႔ဦးစီးလုပ္တဲ႔ အလွဴေလးမွာလဲ ပါ၀င္ၿဖစ္တယ္.. လွဴၿဖစ္တာနည္းေနေသးတယ္လို႔ ခံစားရပါတယ္.. ေနာက္ႏွစ္ကို ပိုၿပီးအလွဴအတန္းေလးလုပ္ၿဖစ္ေအာင္ ၾကိဳးစားရဦးမယ္..

က်န္းမာေရး

အေသးအဖြဲေလးကလြဲလို႔ ဘာမွမၿဖစ္တာမို႔ က်န္းမာေရးေကာင္းေနတယ္လို႔ ေၿပာရမယ္.. ခုတေလာေတာ႔ ဗိုက္ခဏခဏေအာင္႔ေနလို႔ ငရုတ္သီးေရွာင္ေနရပါတယ္.. အစပ္မပါရင္ စားမ၀င္တာမို႔ ေတာ္ေတာ္ေလးခက္သား.. မတတ္ႏိုင္ဘူး.. က်န္းမာၿခင္းသည္ လာဘ္တပါးဆိုတာ စလံုးမွာပိုမွန္တာကိုး.. မက်န္းမာရင္ ေဆးရုံေဆးခန္းေတြအတြက္ လာဘ္တပါးၿဖစ္သြားေတာ႔မွာေလ..

လူမႈေရး

သားတေယာက္နဲ႔ အလုပ္ေတြရႈပ္ေနလို႔ လူမႈေရးပ်က္ကြက္ခဲ႔တာလဲ မ်ားလွၿပီ.. သူငယ္ခ်င္းေတြက နားလည္ေပးတတ္ၾကလို႔သာ ေတာ္ေသးတာေပါ႔.. အားလံုးထဲမွာ အရင္ဆံုးကေလးအေမၿဖစ္တာဆိုေတာ႔ သူတို႔ကလဲ နားလည္ၾကပါတယ္.. မေတြ႔ေတြ႔ၿဖစ္ေအာင္ ကြၽန္မတို႔အိမ္မွာပဲ စုၿပီး စားၾကေသာက္ၾကတယ္.. မဆိုးဘူေပါ႔..

လက္ေဆာင္

၂၀၁၀တနွစ္လံုး ရသမွ်လက္ေဆာင္ေတြထဲက စြဲစြဲၿမဲၿမဲ သံုးၿဖစ္ေနတာက ဘေလာ႔ဂါညီမေလးေတြ ေမြးေန႔လက္ေဆာင္ေပးတဲ႔ ခ်ားလ္စ္အန္ကိတ္က အိတ္ကေလးရယ္.. ေမေမ၀ယ္ေပးတဲ႔ ေ၀ါလက္ေလးရယ္ပါပဲ.. က်န္တာေတြကေတာ႔ ေမ႔ေမ႔ေပ်ာက္ေပ်ာက္..


ၿခံဳၾကည္႔လိုက္ရင္ေတာ႔ ၂၀၁၀က အထိုက္အေလ်ာက္ အဆင္ေၿပေနခဲ႔တဲ႔ႏွစ္ပါပဲ.. လာမယ္႔နွစ္သစ္ကို ၾကိဳဆိုရင္း အားလံုးပဲ မဂၤလာႏွစ္သစ္ပါလို႔ ႏႈတ္ခြန္းဆက္သလိုက္ပါတယ္ရွင္..

(ပို႔စ္ေခါင္းစဥ္ကို ပထမ သမင္လည္ၿပန္လုိ႔ေပးမလို႔.. LEO ရာသီဖြားမို႔ ၿခေသၤ႔လည္ၿပန္က ပိုေကာင္းမယ္ထင္လို႔ေလ..)

သားေလးဖတ္ဖို႔

သားေလးေရ...

ဘာမွမၾကာလိုက္ေသးဘူးလို႔ ထင္ေနရင္းနဲ႔ကိုပဲ ေမေမ႔သားေလးေတာင္ ၂ႏွစ္ၿပည္႔ေတာ႔မယ္.. လြန္ခဲ႔တဲ႔၂ႏွစ္တုန္းက ခုလိုခ်ိန္မွာ ေမေမက ရန္ကုန္ၿပန္ေရာက္ေနတာေပါ႔.. မဆံုတာၾကာတဲ႔ ေဆြမ်ိဳးေတြနဲ႔ လည္ပတ္စားေသာက္လို႔ ေကာင္းမွေကာင္းပဲေလ.. ကိုယ္၀န္ေန႔ေစ႔လေစ႔ၾကီးနဲ႔ေတာင္ ေပါ႔ပါးသြက္လက္ေနလြန္းလို႔ ေမေမ႔ကို အားလံုးက ၾသခ်ယူရတယ္.. သားေလးက ဗိုက္ထဲမွာကတည္းက ေမေမ႔ကို ဒုကၡမေပးတတ္တဲ႔ သိတတ္လိမၼာတဲ႔ သားေလးေပါ႔.. ဗိုက္ၾကီးတကားကားနဲ႔ ရံုးတက္ေနရလဲ ပင္ပန္းတယ္လို႔ကို ေမေမမထင္ခဲ႔ဘူး.. သားေလးဗိုက္ထဲမွာ ေရာက္မလာခင္တုန္းကမွ ေခါင္းမူးေခါင္းကိုက္ေတြ ခဏခဏၿဖစ္တတ္ေသးတယ္.. ကိုယ္၀န္သက္တမ္းတေလွ်ာက္လံုး ဘာမွကိုမၿဖစ္ခဲ႔တာမွ စားလို႔ေသာက္လို႔ကလဲ ေကာင္းမွေကာင္းပဲ.. ရန္ကုန္ကိုၿပန္တဲ႔အခ်ိန္ ကိုယ္၀န္ ၃၂ပါတ္မွာ ေမေမ႔ဗိုက္ၾကီးက မိုးပ်ံပူေဖာင္းၾကီးအလားေပါ႔.. ရန္ကုန္မွာစားဖို႔ အသီးစံု ၇ကီလိုကို ဟန္းကယ္ရီတြန္းလွည္းေလးနဲ႔ ခပ္တည္တည္ဆြဲၿပီး ေမေမတစ္ေယာက္တည္း ေလယာဥ္ေပၚတက္ႏိုင္တဲ႔အထိကို ေပါ႔ပါးၿဖတ္လတ္ေနဆဲပဲ.. ေလဆိပ္ကိုေရာက္ေတာ႔ လာၾကိဳတဲ႔သူေတြက အံ႔ၾသလို႔.. ဗိုက္ၾကီးသည္တစ္ေယာက္တည္း ၿပန္လာတာကို သယ္လာလိုက္တဲ႔အထုတ္ေတြက အိမ္ေၿပာင္းတာက်ေနေရာတဲ႔..

ရန္ကုန္ေရာက္ေရာက္ခ်င္း ဘြားဘြားၾကီးကိုသြားေတြ႔ ၿပီးေတာ႔မွအိမ္ကိုေရာက္ေတာ႔ သားသားဖီးဖီးက ထမင္းပြဲၿပင္ၿပီးေစာင္႔ေနတယ္.. အိမ္ကလက္ရာကို လြမ္းေနတဲ႔ေမေမ႔အတြက္ေတာ႔ ပြဲေတာ္ၾကီးေပါ႔.. စားေကာင္းေကာင္းနဲ႔ စားေသာက္ၿပီး အိပ္လိုက္တာ မနက္လင္းေတာ႔ မထႏိုင္ေတာ႔ဘူး.. ခါးေတြနာၿပီး ေၿခေထာက္ေတြေယာင္ေနၿပီေလ.. ခဏေလးပါပဲ.. ေန႔လည္စာစားခ်ိန္ေရာက္ေတာ႔ အိုေကသြားၿပီ.. အမ်ိဳးအိမ္ေတြက တရပ္ကြက္ထဲမွာဆိုေတာ႔ အားလံုးဘြားဘြားၾကီးအိမ္မွာဆံုၾကၿပီး လက္ေဆာင္ေတြေ၀ၾကၿခမ္းၾကနဲ႔ တေပ်ာ္တပါးၾကီးေပါ႔.. ေမေမကေတာ႔ ဘယ္သြားသြား ဆိုက္ကားၾကီးနဲ႔ေလ.. ဆိုက္ကားခပ္ေသးေသးဆိုရင္ ထိုင္လို႔ေတာင္မဆံ႔ဘူး.. သားေလးေမြးလာရင္ လိုအပ္မယ္ထင္တာေလးေတြကိုလဲ ေစ်းတကာပတ္ၿပီး ၀ယ္လိုက္ေသးတာ.. ေရာက္ၿပီးေနာက္တရက္တုန္းက အိုဂ်ီနဲ႔သြားၿပေတာ႔ ေမေမကရိုးရိုးပဲေမြးခ်င္တာကို သားေလးကေခါင္းမလွည္႔လို႔ ေမြးရခက္မယ္တဲ႔.. ကေလးက အရမ္းထြားေနေတာ႔ လွည္႔လို႔မရေတာ႔တာၿဖစ္မယ္ဆိုေတာ႔ သားသားရဲ႕ဘြားေလးခြာညိဳက ခြဲေမြးတာပဲေကာင္းပါတယ္ဆိုလို႔ ရက္ေကာင္းတာေလးေရြးၿပီး ဇန္န၀ါရီ၁၄ရက္ေန႔မွာ ခြဲမယ္လို႔ ရက္ခ်ိန္းယူလိုက္တယ္.. ဂ်ဴးဒိတ္က ဇန္န၀ါရီ ၂၆ရက္ေန႔မွေလ.. SSC Women Centre မွာ အခန္းေတြဘာေတြ ဘြတ္ကင္လုပ္ထားတာေပါ႔..

ဒီဇင္ဘာ၃၁ရက္ေန႔က်ေတာ႔ ဘြားဘြားၾကီးတို႔ၿခံထဲမွာ နယူးရီးယားပါတီနဲ႔ ဘာဘီက်ဴးေတြလုပ္စားၾကတယ္.. ေမေမကိုယ္တိုင္ မနက္ခင္းကတည္းက ပုဇြန္ေတာင္ေစ်းကိုသြား.. လိုတာေတြ၀ယ္.. ၾကက္ေတာင္ပံက လိုခ်င္သေလာက္မရလို႔ Capital ကိုထပ္သြား.. ဘာဘီက်ဴးလုပ္ဖို႔ အသားေတြငါးေတြကို ကိုယ္တိုင္နယ္.. တုတ္ေတြနဲ႔ထိုး.. တေနကုန္ကို အလုပ္ရႈပ္ေနေတာ႔တာ.. ညက်ေတာ႔ ေဆြမ်ိဳးေတြေပ်ာ္ေပ်ာ္ပါးပါး စားၾကေသာက္ၾကနဲ႔ အိပ္ယာ၀င္ေတာ႔ မနက္၂နာရီထိုးေနၿပီ.. အိမ္ၿပန္မေနေတာ႔ပဲ ဘြားဘြားၾကီးအိမ္မွာပဲ အိပ္လိုက္ေတာ႔တယ္.. ပင္ပန္းေနၿပီကိုး..

ဇန္န၀ါရီ၁ရက္ေန႔ မနက္အေစာၾကီး ေၿခာက္နာရီေလာက္မွာ ေမေမရုတ္တရက္လန္႔ႏိုးလာတယ္.. ဗိုက္ထဲကသားေလးက ေဆာင္႔တိုးလိုက္လို႔ေပါ႔.. ခဏၾကာေတာ႔ ေရေတြဆင္းပါေလေရာ.. ေမေမလဲလန္႔ၿပီးေအာ္ေတာ႔တာေပါ႔.. ပင္ပန္းၿပီးအိပ္ေနၾကတဲ႔လူေတြအားလံုး လန္႔ႏိုးသြားၿပီး ဘြားေလးခြာညိဳဆီဖုန္းဆက္ၾက.. အိုဂ်ီဆီဖုန္းဆက္ၾက.. ေမေမတို႔အိမ္ကိုဖုန္းေခၚၿပီး ဘြားေလးမိုးကို အထုတ္ေတြၿပင္ခိုင္းၾကနဲ႔ အလုပ္ေတြရႈပ္ကုန္ၾကတာေပါ႔.. ၁၄ရက္ေန႔မွ ခြဲမယ္လို႔စီစဥ္ထားေတာ႔ ဘာမွကို အဆင္သင္႔မၿဖစ္ေသးတာေလ.. အိုဂ်ီက Women Centre ကိုခ်က္ခ်င္းလာခဲ႔.. ခြဲမယ္ဆိုတာနဲ႔ သားေလးရဲ႕ဘဘဘိုဘိုက လိုက္ပို႔ေပးတယ္.. ဟိုေရာက္ေတာ႔ ခြဲခန္းမအားေသးတာနဲ႔ မနက္၁၀နာရီမွာခြဲမယ္ဆိုလို႔ ေစာင္႔ေနရေသးတယ္.. ခြဲခန္းထဲေရာက္ေတာ႔ ေမေမ႔ကိုထံုေဆးထိုး ထံုလာတာနဲ႔ ခြဲတာပဲ.. ေမ႔ေဆးမဟုတ္ေတာ႔ နာသာမနာတာ ေမေမကအားလံုးကိုသိေနတယ္ေလ.. သားသားကို ထုတ္မယ္လုပ္ေတာ႔ ရုန္းကန္ေနလိုက္တာမ်ား ေမေမ႔ရင္၀ကို ေခါင္းေလးနဲ႔တိုးေနတာကို ေမေမေတာင္သိေနတယ္.. ဘြားေလးခြာညိဳက ခြဲခန္းထဲအထိလိုက္လာတယ္ေလ.. ေမေမ႔သားေလးကို ထုတ္ၾကေတာ႔လဲ ေၿခေထာက္ကအရင္ထြက္လာတယ္တဲ႔.. ၿပီးေတာ႔ သားေလးက ေရေတြမြန္းေနလို႔ ေမြးေမြးခ်င္းမွာ မငိုႏိုင္ဘူး.. ေရေတြစုတ္ထုတ္လိုက္ေတာ႔မွ အာၿဗဲၾကီးနဲ႔ ေအာ္ေတာ႔တာေလ.. ငိုသံၾကားေတာ႔မွ ေမေမလဲစိတ္ေအးရတာေပါ႔.. ခဏေနေတာ႔ ဘြားေလးခြာညိဳက သားေလးကိုခ်ီၿပီးလာၿပတယ္.. အႏွီးထုတ္ေလးထဲက သားေလးမ်က္ႏွာေလးက ၀ိုင္းစက္လို႔.. မ်က္လံုးေလးက တဖက္ပဲပြင္႔ေသးတယ္ေလ.. ၈ေပါင္နဲ႔ ၁၀ေအာင္စရွိတယ္တဲ႔.. ဂ်ဴးဒိတ္ထက္ တစ္လနီးပါးေစာေမြးတာေတာင္ သားေလးက သိပ္ထြားေနတာ.. ခြဲခန္းထဲကထြက္လာေတာ႔ သားေလးကိုလာၾကည္႔ၾကတဲ႔ ဦးဦး တီတီ ဘိုးဘိုး ဘြားဘြားေတြနဲ႔ စည္ကားေနၿပီ.. ေမေမက ဆရာမအကူအညီနဲ႔ သားေလးကို ခ်ိဳခ်ိဳတိုက္ၾကည္႔တယ္.. အစားပုတ္ေလးက ခ်ိဳခ်ိဳေသာက္ရလို႔ ေပ်ာ္ေနပံုပဲ.. အအိပ္ကလဲပုတ္ေသးတယ္.. ညညဆို အၾကာၾကီးအိပ္ေနလို႔ ေမေမနဲ႔ဆရာမက အတင္းႏႈိးၿပီး ခ်ိဳခ်ိဳတိုက္ေနရတယ္.. သားေလးကထြားေတာ႔ ခ်ိဳခ်ိဳမ်ားမ်ားမေသာက္ရင္ အသား၀ါတတ္တယ္ဆိုလို႔ေလ.. ဒါေတာင္ ၃ရက္သားေလာက္မွာ အသားနည္းနည္း၀ါလာလို႔ ေသြးေဖာက္စစ္ရေသးတယ္.. ဖေနာင္႔ကေနေဖာက္ေတာ႔ သားေလးက အသံၿပာေအာင္ေအာ္ငိုတာေလ.. ေမေမ႔မွာ သားေလးကိုသနားလို႔ ရင္ဘတ္ထဲကေတာင္က်င္ေနေအာင္ ခံစားရတယ္.. ေတာ္ေသးတာေပါ႔ သားေလးက အၾကာၾကီးငိုမေနဘူး.. ေသြးစစ္တဲ႔အေၿဖထြက္လာေတာ႔ မီးေခ်ာင္းေအာက္မ၀င္ရဘူးဆိုလို႔ ေမေမ႔မွာေပ်ာ္လိုက္ရတာ.. ၅ရက္သားက်ေတာ႔ ေမေမတို႔သားအမိ အိမ္ၿပန္ၾကတယ္.. သားသားတလခြဲမၿပည္႔တၿပည္႔မွာ ေမေမတို႔ စလံုးကိုၿပန္လာခဲ႔ၾကတယ္ေလ.. သားေလးရဲ႔မားမားက ေလဆိပ္မွာလာၾကိဳတယ္.. ေဖေဖကေတာ႔ အလုပ္ကၿပန္လာမွပဲ သားေလးနဲ႔ေတြ႕ရေတာ႔တာ.. သားေလးေဖေဖက အလုပ္စ၀င္စဆိုေတာ႔ ခြင္႔ယူလို႔မွမရေသးတာကိုး..

သားေလးက သိပ္ကိုသေႏၶေကာင္းတဲ႔ကေလးေလးပါ.. ေမြးစကတည္းက ေန႔နဲ႔ညမွားတာေတြ.. ညမအိပ္လို႔ ေမေမအိပ္ေရးမ၀တာေတြ တခါမွမရွိခဲ႔ဘူး.. အငိုလဲနည္းတယ္ေလ.. သားေလးအတြက္ ပါတ္စပို႔ အခ်ိန္မီမရမွာကို ပူရတာရယ္.. စလံုးမွာ သားေလးေနထိုင္ခြင္႔မရတာကို ပူရတာရယ္ကလြဲလို႔ သားေလးက ေမေမ႔ကို ဘာအပူမွ မေပးခဲ႔ပါဘူး.. လာမယ္႔ ဇန္န၀ါရီ၁ရက္ေန႔ဆို ေမေမ႔သားေလး ၂ႏွစ္ၿပည္႔ၿပီေနာ္.. သားေလးကို ေမြးေန႔မွာေပ်ာ္ေစခ်င္လို႔ သားေလးသဲေဆာ႔လို႔ရေအာင္ အေရွ႕ကမ္းေၿခမွာ ဘာဘီက်ဴးပါတီေလး ေမေမစီစဥ္ေပးထားတယ္.. ဘယ္သြားခ်င္လဲေမးရင္ အၿမဲတမ္း Beach လို႔ေၿဖတတ္တဲ႔သားေလးအတြက္ ေမေမ႔ရဲ႕လက္ေဆာင္ေပါ႔.. သားေလးရဲ႔ ဘြားဘြားနဲ႔တီတီေလးလဲ ေရာက္ေနမွာဆိုေတာ႔ ေမေမ႔သားေလးအရမ္းေပ်ာ္ေနမွာ ေမေမၿမင္ေယာင္မိပါေသးတယ္ေလ..

(သားေလးကိုေမြးတုန္းကအေၾကာင္းေလးေတြကို အမွတ္တရအေနနဲ႔ မွတ္တမ္းတင္ထားလိုက္တာပါ.. သားေလးၾကီးလာရင္ ဖတ္ရေအာင္ေပါ႔.. ကဲ.. သားေလးေမြးေန႔ပြဲေလးကို လာၿဖစ္ေအာင္လာခဲ႔ၾကဖို႔ အားလံုးကိုဖိတ္ၾကားအပ္ပါသည္ေနာ္.. )

ေမြးေန႔မဂၤလာ ဖိတ္ၾကားလႊာ

အလည္ေရာက္လာၾကတဲ႔ ဦးဦး တီတီ ကိုကို မမ အားလံုးကို သားသားမိုးသံစဥ္က မဂၤလာပါလို႔ ႏႈတ္ခြန္းဆက္ပါတယ္.. သားသားရဲ႕ ဇန္န၀ါရီ၁ရက္ေန႔မွာက်ေရာက္မယ္႔ ၂ႏွစ္ၿပည္႔ေမြးေန႔ပြဲေလးကို ေအာက္ပါအစီအစဥ္အတိုင္း က်င္းပမွာမို႔ အားလံုးပဲ သားသားနဲ႔တူတူေပ်ာ္ရေအာင္ လာခဲ႔ၾကဖို႔ ဖိတ္ၾကားအပ္ပါတယ္ခင္ဗ်ာ..

ေန႔ရက္ း ၁ ဇန္န၀ါရီ ၂၀၁၁
ေနရာ း စကၤာပူႏိုင္ငံ အေရွ႕ကမ္းေၿခ
အခ်ိန္ း မြန္းတည္႔ခ်ိန္မွ သန္းေခါင္အထိ

သားသားကိုယ္တိုင္ ခ်က္ထားတဲ႔ဟင္းေတြနဲ႔ ေမေမ႔ဘာဘီက်ဴးေတြကို ေပ်ာ္ေပ်ာ္ပါးပါးစားေသာက္ၾကဖို႔ ဆက္ဆက္လာခဲ႔ၾကပါေနာ္.. :)

ေက်းဇူးတင္ပါတယ္ခင္ဗ်ာ..
သားသားမိုးသံစဥ္

RSVP: myuemyue@gmail.com

ကြၽန္မနဲ႔ကြၽန္မရဲ႕ဆံပင္

ကြၽန္မငယ္ငယ္တုန္းက ဆံပင္ေလးေတြက လိမ္လိမ္ေကြးေကြးနဲ႔ ေၿပာ႔ေၿပာ႔ေလးေတြ.. ခု သားသားရဲ႕ဆံပင္ေလးေတြလိုေပါ႔.. ဆြဲဆန္႔လိုက္ရင္ အရွည္ၾကီးထြက္လာၿပီး လႊတ္လိုက္တာနဲ႔ ဖတ္ဆိုၿပန္ကပ္သြားေရာ.. ငယ္ငယ္တုန္းက ဓါတ္ပံုေလးေတြၿပန္ၾကည္႔ရင္ အရမ္းသေဘာက်မိတာက ဆံပင္ေလးေတြပဲ.. ေလးႏွစ္ေလာက္ေရာက္လာေတာ႔ ဆံပင္က ေက်ာလည္ေလာက္ေရာက္ေနၿပီ.. ေဖေဖက သမီးေတြကို ဆံပင္အရွည္ထားေပးခ်င္တာေလ.. ဆံပင္ရွည္လာေတာ႔ ကြၽန္မက ေမေမ႔ကို ဆံပင္ေၿဖာင္႔ေပးဖို႔ ဂ်ီက်တာေပါ႔.. ခုေခာတ္လို ေၿဖာင္႔တာေတြမေပၚေသးေတာ႔ ေမေမက က်စ္စာၿမီးေသးေသးေလးေတြက်စ္ ေကာက္ေဆးထည္႔ၿပီး ဖြေပးလိုက္တယ္.. ဆံပင္နည္းတဲ႔ ကြၽန္မနဲ႔ေတာ႔အကိုက္ေပါ႔.. ေၿဖာင္႔သြားေတာ႔ ဆံပင္က ပိုရွည္လာတယ္ထင္ရတာမို႔ ကြၽန္မကသေဘာေတြက်လို႔.. သူငယ္တန္းေက်ာင္းစတက္ေတာ႔ ဆံပင္က ခါးေက်ာ္ေနၿပီ.. ေမေမက ေခါင္းစည္းၾကိဳးလွလွေလးေတြ ကလစ္လွလွေလးေတြ အမ်ားၾကီး၀ယ္ေပးတယ္.. တေန႔တမ်ိဳးနဲ႔ ပဲထုတ္လို႔ေကာင္းမွေကာင္းေပါ႔..

ကြၽန္မ၂တန္းေလာက္ေရာက္ေတာ႔ ေမေမက ဆံပင္အလွၿပင္သင္တန္းတက္ၿပီး ဆိုင္ေလးဖြင္႔ပါတယ္.. ေမေမသင္တန္းတက္ေနကတည္းက ကြၽန္မဆံပင္ကို မ်ိဳးစံုေကာက္ၾကည္႔လိုက္ ညွပ္ၾကည္႔လိုက္နဲ႔.. ဆံပင္ပံုစံအမ်ိဳးမ်ိဳးနဲ႔ ကြၽန္မၾကီးၿပင္းခဲ႔ရတယ္.. ေမေမက ေကာက္ေဆးေကာင္းေကာင္းေတြသံုးေပးေတာ႔ ဆံပင္ေတာ႔ သိပ္မပ်က္စီခဲ႔ပါဘူး.. ၇တန္းေလာက္မွာ ေမေမက စလံုးကိုထြက္သြားေတာ႔ ကြၽန္မလဲဆံပင္ကို ဘာမွအထူးအေထြမလုပ္ၿဖစ္ေတာ႔ဘူး.. ၁၀တန္းေအာင္လို႔ ဂ်ီတီစီတက္ေတာ႔ ဆံပင္က တင္ပါးဖံုးေနၿပီ.. အဲဒီအခ်ိန္မွာ ကြၽန္မဆံပင္က ငယ္ငယ္တုန္းကလို မေကာက္ေတာ႔ဘူး.. အရမ္းၾကီးေၿဖာင္႔တာလဲမဟုတ္ပဲ လႈိင္းၾကီးၾကီးေတြ ေကာက္ေနတာမ်ိဳးေပါ႔.. ကြၽန္မက အၿမဲတမ္း က်စ္စာၿမီး၂ဖက္ခြဲစီးထားတတ္လို႔ အတန္းထဲကေကာင္ေတြက အီးတီလို႔ေတာင္ နာမည္ေပးတားတယ္.. ေမွာ္ဘီမွာ ေရေတြကမေကာင္းလို႔ ကြၽန္မဆံပင္ေတြ စၿပီး ပ်က္စီးလာေတာ႔ ေတာ္ေတာ္ေလးစိတ္ညစ္ခဲ႔ရတယ္.. အဖ်ား၂ခြေတြၿဖစ္ ဆံပင္ေတြက နီေၾကာင္ေၾကာင္နဲ႔ ေတာ္ေတာ္ရုပ္ဆိုးလာလို႔ ပထမႏွစ္မကုန္ခင္မွာပဲ တူးစတပ္အတိုေလး ညွပ္ခ်ပစ္လိုက္ရေတာ႔တယ္ေလ.. ေနာက္ပိုင္းေတာ႔ အေဆာင္ေၿပာင္းေနလိုက္တာ ေရကလဲပိုေကာင္းလာတာနဲ႔ ဆံပင္မပ်က္စီးေတာ႔လို႔ အရွည္ပဲၿပန္ထားၿဖစ္တာ ေက်ာင္းၿပီးတဲ႔အခ်ိန္မွာ ဆံပင္က ခါးေက်ာ္ေက်ာ္ေလးၿပန္ေရာက္ေနၿပီ..

စလံုးကို လာခါနီးက်ေတာ႔ ဆံပင္ရွည္ၾကီးနဲ႔ ထိန္းသိမ္းရခက္တယ္ဆိုၿပီး ေက်ာလည္ေလာက္ စတပ္ညွပ္ၿပီးေကာက္လိုက္တယ္.. သြားေကာက္မိတဲ႔ဆိုင္က သိပ္မေကာင္းေတာ႔ စိတ္တိုင္းမက်တာနဲ႔ပဲ ဆံပင္ကို အၿမဲစည္းထားၿဖစ္ေတာ႔ အဖြားၾကီအိုရုပ္ထြက္ကေရာပဲ.. မဂၤလာေဆာင္တုန္းက ဆံပင္ကို အေခြေလးေတြလုပ္ၿပီး တေစာင္းစည္းထားတဲ႔ပံုေလး မိတ္ကပ္ဆရာမကလုပ္ေပးတယ္.. ေနာက္ပိုင္း ကိုယ္၀န္ရွိလာေတာ႔ ဆံပင္ၿပင္တာေတြဘာေတြ ဘာမွကို မလုပ္ၿဖစ္ေတာ႔ဘူး.. ကိုယ္၀န္၇လေက်ာ္ေလာက္မွာ ပူလြန္းအိုက္လြန္းလို႔ ဆံပင္ကိုညွပ္ခ်လိုက္တာမွ တိုကပ္ကပ္ေလး.. အဲဒီကမွ ၿပန္ရွည္လာတဲ႔ဆံပင္ကို ခုႏွစ္ ႏွစ္ဆန္းပိုင္းေလာက္မွာ ေၿဖာင္႔ၿပီး ေဆးဆိုးလိုက္ေသးတယ္.. သိပ္စိတ္တိုင္းမက်ပါဘူး.. ကြၽန္မက မ်က္ႏွာၾကီးမ်ိဳးဆိုေတာ႔ ဆံပင္ၿပားကပ္ကပ္နဲ႔ မလိုက္ဘူးေပါ႔.. နည္းနည္းၾကာလာေတာ႔ ၿပန္ရွည္လာတဲ႔ဆံပင္ေတြနဲ႔ ေၿဖာင္႔ထားတဲ႔ဆံပင္ေတြၾကားမွာ အထစ္ၾကီးၿဖစ္ၿပီး အေရာင္ကလဲမတူတာမို႔ ေတာ္ေတာ္ၾကည္႔ရဆိုးလာပါေတာ႔တယ္..

အဲဒါနဲ႔ပဲ ၿပီးခဲ႔တဲ႔စေနေန႔က ပန္နင္ဆူလာက သီရိမွာ ဆံပင္သြားေကာက္လိုက္ပါတယ္.. ဒစ္ဂ်စ္တယ္ေကာက္ဆိုလားပဲ.. မေဟာ္ဂနီေရာင္ေလးလဲ ၿပန္ဆိုးလိုက္တယ္.. ခုေတာ႔ ကြၽန္မ ဆံပင္ပံုစံအသစ္ေလးကို ေတာ္ေတာ္သေဘာက်ေနပါတယ္.. ေမာင္ကေၿပာတယ္.. ပါးေဖာင္းေဖာင္း မ်က္လံုးၿပဴးၿပဴး ႏႈတ္ခမ္းစူစူ ဆံပင္ေကာက္ေကာက္နဲ႔ အရုပ္မနဲ႔တူသြားၿပီတဲ႔.. သားသားေတာ႔ ေမေမ႔ဆံပင္တိုတို တဲ႔.. ဘာပဲေၿပာေၿပာ ကြၽန္မေတာ္ေတာ္စိတ္တိုင္းက်သြားပါတယ္.. ကြၽန္မနဲ႔လိုက္တဲ႔ ပံုစံေလးေရြးၿပီး စိတ္ရွည္လက္ရွည္လုပ္ေပးတဲ႔ သီရိဆိုင္က ညီမေလး “နီ”ကိုလဲ ေက်းဇူးအမ်ားၾကီးတင္ပါတယ္လို႔ ဒီပို႔စ္ေလးနဲ႔ ေၿပာလိုက္ခ်င္ပါတယ္..

ဒီဇင္ဘာ

ၿမန္မာၿပည္မွာဆို ဒီဇင္ဘာလေရာက္ရင္ ကြၽန္မသိပ္ေပ်ာ္တယ္.. ေအးတဲ႔ရာသီဥတုကို ၾကိဳက္တတ္တဲ႔ကြၽန္မအတြက္ ႏွင္းေတြေ၀တဲ႔႔ ဒီဇင္ဘာလေလးက အၿမဲေအးၿမလွပေနတတ္တယ္ေလ.. ဒီဇင္ဘာလေရာက္ၿပီဆို စေနတနဂၤေႏြ မနက္ခင္းေစာေစာတိုင္း သု၀ဏၰအားကစားကြင္းဆီကေန လြင္႔ပ်ံလာတတ္တဲ႔ “ေစာေစာအိပ္လို႔ ေစာေစာထလို႔ ေစာေစာလမ္းေလွ်ာက္ၾကပါစို႔” ဆိုတဲ႔သီခ်င္းသံက ကြၽန္မတို႔ေမာင္ႏွမေတြအတြက္ ႏႈိးစက္ေပါ႔.. အိပ္ယာထဲကလူးလဲထ အ၀တ္အစားလဲၿပီး အိမ္ကထြက္ၾကတယ္.. ဟားခနဲေလကိုမႈတ္ထုတ္လိုက္ရင္ ပါးစပ္က အေငြ႕ေတြထြက္လာတာကို ကြၽန္မသိပ္သေဘာက်တာေပါ႔.. လမ္းထိပ္က ၾကီးၾကီးတို႔အိမ္ကို၀င္ေခၚ ၿပီးေတာ႔ အားကစားကြင္းဆီ ခ်ီတက္ၾကတယ္ေလ.. အားကစားကြင္းေရာက္ရင္ လူေတြအမ်ားၾကီးေတြ႕ရပါၿပီ.. ကြင္းၾကီးကိုပတ္ၿပီး ေၿပးေန လမ္းေလွ်ာက္ေနၾကသူေတြ.. ခဏတၿဖဳတ္ထိုင္နားေနၾကသူေတြ.. လမ္းမီးတိုင္ေအာက္မွာ ၾကက္ေတာင္ရိုက္ကစားေနၾကသူေတြနဲ႔ ဒီဇင္ဘာနံနက္ခင္းက စည္ကားလို႔ေပါ႔.. နံနက္စာ ေကာက္ညွင္းေပါင္း တၿခားၿမန္မာမုန္႔မ်ိဳးစံုတို႔ကို လာေရာင္းၾကတဲ႔ ေခါင္းရြက္ဗ်က္ထိုးေစ်းသည္ေလးေတြလဲ ေရာင္းေကာင္းၾကတယ္.. ေမွာင္ေနရာကေန တေၿဖးေၿဖးလင္းလာၿပီဆို ကြၽန္မတို႔ အိမ္ၿပန္ၾကတယ္.. လမ္းထိပ္က မုန္႔ဟင္းခါးဆိုင္မွာထိုင္ၿပီး ၾကီးၾကီး၀ယ္ေကြၽးတဲ႔ မနက္စာစား.. ေဖေဖ႔အတြက္မနက္စာ၀ယ္ၿပီး အိမ္ၿပန္ေရာက္တယ္ဆို ေဖေဖ႔ရဲ႕ဘုရားရွိခိုးသံက ကြၽန္မတို႔ကို ဆီးၾကိဳေနတတ္တယ္ေလ..

ေက်ာင္းတက္ရတဲ႔ေန႔ေတြဆိုရင္ေတာ႔ ေမွာ္ဘီရဲ႕ဒီဇင္ဘာမနက္ခင္းက ကြၽန္မနဲ႔အကိုက္ေပါ႔.. ေမွာ္ဘီမွာက ရန္ကုန္ထက္ ႏွင္းေတြပိုက်တယ္.. ပိုလဲေအးတာေပါ႔.. အေဆာင္က အခန္းတံခါးကိုဖြင္႔ၿပီး အၿပင္ထြက္လိုက္တာနဲ႔ ႏွင္းေတြရႊဲေနတဲ႔ ၀ရံတာၾကမ္းခင္းရယ္ ခပ္ၾကမ္းၾကမ္းေ၀ွ႕တိုက္လိုက္တဲ႔ ေၿမာက္ၿပန္ေလေအးေအးရယ္ကို ခံစားရမယ္.. ေက်ာင္းတက္ခဲ႔တဲ႔ ၅ႏွစ္လံုး ဒီဇင္ဘာလဆို စာေမးပြဲနီးေနၿပီမို႔ အတန္းသိပ္မတက္ၿဖစ္ေတာ႔ဘဲ အေဆာင္မွာပဲစာလုပ္ေနရတဲ႔အခ်ိန္ေပါ႔.. မနက္တိုင္း ေစာေစာထတတ္တဲ႔ကြၽန္မက ေစာင္ၿခံဳေကြးေနတဲ႔ အခန္းေဖာ္သူငယ္ခ်င္း အိမြန္ကိုမနက္စာသြားစားဖို႔ႏိႈးရတယ္.. တပ္ၾကီးကုန္းမွတ္တိုင္နားက ေၿမာင္းၿမမုန္႔ဟင္းခါး ငရုတ္ေကာင္းနံ႔ေမႊးေမႊးေလးက ဒီဇင္ဘာမနက္ခင္းနဲ႔ သိပ္လိုက္တဲ႔မနက္စာေပါ႔.. ၿပီးရင္ ရြာထဲ၀င္ၿပီး ေစ်းကေလးမွာ ေစ်းေလွ်ာက္၀ယ္ၾကတယ္.. ႏွင္းစိုေနတဲ႔ ဘုရားပန္းေတြက သိပ္လွတာ.. ေစ်းကၿပန္ေရာက္ရင္ေတာ႔ အေဆာင္ၿခံထဲမွာ ေနပူစာလႈံရင္း စာၾကည္႔ၾကတယ္.. ေနပူလာမွပဲ အေပၚတက္ၿပီး ထမင္းဟင္းခ်က္ၾက ေရမိုးခ်ိဳးၾကေပါ႔.. ညေနေစာင္းရင္ေတာ႔ အမွတ္၄လမ္းဖက္ကို ဆိုင္ကယ္ေလွ်ာက္စီးၾကဖို႔ ေမာင္ကလာေခၚတတ္တယ္.. ေန၀င္ခါနီဆို ၿမဴခိုးေတြေ၀ေနတဲ႔ လယ္ကြင္းေတြက ၾကည္႔လို႔သိပ္လွေပါ႔.. ေမာင္လာေခၚၿပီဆို အိမြန္က ၿမဴးေရ.. မေမွာင္ခင္ၿပန္ခဲ႔ေနာ္.. ထမင္းတူတူစားဖို႔ေစာင္႔ေနမယ္လို႔ အၿမဲမွာတတ္တယ္ေလ.. ညဘက္ေရာက္ရင္ေတာ႔ ထူးထူးကဲကဲကိုေအးတတ္လို႔ အေႏြးထည္ထူထူ၀တ္ ေစာင္အထူၾကီးၿခံဳၿပီး ေကြးေနၾကရေတာ႔တာေပါ႔..

စလံုးကိုေရာက္လာေတာ႔ မတ္လၾကီး.. ေနကလဲပူလိုက္တာ.. မတ္လမို႔ပူတာလို႔ထင္ေနတာ.. ေနာက္ေတာ႔မွသိရတယ္.. ဒီဇင္ဘာလေရာက္ရင္လဲ မေအးဘူးကိုး.. ကြၽန္မခ်စ္တဲ႔ ႏွင္းေအးေအးေလးေတြဆိုတာလဲ ဘယ္ဆီေနမွန္းေတာင္မသိဘူး.. မႏွစ္ကေတာ႔ Ang Mo Kio ကို သားသားနဲ႔သြားလည္ၾကတယ္.. ႏွင္းအတုေတြသြားၾကည္႔ၾကတာေပါ႔.. သားသားကေတာ႔ ေပ်ာ္လို႔.. ႏွင္းအစစ္ကိုမွ မၿမင္ဖူးေသးဘဲကိုး.. ကြၽန္မေတာ႔ ရယ္ခ်င္သလိုလို ငိုခ်င္သလိုလို.. ႏွင္းေတြကိုၿမင္ေနရပါရက္နဲ႔ လူမွာက ေခြၽးေတြရႊဲလို႔.. ေဆာင္းရာသီမရွိတဲ႔ ကြၽန္းေလးကို ကြၽန္မ မႏွစ္ၿမိဳ႕ႏိုင္ပါဘူး.. တေန႔ေန႔ေတာ႔ ကြၽန္မခ်စ္တဲ႔ ဒီဇင္ဘာစစ္စစ္ရွိရာကို ၿပန္ကိုၿပန္မွၿဖစ္မယ္......

အိပ္မက္ထဲကေက်ာင္းေတာ္ (၆)

အိပ္မက္ထဲကေက်ာင္းေတာ္ (၁)
အိပ္မက္ထဲကေက်ာင္းေတာ္ (၂)
အိပ္မက္ထဲကေက်ာင္းေတာ္ (၃)
အိပ္မက္ထဲကေက်ာင္းေတာ္ (၄)
အိပ္မက္ထဲကေက်ာင္းေတာ္ (၅)

တတိယႏွစ္စာေမးပြဲကို ေအးေအးေဆးေဆးေလးပဲ ေၿဖၿပီး ေအာင္ခဲ႔တယ္ေလ.. စတုတၴႏွစ္စတက္ေတာ႔ ကြၽန္မညီမေလးကလဲ တကၠသိုလ္တက္ေနၿပီ.. ေမာင္ေလးကလဲ ဆယ္တန္းေရာက္ေနၿပီဆိုေတာ႔ မိဘေတြပိုက္ဆံေတာ္ေတာ္ေလးကုန္တာကို သတိထားမိလာတယ္.. ကိုယ္လုပ္ႏိုင္တာေလး လုပ္ၾကည္႔မယ္ဆိုၿပီး ေက်ာင္းက အတန္းငယ္သူေတြကို ဂိုက္လုပ္တာေလး စၿဖစ္တယ္.. မဆိုးဘူးလို႔ေၿပာရမယ္.. ကိုယ္႔ေက်ာင္းစားရိတ္ ကာမိတဲ႔အၿပင္ ေမာင္ေလးညီမေလးေတြကိုေတာင္ မုန္႔ဖိုးေပးႏိုင္ေသးတယ္ေလ.. ပင္ပန္းတာကေတာ႔ ေၿပာမေနနဲ႔.. ေနတာကေမွာ္ဘီကအေဆာင္မွာ စာသြားသင္ရတာက ရန္ကုန္မွာဆိုေတာ႔ ပိုပင္ပန္းတာေပါ႔.. ကိုယ္႔စာလဲၾကည္႔ရတယ္.. စာသင္ဖို႔လဲ စာၾကိဳဖတ္ရတယ္ဆိုေတာ႔ ခါတိုင္းႏွစ္ေတြထက္ ၂ဆပိုၿပီး ပင္ပန္းတာေပါ႔.. ေက်ာင္းမွာ အတန္းအားရင္ေတာင္ ဟိုဟိုဒီုဒီမလုပ္အားေတာ႔ဘူး.. စာပဲၾကည္႔ေနၿဖစ္တယ္.. ဘီအီးတန္းတက္ခြင္႔ရဖို႔ အေရးၾကီးတဲ႔ႏွစ္လဲၿဖစ္ေနေသးတာကိုး.. ေမာင္နဲ႔ေတြ႕ခ်ိန္ေတြေတာင္ နည္းသြားတယ္.. သူကိုလဲ စာလုပ္ဖို႔ တြန္းေနရေသးတယ္.. သူကစာကိုလံုး၀မလုပ္ခ်င္တာေလ..

ႏွစ္ကုန္ခါနီးက်ေတာ႔ ပေရာဂ်က္သေဘာမ်ိဳး စာတမ္းတိုေလးေတြ လုပ္ရတယ္.. ငါးေယာက္တဖြဲ႕ေပါ႔.. စာတမ္းတိုေလး ၃ခုလုပ္ရပါတယ္.. ကြၽန္မတို႔လုပ္တဲ႔စာတမ္းေတြမွတ္မိေသးတယ္.. ၿဂိဳဟ္တုဆက္သြယ္ေရးေၿမၿပင္စခန္း အေၾကာင္းရယ္.. Fibre Optic Communication အေၾကာင္းရယ္.. Auto Voltage Regulator ရယ္ေပါ႔.. စာတမ္းဖတ္ပြဲလုပ္ၾကေတာ႔ Presentation ဆိုတာ ဘာမွန္းမသိဘဲ ေရးထားသမွ်ကို ဖတ္ၿပလိုက္ၾကတာပါပဲ.. Fibre Optic အေၾကာင္းဖတ္တဲ႔သူငယ္ခ်င္းက ေကာင္းက်ိဳးနဲ႔ ဆိုးက်ိဳးေတြကို လြဲၿပီးဖတ္ၿပလိုက္လို႔ ရယ္ၾကရေသးတယ္.. Beamwidth ဆိုတာဘာလဲဆိုတဲ႔ ေမးခြန္းကို ေၿဖတဲ႔သူက Beamwidth ဆိုတာ Beam ရဲ႕ width ပါဆရာမလို႔ ေၿဖတာကတမ်ိဳး.. အတန္းထဲမွာ မတည္႔ၾကသူေတြခ်င္း ေပါက္ကရေတြေမးလို႔ ဆူၾကပြက္ၾကတာကတမ်ိဳးနဲ႔ ၿဗဳတ္စဗ်င္းေတာင္း ၿပီးသြားတာပါပဲ.. စာေတြကလဲပိုမ်ားလာတာကတေၾကာင္း.. အလုပ္တဖက္ၿဖစ္ေနတာတေၾကာင္းနဲ႔ အဲဒီႏွစ္က စာေမးပြဲကို စိတ္တိုင္းက် မေၿဖႏိုင္ခဲ႔ပါဘူး.. ဘီအီးတန္းမွ တက္ခြင္႔ရပါ႔မလားလို႔ စိတ္ပူလိုက္ရတာလဲ မေၿပာပါနဲ႔ေတာ႔.. ေအာင္စာရင္းထြက္ေတာ႔မွ စိတ္ေအးရေတာ႔တယ္.. ေက်ာင္းဆက္တက္ခြင္႔ရတယ္ေလ.. အဆင္႔ကေတာ႔ ခါတိုင္းဂဏန္း၁လံုးထဲရွိရာကေန ဂဏန္း၂လံုးၿဖစ္သြားလို႔ အဆူခံလိုက္ရေသးတယ္.. ေမာင္ကေတာ႔ အဲဒီႏွစ္က စာေမးပြဲက်ပါတယ္.. ကြၽန္မသူ႔အတြက္ အခ်ိန္မေပးႏိုင္ခဲ႔လို႔ ပိုၿပီးေပေပေတေတေတခဲ႔ပံုပါပဲ..

ေနာက္ဆံုးႏွစ္ေက်ာင္းတက္ရက္ေတြကေတာ႔ ပ်င္းေၿခာက္ေၿခာက္ပိုႏိုင္လာတယ္.. ေမွာ္ဘီတခြင္မွာ လည္ရပတ္ရတာကလဲ ရိုးေနၿပီကိုး.. ေက်ာင္းအုပ္ေတြကလဲ တေယာက္ၿပီးတေယာက္ေၿပာင္းသြားလိုက္တာ မွတ္ေတာင္မမွတ္မိေတာ႔ေလာက္ေအာင္ပဲ.. အငယ္တန္းေတြက ကေလးေတြကိုၾကည္႔ရတာ စာကိုစိတ္မ၀င္စားၾကေတာ႔တဲ႔ပံုမ်ိဳး.. အတန္းေတြလဲ မွန္မွန္မတက္ၾကဘူး.. ေဆးလိပ္တို႔ အရက္တို႔ဆိုတာကလဲ လြယ္လြယ္နဲ႔၀ယ္လို႔ရေနေတာ႔ ပ်က္စီးလြယ္ၾကတာေပါ႔.. ေဘာလံုးပြဲေတြေလာင္းၾက ဖဲ၀ိုင္းေတြ ေၾကးၾကီးၾကီးနဲ႔ကစားၾကနဲ႔.. ကေလးေတြပ်က္စီးၾကတာၿမင္ရေတာ႔ စိတ္မေကာင္းဘူး.. အင္ဂ်င္နီယာပညာကို ၀ါသနာပါလို႔မဟုတ္ပဲ ေရာက္လာလို႔သာသင္ေနရတယ္ စိတ္ကိုမ၀င္စားဘူး ဆိုတဲ႔ပံုစံမ်ိဳးေတြၿမင္ရေတာ႔ ဘယ္သူ႔ကိုစိတ္ဆိုးရမွန္းမသိ စိတ္ေတြဆိုးမိေသးတယ္.. တကယ္ေတာ႔ သူတို႔ေလးေတြကိုလဲ အၿပစ္ေၿပာလို႔မရပါဘူး.. အသက္၁၆ႏွစ္ေလာက္မွာ ၁၀တန္းေအာင္လာေတာ႔ ကိုယ္႔ကိုကိုယ္ေတာင္ ဘာကို၀ါသနာပါမွန္း ဘာၿဖစ္ခ်င္မွန္း သိၾကဦးမွာမွမဟုတ္ပဲ.. ေက်ာင္းကိုေရာက္လာေတာ႔လဲ ပရိေဘာဂကအစ မၿပည္႔မစံုနဲ႔.. လက္ေတြ႔ခန္းသံုးကိရိယာေတြကလဲ ေခာတ္မမွီ ဆိုေတာ႔ ဒီပညာရပ္ေတြကို အထင္မၾကီး စိတ္မ၀င္စားၾကေတာ႔တာ မဆန္းဘူးေပါ႔.. တခ်ိဳကေလးေတြလဲ စိတ္၀င္တစားနဲ႔ ၾကိဳးစားၾကတာရွိပါတယ္.. လူနည္းစုေပါ႔.. ဒီလိုမ်ိဳးေတြၿဖစ္လာေအာင္ ရည္ရြယ္ခ်က္နဲ႔ တမင္တကာလုပ္တာဆိုရင္ေတာ႔ လုပ္တဲ႔သူေတြ ေအာင္ၿမင္တယ္ေၿပာရမွာေပါ႔ေလ..

အၿဖဴနဲ႔နက္ၿပာယူနီေဖာင္းေတြ စ၀တ္ရတာက မွတ္မိသေလာက္ေတာ႔ ေနာက္ဆံုးႏွစ္မွပဲထင္တယ္.. ဘာပဲၿဖစ္ၿဖစ္ ေက်ာင္းသားနဲ႔အၿပင္လူ ခြဲၿခားရလြယ္သြားတာေတာ႔ အမွန္ပဲ.. အ၀တ္အစား ၿပိဳင္ဆိုင္၀တ္ၾကတာမ်ိဳးလဲ နည္းသြားမယ္ထင္တယ္.. ကြၽန္မကေတာ႔ ယူနီေဖာင္း၀တ္ရတာကို ၾကိဳက္ပါတယ္.. ေနာက္ပိုင္းေတာ႔ အက်ႌပံုစံပါ ဆင္တူသတ္မွတ္လိုက္တယ္ၾကားတယ္.. ကြၽန္မတို႔ေတာ႔ မမွီလိုက္ပါဘူး.. ေက်ာင္းၿပီးသြားၿပီကိုး.. ေက်ာင္းၿပီးသြားေတာ႔ ဘြဲ႔ႏွင္းသဘင္ကိုလဲ ေမွာ္ဘီေက်ာင္းမွာပဲလုပ္ပါတယ္.. ဘာအေဆာက္အအံုမွ မယ္မယ္ရရမရွိေတာ႔ ဘယ္မွာလာၿပီး ခမ္းခမ္းနားနားရွိပါ႔မလဲ.. ဒါေပမယ္႔ ကိုယ္႔ဆရာေတြ ကိုယ္႔သူငယ္ခ်င္းေတြ အားလံုးၿပန္ဆံုရတာမို႔ ေပ်ာ္တာကေတာ႔ ေပ်ာ္တာပါပဲ..

ဘြဲ႔ႏွင္းသဘင္ကေတာ႔ ကြၽန္မရဲ႔ ၅ႏွစ္တာအိပ္မက္ေတြရဲ႕ ဇာတ္သိမ္းခန္းေပါ႔.. ရုပ္၀တၴဳေတြမၿပည္႔စံုခဲ႔ေပမယ္႔ ကြၽန္မတို႔ရဲ႕ေက်ာင္းေတာ္ၾကီးကေတာ႔ ကြၽန္မရဲ႕ဘ၀မွာ အေရးၾကီးတဲ႔အခန္းက ပါ၀င္ခဲ႔ပါတယ္.. ေႏြေရာက္တိုင္း ငု၀ါေတြေ၀ေနေအာင္ပြင္႔တတ္တဲ႔ ေက်ာင္း၀င္းကေလးထဲမွာ ကြၽန္မဘ၀အတြက္ အေရးၾကီးတဲ႔ပညာရပ္ေတြကို သင္ယူခြင္႔ရခဲ႔တယ္.. ဘ၀အေၾကာင္း အခ်စ္အေၾကာင္း အသဲကြဲတဲ႔အေၾကာင္းေတြလဲ အပါအ၀င္ေပါ႔.. ခုေတာ႔ အရင္ေနရာေက်ာင္း၀င္းေလးက ေၿခာက္ကပ္ေနေရာ႔မယ္.. ေက်ာင္းေဆာင္သစ္ၾကီး ေဆာက္ၿပီးသြားၿပီကိုး.. ကြၽန္မတို႔ေက်ာင္းတက္ေနတုန္းက ဆရာေတြေရာ ေမွာ္ဘီေက်ာင္းမွာ ရွိၾကေသးရဲ႕လားမသိ.. တေန႔ေန႔ေတာ႔ ေက်ာင္းေတာ္ၾကီးဆီကို ေရာက္ေအာင္သြားလည္ဦးမယ္လို႔ စဥ္းစားေနမိရင္း.. ကြၽန္မ အိပ္မက္ထဲကေန ၿပန္လာခဲ႔ၿပီေလ..

(ဆက္မေရးၿဖစ္ဘဲ ၾကာေနတဲ႔ပို႔စ္ေလးကို ၿပန္အသက္သြင္းၿပီး အဆံုးသတ္ထားတာပါ.. ေက်ာင္းကိုလြမ္းလို႔..)

ပိန္ခ်င္သူမ်ားအတြက္

ကြၽန္မဆယ္ေက်ာ္သက္အရြယ္တုန္းက ေတာ္ေတာ္ေလးပိန္ပါတယ္.. အတန္းထဲမွာ ၀ါးၿခမ္းၿပားလို႔ ေခၚခံရတဲ႔အထိကို ပိန္တာပါ.. အရပ္ကလဲရွည္ေတာ႔ ကလန္ကလားၾကီး ၿဖစ္ေနရာေပါ႔.. အစားနည္းတာလဲမဟုတ္ပါဘဲ ပိန္ခ်င္လို႔ကို ပိန္ေနတာဆိုတာမ်ိဳး.. အသက္၂၀ေက်ာ္လာေတာ႔ နည္းနည္းၿပည္႔လာတယ္.. အသက္အစိတ္မွာ အိမ္ေထာင္ၿပဳလိုက္ၿပီး ၂၆ႏွစ္မွာ သားသားကိုေမြး.. ဟင္း.. ခုေတာ႔ ၃၀ေတာင္မၿပည္႔ရေသး ကြၽန္မ အ၀လြန္လို႔ အလြန္၀ေနၿပီေလ.. ၅ေပ၅လက္မဆိုတဲ႔ အရပ္ကေလးသာမကယ္ရင္ ရာ၀င္အိုးနဲ႔ နင္လားငါလားၿဖစ္ေနေလာက္ၿပီ..

ကြၽန္မပိန္ခ်င္တယ္.. လွခ်င္တာသက္သက္ေၾကာင္႔မဟုတ္ပါဘူး.. ၀လာေတာ႔ သြားတာလာတာကအစ သိသိသာသာေလးလာတယ္.. ေလွကားေလးနည္းနည္းတက္လိုက္ရင္ ေမာေနၿပီ.. ေၿခက်င္း၀တ္ေတြက ကိုယ္အေလးခ်ိန္ကို မခံႏိုင္လို႔ နာေနတတ္တယ္.. လမ္းခပ္ၿမန္ၿမန္ေလွ်ာက္လိုက္ရင္ကို ေၿခသလံုးေတြေတာင္႔တင္းၿပီး မသက္မသာခံစားလာရေရာ.. ၀လာလို႔ ခံစားရတဲ႔ေ၀ဒနာေတြကို သတိထားမိလာတာနဲ႔အမွ် ကြၽန္မ ပိန္ေအာင္လုပ္မွၿဖစ္မယ္လို႔ ေတြးမိပါတယ္.. အခ်ိန္ကိုက္လို႔ပဲဆိုရမလား Lose To Win ဆိုတဲ႔ Weight Management Programme မွာ ပါ၀င္ဖို႔ ကြၽန္မတို႔ရံုးကို Health Promotion Board က ဖိတ္ေခၚစာေရာက္လာပါတယ္.. တဖြဲ႔ကို ၅ေယာက္အထိ ပါ၀င္ခြင္႔ရွိတယ္ဆိုလို႔ လူ၀ၾကီးမ်ားရွာေဖြၾကတဲ႔အခါ ကြၽန္မေရာ ကြၽန္မရဲ႔ေမာင္ေတာ္ဘုရားေရာ အဖြဲ႕၀င္ေတြၿဖစ္သြားပါေလေရာ..

၃လၾကာမယ္႔ Programme ထဲမွာ ေလ႔က်င္႔ခန္းလုပ္ရမွာက တပါတ္ကို ၂ရက္.. Nutrition Workshopရယ္.. Supermarket Tourရယ္.. Cooking Classရယ္က တခါစီ.. Fitness Assessment ကေတာ႔ အားလံုးေပါင္း ၃ခါေပါ႔.. စစခ်င္းမွာ တခါ.. အလယ္ေလာက္မွာတခါ.. ေနာက္ဆံုးမွာ တခါေလ.. ပထမဆံုး Fitness Assessment သြားေတာ႔ ၀ိတ္ခ်ိန္.. အရပ္တိုင္း.. ခါးပါတ္လည္တိုင္းၿပီးသကာလ ၂ကီလိုမီတာ လမ္းေလွ်ာက္ခိုင္းၿပီး ႏွလံုးခုန္ႏႈန္းကိုတိုင္း.. Fitness Index တြက္တာပါ.. ေအာက္တိုဘာ ၂၃က စတာဆိုေတာ႔ ခုဆိုရင္ ၁လနီးပါးရွိၿပီေပါ႔.. ၂ကီလိုေက်ာ္ေက်ာ္က်သြားပါတယ္.. ေမာင္ေတာ္ဘုရားကေတာ႔ ၄ကီလိုနီးပါး.. အယ္.. မဆိုးပါလားေပါ႔.. ေလ႔က်င္႔ခန္းကေတာ႔ ေတာ္ေတာ္ကို ပင္ပန္းပါတယ္.. အမ်ားနဲ႔လုပ္ရတာဆိုေတာ႔ ပင္ပန္းေပမယ္႔ ေပ်ာ္ေနၾကတာပါပဲ.. ၀ိတ္ေလးနည္းနည္းက်သြားေတာ႔ အားတက္လာၿပီး သင္တန္းမွာ ေလ႔လာသင္ယူခဲ႔ရသမွ်ေလးကို မွ်ေ၀ခ်င္လို႔ ဒီပို႔စ္ေလး ေရးၿဖစ္သြားတာပါ..

ပထမဆံုးအေနနဲ႔ အစားအေသာက္ပိုင္းကို အရင္ၿပင္ရပါမယ္.. ကိုယ္႔ရဲ႕ ကိုယ္အေလးခ်ိန္အလိုက္ တေန႔တာလိုအပ္တဲ႔ ကယ္လိုရီကို အရင္သိဖို႔လိုပါမယ္.. မိန္းမေတြအေနနဲ႔ တေန႔ကို ၁၂၀၀ ကယ္လိုရီကေန ၁၇၀၀ ကယ္လိုရီေလာက္အထိ လိုတတ္ၿပီး.. ေယာက္်ားေတြအတြက္ေတာ႔ ၁၅၀၀ ကယ္လိုရီကေန ၂၂၀၀ ကယ္လိုရီေလာက္အထိ လိုတတ္ပါတယ္.. ကြၽန္မရဲ႔ကိုယ္အေလးခ်ိန္ ၇၅ကီလိုအတြက္ ၁၆၁၀ ကယ္လိုရီ လိုအပ္ပါတယ္.. အဲဒါက လက္ရွိကိုယ္အေလးခ်ိန္မွာ ထိန္းထားဖို႔ လိုတဲ႔ကယ္လိုရီေပါ႔.. ၀ခ်င္ရင္ပိုစား.. ပိန္ခ်င္ရင္ ေလွ်ာ႔စားရပါေတာ႔မယ္.. ေလ႔က်င္႔ခန္းေလးလဲ လုပ္မယ္ဆိုရင္ေတာ႔ ပိန္သြားရမွာေပါ႔.. ကြၽန္မတို႔ၿမန္မာေတြဆိုတာက ဆီၿပန္ဟင္းၾကိဳက္တတ္ၾကတာမို႔လား.. ဆီလက္ဖက္ရည္ဇြန္းနဲ႔ ၁ဇြန္းဆိုရင္ကို ၅၀ကယ္လိုရီရွိေနၿပီဆိုေတာ႔ ပိန္ခ်င္သူမ်ား ဆီၿပန္ဟင္းကို ေ၀ါင္ေ၀ါင္ေရွးဖို႔ လိုတာေပါ႔ေနာ္.. စားကိုစားရမွၿဖစ္မယ္ဆိုရင္လဲ ဟင္းအႏွစ္ေလးကို ေလွ်ာ႔စားေပါ႔ေလ.. ၾကက္သား၁တံုးမွာ အေရခြံကိုဖယ္စားလိုက္ရင္ ၅၀ကယ္လိုရီေလာက္ေလ်ာ႔သြားမယ္ဆိုတာေလးလဲ သတိရပါဦး.. မက္ေဒၚနယ္ေရာက္လို႔ ဘာစားရမလဲေရြးရင္ McSpicy Extra Value Meal ေရြးမယ္႔အစား Cheeseburger, small fries, light drinks ကိုေရြးလိုက္ရင္ ၇၀၀ကယ္လိုရီၾကီးမ်ားေတာင္ေလ်ာ႔မွာေနာ္.. မနက္စာကိုလဲ ၾကာဇံေၾကာ္ေတြ ေခါက္ဆြဲေၾကာ္ေတြအစား Wholemeal bread ေလး၂ခ်ပ္ကို Cheese ေလးနဲ႔စားၿပီး ေရေႏြးၾကမ္းေလးေသာက္တာက ၃၀၀ကယ္လိုရီေလာက္ေလ်ာ႔သြားၿပီ.. ေကာ္ဖီကို ႏို႔ေတြ သၾကားေတြနဲ႔ေသာက္ရင္ ၁၅၀ကယ္လိုရီေလာက္ရိွတယ္ေလ.. ေရေႏြးၾကမ္းကေတာ႔ သုညကယ္လိုရီပါ.. ထမင္းတခြက္စာက ၂၆၀ကယ္လိုရီရွိပါတယ္.. ငါးဟင္းေတြ အသားဟင္းေတြကေတာ႔ ၁၈၀ကေန ၂၂၀ ကယ္လိုရီအထိရွိတတ္ပါတယ္.. ဆီထဲမွာႏွစ္ၿပီး ၾကြပ္ေနေအာင္ေၾကာ္ထားတဲ႔ အစားအစာေတြကေတာ႔ ပိန္ခ်င္သူေတြအတြက္ ရန္သူေတြပါပဲ.. အခ်ိဳေတြစားတာလဲေလွ်ာ႔ရမယ္.. သၾကားကလဲ ကယ္လိုရီေတာ္ေတာ္မ်ားတာကိုး.. ၀ိတ္ခ်ေနတဲ႔သူေတြအတြက္ အေကာင္းဆံုးကေတာ႔ တေန႔တာအတြက္ ဘာစားမယ္ဆိုတာ ၾကိဳတင္စီစဥ္ထားတာပါပဲ.. ၀ိတ္က်ခ်င္ရင္ ပါးစပ္ကို အလိုမလိုက္သင္႔ဘူးေလ.. ေနာ္.. ဟင္းသီးဟင္းရြက္နဲ႔ သစ္သီးေတြကိုလဲ မ်ားမ်ားစားေပးသင္႔ပါတယ္.. အရမ္းခ်ိဳတဲ႔ အသီးေတြဆိုရင္ေတာ႔ နည္းနည္းေလွ်ာ႔စားရမွာေပါ႔.. အသီးထဲမွာ သဘာ၀အတိုင္းပါတဲ႔အခ်ိဳကိုက သၾကားလိုပဲ ကယ္လိုရီမ်ားတတ္လိုပါ.. အသီးေဖ်ာ္ရည္ေသာက္တာထက္ အသီးကိုစားတာက အမွ်င္ဓာတ္ရေစပါတယ္.. အမွ်င္ဓာတ္က ဗိုက္ၿပည္႔ေစေတာ႔ ေတာ္ေတာ္နဲ႔ၿပန္မဆာေတာ႔ဘူးေပါ႔..

အစားေလွ်ာ႔စားတာအၿပင္ ကိုယ္လက္လႈပ္လွ်ား ေလ႔က်င္႔ခန္းေလးေတြကလဲ ပိန္ခ်င္သူေတြအတြက္ အေရးၾကီးပါေသးတယ္.. တပါတ္ကို အနည္းဆံုး ၁၅၀မိနစ္ေလာက္ ေလ႔က်င္႔ခန္းလုပ္ေပးသင္႔ပါတယ္.. ေခြၽးထြက္တဲ႔အထိ ႏွလံုးခုန္ၿမန္လာတဲ႔အထိေပါ႔.. လမ္းေလွ်ာက္တာ ေၿပးတာေတြကေတာ႔ လူတိုင္းလုပ္တတ္တဲ႔ ေလ႔က်င္႔ခန္းေလးေတြပါပဲ.. ခုကြၽန္မတို႔ တပါတ္၂ခါလုပ္ရတဲ႔ ေလ႔က်င္႔ခန္းေတြကေတာ႔ Bootcamp လို႔ေခၚပါတယ္.. ေလ႔က်င္႔ခန္းစစခ်င္း ပန္းၿခံထဲမွာ ၁ပတ္လမ္းေလွ်ာက္ ၂ပတ္ေၿပးရပါတယ္.. ၿပီးရင္အဖြဲ႕ေတြခြဲၿပီး ေလ႔က်င္႔ခန္းအမ်ိဳးမ်ိဳးကို ဆက္တိုက္လုပ္ရပါေတာ႔တယ္.. ထိုင္ထ.. ဒိုက္ထိုး.. ခုန္ေပါက္ေၿပးလႊား စံုေနေအာင္ကိုလုပ္ရပါတယ္.. ၁နာရီခြဲေလာက္ မရပ္မနားလုပ္ရတာမို႔ ေတာ္ေတာ္ေလးကို ေမာတာေပါ႔.. ထိေရာက္တယ္.. ေတာ္ေတာ္ေလးကိုထိေရာက္တယ္ေၿပာရမယ္.. အေမာပိုခံႏိုင္လာတယ္.. အသားေတြက်စ္လာတယ္.. သြားရလာရတာ ေပါ႔ပါးသြက္လက္လာပါတယ္..

ေလ႔က်င္႔ခန္းလုပ္ရတာေလး အရွိန္ရလာေတာ႔ လင္မယားႏွစ္ေယာက္သား ညေနဆို အိမ္နားကေၿပးလမ္းေလးမွာ ေၿပးၾကဖို႔ တိုင္ပင္ၾကပါတယ္.. သင္တန္းမသြားရတဲ႔ေန႔ေတြ နာရီ၀က္ေလာက္ေၿပးၾကဖို႔ သေဘာတူညီခ်က္ရတယ္ေပါ႔.. ခုညေနကေန စပါမယ္.. အေရွ႕ဂ်ဴေရာင္းနဲ႕အနီးတ၀ိုက္မွာ ေနၾကသူမ်ားထဲက ပူးေပါင္းပါ၀င္ခ်င္တယ္ဆိုရင္ သံေခ်ာင္းေခါက္လိုက္ပါ.. သင္တန္းမွာလုပ္ရတဲ႔ ေလ႔က်င္႔ခန္းေတြလဲ သင္ေပးပါမယ္.. အေဖာ္ေလးနဲ႔ဆိုေတာ႔ ပိုလဲေပ်ာ္စရာေကာင္းသလို ကိုယ္ကမလုပ္ခ်င္ဘူးဆိုရင္ေတာင္ သူမ်ားကိုအားနာတာနဲ႔ လုပ္ၿဖစ္ေနဦးမွာေလ.. ဘယ္လိုလဲ.. ပူးေပါင္းပါ၀င္ၾကပါဦးလား.. :)

Happy Birthday PPA

သူငယ္ခ်င္းေရ..


ၿဖတ္သန္းခဲ႔တဲ႔ ၂၈ႏွစ္ခရီးတေလွ်ာက္ အၿမီးအေမွာက္မတည္႔တာေတြကလဲ အမ်ားသားေနာ္.. ဘယ္လိုခက္ခဲေနပါေစ ခိုင္မာတဲ႔စိတ္ဓာတ္နဲ႔ ယံုၾကည္ရာကို ေအာင္ၿမင္ေအာင္လုပ္တတ္တဲ႔ နင္႔အတြက္ေတာ႔ ေလာကဓံဆိုတာ မႈစရာမဟုတ္ေလာက္ဘူးမို႔လား..

ကဲ ဒီေန႔ နင္႔ေမြးေန႔ကစၿပီး ေရွ႕ဆက္ရမယ္႔ဘ၀ခရီးမွာ လိုခ်င္ေတာင္႔တတာမွန္သမွ် ၿပည္႔စံုႏိုင္ပါေစလို႔ ကိုးဂဏန္းသမား.. စေကာ႔ပီယိုရာသီဖြား သူငယ္ခ်င္းေလးအတြက္ ဆုေတာင္းေပးတယ္ေနာ္.. ထိပ္စီးမေၿပာင္းခင္ ေနာက္တြဲေလးလဲ ခ်ိတ္ႏိုင္ပါေစဟာ.. :P

So Called Long Weekends

မနက္ၿဖန္ ေဒ၀ါလီေန႔မို႔ ရံုးပိတ္တယ္.. ကြၽန္မတို႔ရံုးမွာ ထံုးစံေလးရွိတာက ဘာသာေရးဆိုင္ရာ ရံုးပိတ္ရက္ေတြမတိုင္ခင္ တရက္ဆို သက္ဆိုင္ရာဘာသာ၀င္ေတြကို ေန႔တ၀က္ေပးၿပန္တာပါပဲ.. မူဆလင္ေတြအတြက္ဆို ဟာရီရာယာ.. ဟိႏၵဴေတြအတြက္က ေဒ၀ါလီ.. ခရစ္ယာန္ေတြက်ေတာ႔ ခရစ္စမတ္.. တရုတ္ေတြကေတာ႔ ႏွစ္ကူးေပါ႔.. ဘယ္ေတာ႔မွ ေန႔တ၀က္မၿပန္ရတာကေတာ႔ ၿမန္မာေတြပဲ.. ဗုဒၶဘာသာအတြက္ ေန႔တ၀က္ေပးၿပန္တဲ႔ရက္ မရွိဘူးေလ..

မနက္ကရံုးေရာက္ေတာ႔ မန္ေနဂ်ာကို အတည္ေပါက္နဲ႔သြားေၿပာလိုက္တယ္.. ငါနာမည္ေၿပာင္းေတာ႔မယ္လို႔.. ဘယ္လိုေၿပာင္းမွာလဲတဲ႔.. Zinkumar လို႔ေၿပာင္းလိုက္မယ္.. ဒီေန႔ေန႔တ၀က္ၿပန္လို႔ရၿပီမဟုတ္လားလို႔ ေၿပာင္စပ္စပ္ေၿဖလိုက္ေတာ႔မွ တဟားဟားရယ္ၿပီး အိပ္ခ်င္ေၿပသြားပံုရတယ္ေလ.. ဟာရီရာဟာက်ရင္ေရာတဲ႔.. လြယ္ပါတယ္ Pwint Myue Bte Zin လုပ္လိုက္မယ္လို႔.. တရုပ္ႏွစ္ကူးက်ရင္ Koh Pwint Myue ေပါ႔လို႔ ဆက္ေၿပာေတာ႔ သေဘာေတြကိုက်လို႔.. သူနာမည္က Koh Chet Foo ေလ..

မနက္ၿဖန္ရံုးမတက္ရဘူးဆိုေတာ႔ အိမ္မွာဘာခ်က္စားရရင္ေကာင္းမလဲ စဥ္းစားေနတယ္.. မုန္႔ဟင္းခါးေကာင္းေကာင္းေလးလဲ မစားရတာၾကာၿပီ.. အုန္းႏို႔ေခါက္ဆြဲကေတာ႔ စားလို႔မၿဖစ္ေသးဘူး.. ေသြးတိုးထားတာမၾကာေသးေတာ႔ ေသြးၿပန္တိုးေနလို႔ အဆူခံေနရဦးမယ္.. မိုးေအးရင္ေတာ႔ ၾကာဇံခ်က္ေလး စားရရင္ေကာင္းသား.. ခ်က္ရတာလဲ လြယ္တယ္ေလ.. ေရွာက္သီးသုပ္ေလးနဲ႔ဆို ရွယ္ပဲ.. ညေနက်ရင္ေတာ႔ သားသားကို ေရကူးကန္လိုက္ပို႔ေပးရမယ္.. ေရကူးၿပီးရင္ KFC ေလးစား.. သားသားေၿပာသလို မိုက္မွမိုက္ေပါ႔.. သားသားက KFC ဆိုအရမ္းၾကိဳက္.. ထမင္းမစားခ်င္ရင္ May May, KFC please ဆိုၿပီး ၀ယ္ေကြၽးခ်င္လာေအာင္ ေၿပာတတ္တယ္..

စေနေန႔က်ရင္ေတာ႔ ေလ႔က်င္႔ခန္းလုပ္ဖို႔ Toa Payoh Park ကိုသြားရမယ္.. ကြၽန္မတို႔ရံုးက လူ၀ၾကီးမ်ားကို ၀ိတ္ခ်တဲ႔သင္တန္း တက္ခိုင္းထားတယ္ေလ.. စလံုးအစိုးရက လုပ္တဲ႔ Lose to Win Programme ေပါ႔.. တပတ္ကို၂ၾကိမ္ Army Bootcamp ဆိုတဲ႔ ေလ႔က်င္႔ခန္းေတြသြားလုပ္.. Nutrition Workshop ေတြသြားတက္.. Supermarket Tour ဆိုၿပီး ေစ်း၀ယ္ထြက္.. Cooking Class လဲတက္ရေသးတယ္.. ေပ်ာ္စရာၾကီးပါ.. မိတ္ေဆြေတြလဲတိုးတာေပါ႔.. ေလ႔က်င္႔ခန္းကေတာ႔ ေတာ္ေတာ္ပင္ပန္းတယ္.. အိမ္ၿပန္ေရာက္ရင္ ပန္လန္လက္လို႔ ပက္လက္လန္ေနေရာ.. လုပ္သင္႔ပါတယ္ေလ.. ကြၽန္မေတာ္ေတာ္၀ေနၿပီ..

တနဂၤေႏြေန႔မနက္က်ရင္ Vivo City မွာလုပ္မယ္႔ National Healthy Lifestyle Campaign ကိုသြားရမယ္.. ခ်စ္ဖို႔ေကာင္းတဲ႔ဂ်ာၾကီးက သူမသြားခ်င္လို႔ ကြၽန္မကို တြန္းလႊတ္လိုက္တာေလ.. သားသားကိုပါ ေခၚသြားလိုက္မယ္.. ၿပီးရင္ Sentosa ဆက္သြားရင္ေကာင္းမလား စဥ္းစားေနပါတယ္.. ၿပီးခဲ႔တဲ႔ေအာက္တိုဘာလက ရံုးကလူေတြနဲ႔ Nature Walk လမ္းသြားေလွ်ာက္ၾကေတာ႔ စိတ္၀င္စားစရာ လည္စရာပတ္စရာေတြ အမ်ားၾကီးေတြ႕ခဲ႔တယ္.. သားသားလဲမေရာက္ဖူးေသးဘူးဆိုေတာ႔ သြားၿဖစ္မယ္ထင္ရဲ႕..

Long Weekends လို႔ေၿပာၾကတဲ႔ ပိတ္ရက္ေလးမွာ လုပ္ခ်င္တာေလးေတြပါ.. Everybody, have a nice weekends! :)

ေပါက္ကရအေတြး ေပါက္ကရအေရး

မိနီကေလးဘယ္ကလာတဲ႔.. မိနီကိုေမးတဲ႔သူကေရာ ဘယ္ကလာတာမို႔လဲ.. ကုိယ္တိုင္ေတာင္ ဘယ္ကလာမွန္းမသိ ဘယ္ကိုသြားရမယ္မွန္းမသိဘဲနဲ႔ ဘယ္သူ႔ကိုမွ ေမးမေနခ်င္ေတာ႔ပါဘူးေလ..

ဘာမွန္းမသိဘဲ စကၠဴနဲ႔ ကပ္ကပ္လိုက္ရတဲ႔ မုန္႔လံုးေတြကလဲ နည္းမွမနည္းပဲကိုး.. အဲဒီမုန္႔လံုးေတြကို ၾကာကလပ္နဲ႔ဆြမ္းေတာ္တင္လိုက္တာ ပလ’င္ေပၚကေမ်ာက္ကေလးက ဆင္းေၿပးသတဲ႔ေလ.. ပလ’င္ေပၚကေမ်ာက္ၾကီးေတြဆင္းေၿပးဖို႔ေရာ ဘာကိုဆြမ္းေတာ္ကပ္ရင္ ေကာင္းမတဲ႔လဲ..

တံုးေအာက္ကဖား.. ၿပားတာဘာဆန္းလဲ.. အဲ ေဖာင္းတာကေတာ႔ နည္းနည္းဆန္းမယ္.. တံုးေအာက္ေရာက္လို႔ အဖိခံေနရတာေတာင္ ေဖာင္းႏိုင္တုန္းဆိုေတာ႔ ဖားပါ၀ါေတာ္ေတာ္ၾကီးလို႔ေပါ႔..

စာကေလးအေမႊးႏႈတ္တာကေတာ႔ အႏိုင္က်င္႔ၿခင္းသက္သက္ပဲ.. စာကေလးက ဘာၿပန္လုပ္ႏိုင္တာမွတ္လို႔.. –င္ေခါင္းႏိႈက္ဖို႔ ဆင္ေရြးရင္ေတာ႔ သတိထားမွၿဖစ္မယ္.. အခန္႔မသင္႔ရင္ ခရုသင္းေတြဘာေတြ ကူးႏိုင္တာကိုး..

၀မရွိရင္ ၀ိမလုပ္ခ်င္စမ္းပါနဲ႔.. လူစကားေလးေၿပာတတ္ရံုနဲ႔ ညီေထြးကိုလိုက္ၿပိဳင္ခ်င္တဲ႔ ၾကက္တူေရြး.. ၀လံုးေရးၿပလိုက္မွပဲ ေအးေတာ႔တယ္.. မွတ္ထား.. အဲ.. ဒါေပမယ္႔ ကြမ္းကလပ္ကိုခ်ီတဲ႔ အာေခါင္နီကိုၾကက္ေတာကေတာ႔ အဘကိုေတာင္မေၾကာက္ဘူး.. ေဆးတံနဲ႔ေတာင္ ေခါက္လိုက္ဦးမယ္တဲ႔.. ေသနတ္စာ မိအုန္းေတာ႔မယ္..

ေၾကာင္ပါးၾကီးမို႔ ၿမီးတံတိုတာလား.. ၿမီးတံတိုလို႔ ေၾကာင္ပါးလို႔ေခၚၾကတာလား.. ဘာပဲၿဖစ္ၿဖစ္ သြားေတာ႔မစမ္းနဲ႔ေနာ္.. အဆီကိုစား အသားကိုၿမိဳမွာတဲ႔.. သိပ္ေၾကာက္သြားလားၾကြက္ကေလး.. မေၾကာက္ပါနဲ႔ကြယ္.. ေၾကာင္ပါးၾကီးေဗဒင္က စံဇာဏီဘိုတြက္သေလာက္ မွန္မယ္မထင္ပါဘူး..

၀ါဆို၀ါေခါင္ ေရၾကီးၾကီးမွာ သေၿပသီးမွည္႔ေကာက္တာပဲ ေအးပါတယ္.. ခရာခ်ံဳထဲက ခ်ိဳမပါတဲ႔ေမွ်ာ႔ေလာက္ေတာ႔ တို႔ကအေပ်ာ႔ပဲ.. အဲ သူ႔ထက္အေကာင္ၾကီး အၿမီးရွည္ရင္ေတာ႔ နည္းနည္းေၾကာက္တယ္ကြယ္..

အင္း.. ဒီမိုး ဒီေရ ဒီေလနဲ႔ေတာ႔ ေနာက္ဆံုးက်ရင္ ဒီအေၿဖပဲ ထြက္လာဦးမွာပါပဲ...

ၿမဴးၿမဴး
၂၇.၁၀.၂၀၁၀

(ဘာရယ္မဟုတ္ ေလွ်ာက္ေတြးမိသမွ်ေလး..)

ေတြး

အခ်ိန္ေတြကုန္သြားတာ သိပ္ၿမန္တယ္.. ဘာမွမၾကာလိုက္ေသးဘူးလို႔ ထင္ေနဆဲမွာတင္ ရက္ကိုလစား လကိုႏွစ္စားလို႔ အခ်ိန္ေတြတေရြ႔ေရြ႔ ကုန္သြားလိုက္တာ.. ေလာကၾကီးထဲကို လူ အသစ္ေတြက တဖြဲဖြဲ၀င္လာေနဆဲမွာပဲ.. လူေဟာင္းေတြကလဲ တၿဖဳတ္ၿဖဳတ္ေၾကြေနဆဲေပါ႔..

ေနာင္တဆိုတဲ႔စကားကို ခြဲၿခမ္းစိတ္ၿဖာေနမိတယ္.. လုပ္သင္႔လုပ္ထိုက္တာကို မလုပ္လိုက္မိလို႔ ရတဲ႔ေနာင္တရယ္.. မလုပ္သင္႔မလုပ္ထိုက္တာကို လုပ္လိုက္မိလို႔ ရတဲ႔ေနာင္တရယ္.. ဘယ္ေနာင္တက ပိုနာက်င္ေစမလဲလို႔လဲ ေတြးေနမိတယ္.. အေၿဖမရပါဘူး.. အေၿဖရွိမွာမွ မဟုတ္ဘဲ.. ေနာင္တပါဆိုမွ အတူတူပဲရွိမွာေပါ႔..

စက္ရုပ္လို ရုန္းကန္လႈပ္ရွားေနရတဲ႔ ဘ၀ကို ၿငီးေငြ႔လာတယ္.. သားအတြက္ဆိုတဲ႔ ေမွ်ာ္လင္႔ခ်က္ေလးသာမရွိရင္ ခုေလာက္ဆို ၿမန္မာၿပည္ၿပန္ေရာက္ေနေလာက္ၿပီ.. ရတဲ႔အလုပ္ေလးလုပ္ ရသေလာက္ေလးနဲ႔ေလာက္ေအာင္သံုးၿပီး ေအးခ်မ္းေနမလားပဲ.. သားေဇာကပ္ေနတဲ႔ ေလာဘေတြေၾကာင္႔ ခုထက္ထိေတာ႔ စက္ရုပ္တေကာင္လို လႈပ္ရွားေနရဆဲေပါ႔..

မနာလိုစိတ္သိပ္မ်ားတဲ႔ လူေတြနဲ႔ပါတ္သတ္ရတဲ႔အခါ လူသတ္ခ်င္စိတ္ကို မနည္းထိန္းေနရတယ္.. ကိုယ္နဲ႔မဆိုင္ဘဲ ၀င္၀င္ရႈပ္တတ္တဲ႔လူေတြေၾကာင္႔ စိတ္ဆိုးရ ေဒါသေတြၿဖစ္ရတာလဲ ခဏခဏ.. စိတ္ထဲမွာ အက်ယ္ၾကီးေအာ္ဟစ္ေနမိတာက “Please Leave Me Alone!!!"

ကိုယ္႔ကိုယ္ကို စိတ္တိုင္းမက်တာ စိတ္က်ေရာဂါတမ်ိဳးပဲတဲ႔.. ကိုယ္ခ်စ္တဲ႔သူကို စိတ္တိုင္းမက်တာကေရာ ဘာေရာဂါမ်ားၿဖစ္မလဲ.. ကုလို႔ေရာ ရရဲ႕လား.. စိတ္ထဲမွာေတာ႔ အၾကိမ္ၾကိမ္ေတာင္းဆိုမိတယ္.. “ငါ႔ကို ဒီထက္နည္းနည္းေလးပိုၿပီး ဂရုစိုက္ေပးပါ” လို႔.. ကိုယ္မခ်စ္တဲ႔သူေတြရဲ႕ ဂရုစိုက္မႈေတြ စြက္ဖက္မႈေတြကို မလိုခ်င္ေပမယ္႔ ကိုယ္ခ်စ္တဲ႔သူေတြရဲ႔ ယုယမႈေလးေတြကိုေတာ႔ လိုခ်င္တတ္တာ သဘာ၀ပါ..

အတိတ္ေတြကိုၿပန္ေတြးတိုင္း..
တခါကေမွာ္ဘီေန႔ရက္ေတြရယ္...
အလင္းတုေတြၾကားက Esplanade ညမ်ားရယ္..
မွီႏြဲ႔ဖူးခဲ႔တဲ႔ ပခံုးတဖက္ရယ္.. သိပ္လြမ္းေနမိတယ္ကြယ္..

ေခြးနဲ႔ေၾကာင္ၿပႆနာ

စလံုးမွာအလုပ္လုပ္ရတာ တကယ္ေတာ႔သိပ္မလြယ္လွ.. ကြၽန္မလို သေဘၤာက်င္းမွာလုပ္ရတာဆို ပိုဆိုးတာေပါ႔.. ႏိုင္ငံေပါင္းစံုက အလုပ္သမားေတြ.. အင္ဂ်င္နီယာေတြ.. မန္ေနဂ်ာေတြ.. စံုလို႔ပဲ.. လူမ်ိဳးစံု စရိုက္စံုဆိုေတာ႔ ၿပႆနာကလဲ ေပါင္းစံုေပါ႔ေလ.. ကြၽန္မက HR မွာလုပ္ရတာဆိုေတာ႔ ၿဖစ္သမွ်ၿပႆနာကို ကိုင္တြယ္ႏိုင္တဲ႔သူမရွိေတာ႔ရင္ ကြၽန္မတို႔ဆီတြန္းလႊတ္ေတာ႔တာကိုး.. အလုပ္ခ်ိန္မွာ ခိုးအိပ္ေနတာမိသြားတာကအစ မဖြယ္မရာဗြီဒီယိုေတြ ၾကည္႔ေနတာ ဖမ္းမိတဲ႔ကိစၥအဆံုး ကြၽန္မတို႔ပဲ ေၿဖရွင္းရပါတယ္.. ခုတေလာေတာ႔ ေခြးနဲ႔ေၾကာင္ၿပႆနာ တက္ေနေလရဲ႔.. ကြၽန္မတို႔ သေဘၤာက်င္းထဲ ေခြးေလေခြးလြင္႔ ေၾကာင္ေလေၾကာင္လြင္႔ေတြ ေရာက္ရွိေသာင္းက်န္းေနပါသတဲ႔.. ကြၽန္မမန္ေနဂ်ာက အဲဒီကိစၥ နင္ရွင္းလိုက္ဆိုလို႔ ဂူဂယ္လ္ၾကီးကိုအကူအညီေတာင္းလို႔ စလံုးကေခြးဖမ္းတဲ႔အဖြဲ႔ကို ရွာေဖြေခၚယူရပါေတာ႔တယ္..

ကြၽန္မက စပ္စပ္စုစုနဲ႔ အဲဒီအဖြဲ႕ကိုေမးမိတယ္.. ဖမ္းမိတဲ႔ေခြးေတြ ေၾကာင္ေတြကို ဘာလုပ္တာလဲလို႔.. သူတို႔က သတ္ပစ္တာတဲ႔.. စိတ္မေကာင္းလိုက္တာေလ.. မတတ္ႏိုင္ဘူး ကိုယ္ကေခၚၿပီးေနၿပီ.. ေနာက္တေန႔က်ေတာ႔ သူတို႔ေရာက္လာၾကတယ္.. သတၲ၀ါေတြက သူတို႔ေဘးေတြ႕ေတာ႔မယ္ဆိုတာ ၾကိဳသိေနပံုရတယ္.. ဟိုအဖြဲ႕ေတြ ေခြးတေကာင္ေၾကာင္တၿမီးမွမမိဘဲ ၿပန္သြားရတယ္ေလ.. ကြၽန္မကေတာ႔ေပ်ာ္သည္ေပါ႔.. ကိုယ္႔ပေယာဂေၾကာင္႔ ေခြးေတြေၾကာင္ေတြ ေသမယ္႔အေရးက ေ၀းၿပီကိုး.. မန္ေနဂ်ာကို သတင္းပို႔ရင္း တခါတည္းေၿပာထားလိုက္တယ္.. ငါ႔ကို ေနာက္တခါဒါမ်ိဳးမခိုင္းပါနဲ႔လို႔.. ငါတို႔ဘာသာေရးအရ မလုပ္ေကာင္းတဲ႔ အလုပ္မို႔လို႔ပါလို႔ေလ..

တေန႔ကေတာ႔ ေခြးေတြေၾကာင္ေတြ ပိုမ်ားလာလို႔ဆိုၿပီး ကြန္ပလိန္းထပ္ေရာက္လာပါတယ္.. သေဌးလဲ ေခါင္းစားရေတာ႔တာေပါ႔.. ေနာက္ေတာ႔ ဘယ္ဥာဏ္ၾကီးရွင္က အၾကံေပးလိုက္တယ္မသိဘူး.. ေခြးတေကာင္ ေၾကာင္တေကာင္ဖမ္းမိရင္ ဆုေငြ ၅၀ေပးမယ္ဆိုၿပီး ႏို႔တစ္ထြက္လာပါေတာ႔တယ္.. က်င္းထဲက မ တစ္ရာသား အလုပ္သမားေတြဆိုတာေလ ဟိုေခ်ာင္း ဒီေခ်ာင္းနဲ႔ ဖမ္းဖို႔ခ်ည္းေခ်ာင္းေနၾကေတာ႔တာ.. အလုပ္ေတာင္ ေၿဖာင္႔ေအာင္လုပ္ႏိုင္ၾကေသးရဲ႔လားမသိ.. ကြၽန္မက ႏို႔တစ္မထုတ္ခင္ေၿပာေသးတယ္.. ေခြးဖမ္းတဲ႔သူေတြ ေခြးကိုက္ခံရရင္ ၿပႆနာတက္ေနမယ္လို႔.. ကြၽန္မမန္ေနဂ်ာက ေနပါေစ.. သေဌးကထုတ္ခိုင္းတာဆိုလို႔ ၾကည္႔ေနလိုက္တယ္.. ေန႔ေတာင္မကူးေသး ေၾကာင္ကုတ္ခံရလို႔တဲ႔ အလုပ္သမားတေယာက္ ရံုးကိုလာေၿပာတယ္.. အဲဒီေတာ႔မွ ၿပဴးတူးၿပာတာနဲ႔ ဘာလုပ္ရင္ေကာင္းမလဲတဲ႔.. ကြၽန္မကေတာ႔ မၾကားခ်င္ေယာင္ဘဲေဆာင္ေနလိုက္ေတာ႔တယ္.. ခုထက္ထိေတာ႔ ေခြးတစ္ေကာင္မွမိတယ္လို႔ မၾကားမိေသးပါဘူး.. ေၾကာင္ေတာ႔ ၂ေကာင္မိတယ္ၾကားတယ္.. သနားစရာပါ.. သက္ဆိုင္ရာကိုအပ္ရင္ သတ္ပစ္ၾကမွာမဟုတ္လား..

ညေနရံုးဆင္းေတာ႔ ရံုးကားေပၚမွာ အဲဒီအေၾကာင္းပြားၾကရင္း ကိုတင္မင္းထက္ကေၿပာၿပတယ္.. သူအရင္လုပ္တဲ႔ စူဇူကီးမွာ ဂ်ပန္ေဘာ႔စ္လုပ္သလိုလုပ္ပါလားတဲ႔.. ဘာလုပ္တာလဲဆိုေတာ႔ "ေခြးေလေခြးလြင္႔မ်ား လံုး၀၀င္ခြင္႔မၿပဳ" ရယ္လို႔ စာထုတ္တာပါတဲ႔ေလ.. ေခြးကို စာဖတ္တတ္တယ္လို႔မ်ား ထင္ေနတာလား.. ဖတ္မိတဲ႔လူေတြကိုပဲ ေခြးနားလည္ေအာင္ ရွင္းၿပေစခ်င္တာလားေတာ႔ မေၿပာတတ္.. ၿမန္မာၿပည္မွာေနာ္.. စာထုတ္တာမွ ၿမန္မာလိုေတာင္မဟုတ္ဘူး.. အဂၤလိပ္လို ခန္႔ခန္႔ညားညားၾကီးကို ထုတ္တာတဲ႔ေလ..

ေၿပာၾကရင္း ကြၽန္မေဖေဖေၿပာၿပဖူးတာေလး သတိရလို႔ ေၿပာၿပီး ရယ္ၾကရေသးတယ္.. ေဖေဖပုလဲနဲ႔ငါးမွာလုပ္ေနတုန္း ရခိုင္ဘက္မွာ တာ၀န္က်ေနတုန္းက အေၾကာင္းေလးေပါ႔.. ရြာထဲမွာလမ္းေလွ်ာက္သြားလို႔ ေခြးတေကာင္ေကာင္အနားကပ္လာရင္ "ဟဲ႔ေခြး"လို႔ ေအာ္ၿပီးေမာင္းလို႔ကေတာ႔ ေခြးက ဂရုေတာင္မစိုက္ဘူးတဲ႔.. "ဟဲ႔ခြီး"ဆိုၿပီး ရခိုင္သံနဲ႔ေအာ္မွ ဒင္းကေၿပးေတာ႔တယ္ဆိုတာကိုး.. ထူးဆန္းပါေပ႔ ကိုကိုေခြးရယ္.. း)

ေမာင္မိုးေလးရဲ႕ႏႈတ္ခြန္းဆက္

ေမေမေရးတဲ႔စာေတြကို လာဖတ္ေပးၾကတဲ႔ ဦးဦးတီတီ ကိုကိုမမေတြကို ေမာင္မိုးေလးကေက်းဇူးပါ.. ေမေမက သားသားကို ဘေလာ႔ေပၚေပးမတက္တာၾကာလို႔ သားသားကိုယ္တိုင္ ဇြတ္အတင္းတက္လာရတယ္.. ေမေမရိုက္ထားတဲ႔ သားသားပံုေလးေတြက်ေတာ႔ ေမေမကဘေလာ႔ေပၚတင္တယ္.. သားသားရိုက္ေပးထားတဲ႔ ေမေမ႔ပံုေတြက်ေတာ႔ သူကမတင္ဘူးေလ.. သားသားက လွလွေလးရိုက္ေပးထားတာပါ.. မ်က္လံုးဆိုလဲ တဖက္ပဲကြက္ရိုက္တတ္တယ္.. ေမေမေၿပာင္ၿပေနတာကို ရိုက္ထားတဲ႔ပံုေလးမ်ားဆို ေတာ္ေတာ္လွတာေပါ႔.. ေဖေဖကေတာ႔ ၾကည္႔မိလို႔ လန္႔သြားတယ္ေၿပာတာပဲ.. သားသားကၾကီးလာရင္ ဦးဦးဘိုလို အုန္းသီးၾကီးၾကီးနဲ႔ ရိုက္ဦးမွာ.. သားသားရိုက္တဲ႔ပံုေလးေတြ ေနာက္မွ ေမေမ႔ကို တင္ခိုင္းရဦးမယ္.. အဲဒီအခါလဲ လာအားေပးၾကဦးေနာ္.. သားသားက အားလံုးကို ခ်စ္ခ်စ္ပါ.. မ်ားၾကီးခ်စ္ပါတယ္.. ဗိုက္ဗိုက္ထဲက ခ်စ္တာပါေနာ္.. :)

ႏွစ္ေယာက္တစ္ဘ၀ တည္ေဆာက္ၾကမယ္႔သူေတြအတြက္

စကၤာပူမွာ လက္မွတ္ေရးထိုးလက္ထပ္ပြဲ ဆင္ႏြဲၾကမယ္႔သူေတြအတြက္ လမ္းညႊန္သေဘာေလး ေရးမယ္လို႔ စဥ္းစားထားတာၾကာပါၿပီ.. ကြၽန္မအလွည္႔တုန္းကေတာ႔ စမ္းတ၀ါး၀ါးနဲ႔ပဲ လုပ္ရင္းလုပ္ရင္း အဆင္ေၿပသြားပါတယ္.. ဘေလာ႔ကိုလာဖတ္ၾကတဲ႔ ညီအစ္ကို ေမာင္ႏွမေတြထဲက လိုအပ္တဲ႔သူမ်ားရွိရင္ အသံုး၀င္ေအာင္ သိသမွ်ေလး မွ်ေ၀ေပးခ်င္တာပါ.. တကယ္အကူအညီလိုအပ္လာရင္လဲ ကိုယ္တိုင္ကိုယ္က် ကူညီခ်င္ပါတယ္.. အားမနာတမ္းသာ အကူအညီေတာင္းလိုက္ပါ.. ၀မ္းေၿမာက္၀မ္းသာ ကူညီပါ႔မယ္..

ပထမဦးဆံုးလုပ္ရမွာကေတာ႔ ရက္ေရြးဖို႔ပါပဲ.. ႏွစ္ဦးႏွစ္ဖက္ သေဘာတူစိတ္တိုင္းက်တဲ႔ ေန႔ေကာင္းရက္သာေလး ေရြးၿပီးၿပီဆိုရင္ ဘယ္မွာလက္မွတ္ထိုးမွာလဲဆိုတာေလး စဥ္းစားရပါမယ္.. ရံုးမွာပဲသြားလက္မွတ္ထိုးလိုက္မလား အၿပင္မွာလုပ္မလားေပါ႔.. အၿပင္မွာလုပ္မယ္ဆိုရင္ ေနရာအတိအက် ေရြးရပါမယ္.. ရံုးမွာ လက္မွတ္ထိုးတာက စရိတ္စကေရာ အလုပ္ရႈပ္ပါ သက္သာပါတယ္.. ဒါေပမယ္႔ မိတ္ေဆြသူငယ္ခ်င္းေတြ ေခၚခ်င္တိုင္းေခၚသြားလို႔မရဘူး.. လက္မွတ္ထိုးဖို႔ သတ္မွတ္ထားတဲ႔အခ်ိန္ကလဲ ၅မိနစ္ေလာက္ပဲဆိုေတာ႔ ဓါတ္ပံုေတြဘာေတြလဲ သိပ္ရိုက္လို႔မရဘူးေပါ႔.. ေနာက္တခုက ကိုယ္လိုခ်င္တဲ႔ရက္ ကိုယ္လိုခ်င္တဲ႔အခ်ိန္ ရဖို႔လဲ ခက္ပါတယ္.. အားတဲ႔ေန႔ အားတဲ႔အခ်ိန္ကိုယူရတာေပါ႔.. အၿပင္မွာလုပ္မယ္ဆိုရင္ေတာ႔ ကိုယ္ၾကိဳက္တဲ႔ေန႔ ကိုယ္ၾကိဳက္တဲ႔အခ်ိန္ ကိုယ္ၾကိဳက္တဲ႔ေနရာမွာ ဖိတ္ခ်င္သေလာက္လူေတြဖိတ္ၿပီး စိတ္ၾကိဳက္ဓါတ္ပံုေတြရိုက္လို႔ရပါတယ္.. ကြၽန္မတို႔တုန္းကလဲ အၿပင္မွာပဲ လက္မွတ္ထိုးတာဆိုေတာ႔ အၿပင္မွာလုပ္မယ္႔ပြဲအတြက္ေလးပဲ အေသးစိတ္ေရးလိုက္ေတာ႔မယ္ေနာ္..

ေနရာလဲေရြးၿပီးၿပီဆိုရင္ေတာ႔ ROM Website မွာ Filing လုပ္လို႔ရပါၿပီ.. ကိုယ္လက္မွတ္ထိုးမယ္႔ရက္က filing လုပ္တဲ႔ရက္နဲ႔ အနည္းဆံုး ၂၁ရက္ကေန အမ်ားဆံုး ၃လအတြင္းၿဖစ္ရပါမယ္.. www.rom.gov.sg ကိုသြားၿပီး online filing လုပ္ရတာပါ.. သတို႔သားသတို႔သမီးရယ္ အသိသက္ေသ၂ေယာက္ရယ္တို႔ရဲ႔ ကိုယ္ေရးအခ်က္အလက္ေတြ လိုပါတယ္.. အသိသက္ေသက အသက္၂၁ႏွစ္အထက္ ဘယ္သူမဆို လုပ္လို႔ရပါတယ္.. အၿပင္မွာလက္မွတ္ထိုးမယ္႔သူေတြအတြက္က ဆိုလမ္ႏိုက္ဇာ (Solemniser) တစ္ေယာက္ကို ဖိတ္ဖို႔လိုပါမယ္.. Filing လုပ္တဲ႔အခါ ကိုယ္ဖိတ္တဲ႔ Solemniser ရဲ႔ လိုင္စင္နံပါတ္လဲ ၿဖည္႔ဖို႔လိုပါမယ္.. Solemniser ေတြဆိုတာက ရပ္ကြက္လူၾကီးသေဘာမ်ိဳးပါပဲ.. လခစားေတြမဟုတ္ၾကပဲ ေဗာ္လန္တီယာလုပ္ၾကတာဆိုေတာ႔ သတို႔သားသတို႔သမီးကိုယ္တိုင္ ေလးေလးစားစား ဖိတ္သင္႔ပါတယ္.. ကိုယ္ေရြးထားတဲ႔ရက္နဲ႔ သူနဲ႔အဆင္ေၿပၿပီဆိုရင္ Solemniser Consent Form ေလးမွာ လက္မွတ္ထိုးခိုင္းၿပီး ယူထားရပါမယ္.. ေငြသြင္းဖို႔အတြက္ Credit Card လဲရွိဖို႔လိုပါတယ္.. ေပးရမယ္႔ႏႈန္းေတြကေတာ႔ ေအာက္ကဇယားေလးအတိုင္းပါပဲ..



ဖိုင္းလင္းလုပ္ၿပီးတဲ႔အခါ Noticeကို ပရင္႔ထုတ္ၿပီး ယူထားရပါမယ္.. ရက္ခ်ိန္းတခုေပးပါလိမ္႔မယ္.. အဲဒီေန႔က်ရင္ သတို႔သားသတို႔သမီး ၂ေယာက္လံုးရံုးကိုသြားရပါမယ္.. ၂ေယာက္လံုးရဲ႔ ပါတ္စ္ပို႔မူရင္းေတြရယ္.. အိုင္စီမူရင္းေတြရယ္.. အသိသက္ေသ၂ေယာက္ရဲ႔ ပါတ္စ္ပို႔မိတၲဴေတြရယ္.. ပရင္႔ထုတ္ထားတဲ႔Notice ရယ္.. Solemniser လက္မွတ္ထိုးတားတဲ႔ Consent Form ရယ္ ယူသြားရပါမယ္.. အဲဒီေန႔က်ရင္ ရံုးက လက္ထပ္စာခ်ဳပ္၂ေစာင္ထုတ္ေပးလိုက္ပါလိမ္႔မယ္.. ကာလာနဲ႔ကတေစာင္ အၿဖဴအမဲက တေစာင္ပါ.. စာအိတ္တအိတ္လဲေပးလိုက္ပါလိမ္႔မယ္..

လက္မွတ္ထိုးတဲ႔ေန႔က်ရင္ သတို႔သားသတို႔သမီးနဲ႔ အသိသက္ေသေတြအားလံုး ပါတ္စ္ပို႔မူရင္း အိုင္စီမူရင္းေတြ ယူသြားရပါမယ္.. ဆိုလမ္ႏိုက္ဇာက စစ္ေဆးၿပီးေတာ႔မွ သူတိုင္ေပးတဲ႔အတိုင္းလိုက္ဆို လက္စြပ္လဲမယ္ဆိုလဲ ၿပီးေတာ႔ လက္မွတ္ထိုးရပါမယ္.. အၿဖဴအမဲစာရြက္မွာ လက္မွတ္ထိုးရတာပါ.. ကာလာစာရြက္မွာေတာ႔ ဆိုလမ္ႏိုက္ဇာတစ္ေယာက္တည္းပဲ လက္မွတ္ထိုးရပါတယ္.. ၿပီးတဲ႔အခါ ကာလာနဲ႔စာခ်ဳပ္ေလးကို ဆိုလမ္ႏိုက္ဇာက လႊဲေပးပါလိမ္မယ္.. လက္မွတ္ထိုးထားတဲ႔စာခ်ဳပ္ကိုေတာ႔ သူကပဲရံုးကိုပို႔ေပးပါလိမ္႔မယ္.. သူ႔ကို ၅၀ၿဖစ္ၿဖစ္ ၁၀၀ၿဖစ္ၿဖစ္ စာအိတ္ေလးနဲ႔ထည္႔ၿပီး ေပးလိုက္ဖို႔မေမ႔ပါနဲ႔.. သူ႔ကိုယ္ပိုင္အခ်ိန္ေတြထဲက ကိုယ္႔အတြက္လုပ္ေပးရတာမို႔ ေက်းဇူးတင္သင္႔ပါတယ္.. ၿပီးရင္ေတာ႔ ကိုယ္လုပ္ခ်င္တဲ႔ ပါတီပြဲကို ဆက္ခ်င္လဲဆက္.. စားေသာက္ဆိုင္ကိုပဲ သြားခ်င္လဲသြား ၾကိဳက္ရာေပါ႔..

တကယ္လို႔ လက္မွတ္ထိုးတာကို အကုန္အက်လဲမမ်ားခ်င္ဘူး.. လူသိပ္မ်ားမ်ားလဲ မဖိတ္ခ်င္ဘူးဆိုရင္ ရပ္ကြက္ထဲက ကြန္ၿမဴနတီစင္တာေတြမွာ လုပ္လို႔ရပါတယ္.. ဆိုလမ္ႏိုက္ဇာကလဲ ရံုးမွာအဆင္သင္႔ရွိတတ္ပါတယ္.. လက္မွတ္ထိုးပြဲအတြက္ စားပြဲလွလွေလးၿပင္ဆင္ေပးပါလိမ္႔မယ္.. လူ ၃၀စာအတြက္ ဆိုဖာထိုင္ခံုေလးေတြ ခင္းထားေပးပါလိမ္႔မယ္.. အခန္းငွားခက တနာရီကို ၅၀ ၀န္းက်င္ေလာက္ေပးရပါတယ္.. လဖက္ရည္ေကာ္ဖီ စီစဥ္ေပးပါတယ္.. ၁ခြက္ကို ၁က်ပ္ႏႈန္းနဲ႔ေပါ႔.. မဆိုးဘူးလို႔ေၿပာရမယ္.. ေနာက္မွ မဂၤလာဆြမ္းေကြၽးေလးလုပ္ခ်င္လဲ လုပ္လို႔ရတာေပါ႔..

ဟိုတယ္မွာလုပ္ခ်င္သူေတြအတြက္ေတာ႔ ေန႔လည္စာ ညစာနဲ႔ ဟိုင္းတီးဆိုၿပီး သံုးမ်ိဳးေရြးစရာရွိပါတယ္.. သိပ္အကုန္အက်မမ်ားခ်င္ရင္ေတာ႔ ဘူေဖးဟိုင္းတီးကိုေရြးေပါ႔.. စားစရာအမ်ိဳး၂၀နီးပါးဆိုေတာ႔ ေတာ္ေတာ္ေလးအဆင္ေၿပပါတယ္.. လူနဲ႔တြက္ၿပီးယူတာပါ.. အနည္းဆံုးေတာ႔ လူ၃၀စာၿဖစ္ရမွာေပါ႔.. ၁ေယာက္စာကို ၄၀ေက်ာ္ေလာက္က်ပါမယ္.. ၾကယ္ေလးပြင္႔အဆင္႔ ဟိုတယ္ေတြက ေစ်းႏႈန္းပါ.. ကြၽန္မတို႔တုန္းကေတာ႔ ဖူရာမာဟိုတယ္မွာ လုပ္ၿဖစ္ပါတယ္.. အစားအေသာက္ ေတာ္ေတာ္ေကာင္းတဲ႔ဟိုတယ္ပါ.. အဲဒီတုန္းက တေယာက္စာကို ၃၀ပဲေပးရပါတယ္.. လက္ေဆာင္ကမ္းဖို႔ အရုပ္လွလွေလးေတြလဲ ေပးပါေသးတယ္.. စားေသာက္ဆိုင္ေတြမွာလုပ္ရင္ေတာ႔ စားပြဲအေရအတြက္နဲ႔ ပိုက္ဆံယူပါတယ္.. တစားပြဲ (၁၀ေယာက္စာ) ကို ၄၅၀ကေန ၇၀၀ အတြင္း ေစ်းအမ်ိဳးမ်ိဳးရွိပါတယ္..

ဖိတ္စာအတြက္ကေတာ႔ ကိုယ္ၾကိဳက္တဲ႔ပံုစံေလးေရြးၿပီး မွာလို႔ရပါတယ္.. ၿပား၈၀တန္ေလာက္ကေန ၄က်ပ္တန္ေလာက္အထိ အမ်ိဳးမ်ိဳးပါပဲ.. ေရြးၿပီးၿပီဆိုရင္ စာသားကိုၾကိဳက္တာေရးၿပီး မိုလ္လုပ္ခ ၅၀ထပ္ေပးရပါတယ္.. အနည္းဆံုး တလေလာက္ၾကိဳမွာရင္ ပိုေကာင္းပါတယ္.. ေ၀ဖို႔လဲ အခ်ိန္ေပးရဦးမွာကိုး.. စလံုးေတြက ေစာေစာၾကီဳၿပီးေ၀မွ သေဘာက်ပါတယ္..

ကဲ.. ပိုၿပီးအေသးစိတ္သိခ်င္ေသးရင္ေတာ႔ myuemyue@gmail.com ကို ေမးလ္ပို႔ၿပီး အားမနာတမ္းသာေမးလိုက္ပါ.. ကူညီခ်င္လြန္းလို႔...

တို႔ငယ္ငယ္တုန္းက

တေန႔က ဂီတတံခါးေလးဖြင္႔ေပးပါ ဆိုတဲ႔ အစီအစဥ္ေလးမွာ ကေလးေလးေတြ သီခ်င္းဆိုၾကတာေတြ႔ေတာ႔ ကြၽန္မတို႔ေမာင္ႏွမေတြရဲ႕ငယ္ဘ၀ေလးကို သတိရသြားမိတယ္.. ေဖေဖေရာ ေမေမေရာက သီခ်င္းေတြၾကိဳက္ေတာ႔ ကြၽန္မတို႔ေမာင္ႏွမေတြလဲ ဂီတနဲ႔စိမ္းမေနဘူးေပါ႔.. ေဖေဖဂစ္တာတီးၿပီး သီခ်င္းဆိုရင္ ေဖေဖ႔နားမွာ ၀ိုင္းထိုင္ၿပီး ရတဲ႔သီခ်င္းဆိုလိုက္ဆိုၾက မရတဲ႔သီခ်င္းဆိုလဲ လက္ခုပ္ေလးနဲ႔ စည္းခ်က္လိုက္ၾကနဲ႔ေပါ႔.. ေဖေဖက အဂၤလိပ္သီခ်င္းေတြဆိုတာမ်ားတယ္.. ကြၽန္မသံုးတန္းေက်ာင္းသူအရြယ္ေလာက္မွာ ေဖေဖက ၁၄လက္မ အၿဖဴအမဲ တီဗီေလးတစ္လံုး ၀ယ္လာပါတယ္.. အဲဒီတုန္းက ကြၽန္မတို႔ေနတဲ႔ ဒဂံုၿမိဳ႕သစ္မွာ မီးမရေသးဘူး.. ဘတၴရီနဲ႔ ဖြင္႔ရတာေပါ႔.. တီဗီကလာတဲ႔သီခ်င္းေတြၾကည္႔ၿပီး ေမာင္ႏွမေတြ အရူးထၾကတာေလးမွတ္မိေသးတယ္.. စိုင္းထီးဆိုင္ရယ္.. မီမီ၀င္းေဖရယ္.. နန္းေနာင္႔ေနာင္႔ရယ္.. ေနာက္အမ်ိဳးသားအဆိုေတာ္တစ္ေယာက္ရယ္ ဆိုထားတဲ႔ ေပၚလစီသီခ်င္းေလးတစ္ပုဒ္ကို ေန႔တိုင္းလႊင္႔တာေလ.. သီခ်င္းနာမည္က အလင္းစကားထင္တာပဲ.. ကြၽန္မက မီမီ၀င္းေဖေနရာကဆို ညီမေလးက နန္းေနာင္႔ေနာင္႔လုပ္ ေမာင္ေလးက ေယာက္်ားေလး၂ေနရာကဆိုနဲ႔ စတိတ္ရိႈးလိုဆိုၾကတာ.. မီမီ၀င္းေဖလို ဆံပင္ရွည္ေအာင္ မ်က္ႏွာသုတ္ပု၀ါၾကီးကို ေခါင္းမွာကလစ္နဲ႔ညွပ္ရေသးတယ္.. ေမာင္ေလးကလဲ ၂ေယာက္စာဆိုရေတာ႔ ဟိုဖက္ေၿပးလိုက္ ဒီဖက္ေၿပးလိုက္နဲ႔ေပါ႔.. မိုက္ကရိုဖုန္းကေတာ႔ သနပ္ခါးတံုးအေဟာင္းေတြေလ.. မမိုက္ဘူးလား..

ကြၽန္မပထမဆံုး စာသားအလြတ္ရၿပီး ဆိုတတ္သြားတဲ႔သီခ်င္းက တိမ္လႊာမို႔မို႔လြင္ သီခ်င္းေလ.. ေရဒီယိုကလာေနတာ ၾကားဖူးေနေပမယ္႔ စာသားကိုအလြတ္မရဘူး.. ေနၾကာေစ႔တံဆိပ္ေလးရဲ႕ေနာက္ေက်ာမွာ စာသားေလးပါလာေတာ႔မွ အလြတ္က်က္ရတာ.. မရ ရေအာင္ကိုက်က္တာေနာ္.. ၀ါသနာက မေသးဘူး.. ကတ္ဆက္ေသးေသးေလး ေဖေဖ၀ယ္လာတုန္းကဆို ေမာင္ႏွမေတြေပ်ာ္လိုက္တဲ႔ၿဖစ္ၿခင္း.. ေဖေဖက အဂၤလိပ္သီခ်င္းေတြဖြင္႔ ေမေမက အႏိုင္တို႔ ခ်ိဳၿပံဳးတို႔ မာမာေအးတို႔ဖြင္႔.. ေနာက္ပိုင္းက်ေတာ႔ ေမဆြိတို႔ ေမခလာတို႔ေပါ႔.. ညီမေလးဆိုရင္ ေမခလာသီခ်င္းေတြ အကုန္အလြတ္ရေနေရာ.. စာသားေတာ႔မမွန္ဘူး သူၾကားတာဆိုတာပဲ.. ၁၆ႏွစ္မကိုဆိုတာမ်ား ၁၆လက္မ ၁၆လက္မတဲ႔.. စိုးစိတ္ေတြဟိုက၀င္လာဒီက၀င္လာ ဆိုတာကိုက်ေတာ႔ ပုရြက္ဆိတ္ေတြဟိုက၀င္လာဒီက၀င္လာ တဲ႔ေလ.. ေမာင္ေလးက ပထမေတာ႔စိုင္းထီးဆိုင္ၾကိဳက္တယ္ ေမၿမိဳ႕မိုးတို႔ ႏွလံုးလမ္းေၾကာင္းမွာ ကြၽန္းခံေနတယ္တို႔ အကုန္အလြတ္ရတာေနာ္.. ၄ႏွစ္သားေလာက္ေရာက္ေတာ႔ ေဇာ္၀င္းထြဋ္ကိုၾကိဳက္တယ္.. ထြက္သမွ်အေခြ၀ယ္ေပးရတယ္.. သီခ်င္းေတြလဲ အကုန္အလြတ္ရတာပဲ.. ကြၽန္မကေတာ႔ ဖြင္႔သမွ်နားေထာင္တာပဲ ၾကိဳက္တာပဲ.. အဆိုေတာ္တေယာက္ကို စြဲစြဲၿမဲၿမဲ ၾကိဳက္တတ္လာတာ ၈တန္းေရာက္ေတာ႔မွေပါ႔.. စည္သူလြင္ကိုၾကိဳက္တာေလ.. ညအၿပင္းစားဆိုတဲ႔ အေခြထြက္ခါစေပါ႔.. တေနကုန္ဖြင္႔တာပဲ.. အိမ္ကလူေတြကို နားၿငီးေရာ.. ေဖေဖ၀ယ္ေပးတဲ႔ အမ္ပလီဖိုင္ယာေတြ စပီကာၾကီးေတြနဲ႔ဖြင္႔တာဆိုေတာ႔ တအုန္းအုန္းေပါ႔.. စည္သူလြင္ပံုေတြ ပိုစတာေတြ၀ယ္ရတာလဲ အေမာ.. ေနာက္ မ်ိဳးၾကီးအေခြထြက္လာေတာ႔ သူ႔ကိုပိုၾကိဳက္သြားတယ္.. ေလးၿဖဴတို႔ အငဲတို႔ကေတာ႔ အစကတည္းက နားေထာင္ေနက်ေလ..

ကာရာအိုေကေတြ ေခာတ္စားလာေတာ႔ အိမ္မွာမ၀ယ္ရေသးခင္ သားအဖတေတြဆိုင္မွာ သြားဆိုၾကတာမွတ္မိေသးတယ္.. ေအးခ်မ္းေမသီခ်င္းေတြဆိုတာေပါ႔.. လူေရွ႕သူေရွ႕လဲ မရွက္ဘူး.. ဆိုတာပဲ.. ေနာက္ေတာ႔ ေမေမက ဗီစီဒီစက္ေလး ၀ယ္ပို႔ေပးတယ္.. မိုက္ေတြဘာေတြနဲ႔ေပါ႔.. အေခြေတြလဲပါတယ္.. ကြၽန္မတို႔တေတြ ေပ်ာ္လိုက္ၾကတာမေၿပာပါနဲ႔.. ညီအစ္မႏွစ္ေယာက္ တလွည္႔စီဆိုၾကတာေပါ႔.. ေမာင္ေလးက လိုင္းေၿပာင္းသြားၿပီ.. သီခ်င္းမဆိုေတာ႔ဘူး.. ဂစ္တာပဲတီးေတာ႔တာ.. လွ်ပ္စစ္ဂစ္တာေတြဘာေတြလဲ ၀ယ္ေပးထားေတာ႔ မီးလာတဲ႔အခ်ိန္ဆို ကြၽန္မတို႔အိမ္က သံစံုထြက္ေနေရာ.. ဂစ္တာတီးတာမွာ ေမာင္ေလးက ပါရမီပါတယ္ေၿပာရမယ္.. ေသေသခ်ာခ်ာ သင္ေပးတဲ႔သူမရွိဘဲနဲ႔ ေကာင္းေကာင္းတီးတတ္တယ္.. သီခ်င္းကိုနားေထာင္ယံုနဲ႔ ေကာ႔ဒ္ေတြအကုန္သိတယ္ေလ.. သူ႔ဟာသူလဲ သီခ်င္းေတြဘာေတြေရးထားတယ္.. သူေရးထားတဲ႔သီခ်င္းကို သူကဂစ္တာတီး ကြန္ၿပဴတာနဲ႔ ေအာ္ဂင္သံေတြ ဒရမ္သံေတြထည္႔ သူ႔သူငယ္ခ်င္းတေယာက္ကဆိုၿပီး အသံသြင္းထားတာေတြလဲ မနည္းဘူး.. ေဖေဖကေတာ႔ သူ႕သားသမီးေတြဆိုသမွ် တီးသမွ် တၿပံဳးၿပံဳးနဲ႔ နားေထာင္ေနတာပဲ.. သူလဲ တခါတေလ၀င္ဆိုတတ္ေသးတယ္..

ကြၽန္မဂ်ီတီစီတက္ေတာ႔ သီခ်င္းဆိုေကာင္းတဲ႔ သူငယ္ခ်င္းတစ္ေယာက္ရတယ္.. ဂစ္တာလဲအတီးေကာင္း အသံကလဲေကာင္းေတာ႔ သူသီခ်င္းဆိုရင္ ကြၽန္မအရမ္းသေဘာက်တာေပါ႔.. သူကလဲ သီခ်င္းေတြဘာေတြေရးတယ္.. ကြၽန္မေရးတဲ႔ကဗ်ာေတြကို သူကသံစဥ္ထည္႔ၿပီး သီခ်င္းေလးေတြဖန္းတီးခဲ႔ၾကဖူးတယ္ေလ..

ခုေတာ႔ ဂီတကိုလဲေကာင္းေကာင္းမခံစားၿဖစ္ေတာ႔ဘူး.. တေလာက ခ်ယ္ရီေမမွာ သီခ်င္းသြားဆိုၾကရင္း ေၿပာၿဖစ္ၾကေသးတယ္.. ငါတို႔ရဲ႕အတက္ၾကြဆံုးအရြယ္ေတြကို ေငြမ်က္ႏွာတစ္ခုထဲအတြက္နဲ႔ စကၤာပူႏိုင္ငံမွာ ၿမႈပ္ႏွံလိုက္ၾကရၿပီလို႔.. ဟုတ္တယ္ေနာ္.. ၂၅နဲ႔ ၃၅ၾကားအရြယ္က အတက္ၾကြဆံုးမို႔လား.. ဘာပဲေၿပာေၿပာ ငယ္ဘ၀ေလးေလာက္ေတာ႔ ဘာၾကီးကမွ ေပ်ာ္စရာမေကာင္းခဲ႔ဘူးေလ...

ဘူမိနက္သန္

ေဖေဖာ္၀ါရီလ ၂၁ရက္ေနနဲ႔ မတ္လ ၂၁ရက္ေန႔ၾကား ေမြးဖြားသူမ်ားကို မိန္ရာသီဖြားမ်ား (Pisces) လို႔ ေခၚၾကတယ္.. ရာသီခြင္ သေကၤတကေတာ႔ ငါးရုပ္ေပါ႔.. ၿမန္မာၿပည္မွာဆို ေဆာင္းအကုန္ေႏြအကူးကာလ ပူေလာင္မႈေတြကေန တေၿဖးေၿဖးေအးလာတဲ႔ သေဘာေပါ႔.. ေၿခာက္ေၿခာက္ေသြ႔ေသြ႔ေတာ႔ၿဖစ္ေနမယ္.. တည္ၿငိမ္တဲ႔ ေအးၿမၿခင္းေပါ႔..

ဇူလိုင္လ၂၂ရက္ေန႔နဲ႔ ၾသဂုတ္လ၂၁ရက္ေန႔ၾကား ေမြးဖြားသူမ်ားက်ေတာ႔ သိဟ္ရာသီဖြားမ်ား (Leo) ေပါ႔.. သေကၤတက ၿခေသၤ႔ရုပ္ၾကီးေလ.. မိုးေတြသည္းသည္းမည္းမည္း ရြာတတ္တဲ႔ကာလမ်ိဳး.. ေအးခ်မ္းတဲ႔သေဘာပါပဲ.. အရွိန္အဟုန္ေတာ႔ ၿပင္းလိမ္႔မယ္.. အေလာတၾကီး ေဒါသတၾကီးေပါ႔..

မိန္ရာသီဖြားေကာင္ေလးတစ္ေယာက္နဲ႔ သိဟ္ရာသီဖြားေကာင္မေလးတစ္ေယာက္တို႔ ဆံုမိၾကတဲ႔အခါ ေၿခာက္ေသြ႔ေနတဲ႔ မိန္ရာသီဖြားရဲ႕ဘ၀ကို သိဟ္ရာသီမိုးစက္ေလးေတြက စိုေၿပလာေစခဲ႔ပါသတဲ႔.. သိဟ္ရာသီဖြားရဲ႔ အေလာတၾကီးနဲ႔ ေဒါသေတြကို မိန္ရာသီရဲ႕တည္ၿငိမ္ၿခင္းနဲ႔ ေဖးမခဲ႔ပါသတဲ႔.. ၂ေယာက္အတူ မခြဲမခြာ အေၿခခ်ေနထိုင္ၾကဖို႔ နယ္ေၿမသစ္ရွာေဖြၾကတဲ႔အခါ ကြၽန္းဆြယ္တစ္ခုရဲ႔ထိပ္နားက ကြၽန္းငယ္ေလးတစ္ကြၽန္းကို သြားေတြ႔ၾကသတဲ႔.. စြန္႔စားခ်င္တဲ႔ သိဟ္မေလးက အရင္ဆံုး သြားၿပီး နယ္ေၿမအေၿခအေနေတြ ေလ႔လာေတာ႔တာေပါ႔.. မိန္ေကာင္ေလးကေတာ႔ သိဟ္မေလးကလာခဲ႔ေတာ႔ဆိုမွ လိုက္လာခဲ႔ၿဖစ္တယ္.. သူကအငယ္ကိုး.. အငယ္ေပမယ္႔ အေလွ်ာ႔ေပးတတ္ေတာ႔ ဆရာလုပ္ခ်င္တဲ႔ သိဟ္မေလးနဲ႔ အကိုက္ပဲေပါ႔...

ဒီလိုနဲ႔ ၂ေယာက္သား ကြၽန္းငယ္ေလးေပၚမွာပဲ ထိမ္းၿမားလိုက္ၾကတယ္.. ေနာက္ေတာ႔ မကာရရာသီဖြားေလး (Capricorn) တစ္ေယာက္ ထြန္းကားလာပါသတဲ႔.. မကာရရဲ႕သေကၤတက ေတာင္ဆိတ္ဆိုေတာ႔ အေၿပးၿမန္သေပါ႔.. ေရထဲကေဖေဖငါးနဲ႔ ေၿမေပၚကေမေမၿခေသၤ႔ခမ်ာ ေတာင္ဆိတ္ေလးကိုမွီေအာင္ မနည္းလိုက္ရတယ္ေလ.. မိသားစုတေတြေပ်ာ္ေပ်ာ္ရႊင္ရႊင္ပါပဲ.. ရန္ၿဖစ္လိုက္ၾက ၿပန္ခ်စ္လိုက္ၾက.. ေအာ္ဟစ္လိုက္ၾက ရယ္ေမာလိုက္ၾကနဲ႔.. ကြၽန္းကေလးကေပးတဲ႔ ပင္ပန္းမႈေတြကိုေတာင္ မိသားစုစိတ္နဲ႔ အေ၀းေၿပးေစခဲ႔သတဲ႔ေလ..

တကယ္ေတာ႔ သိဟ္ရာသီ ၿခေသၤ႔မေလးက အေၿခခ်ဖို႔ နယ္ေၿမရွာတုန္းက လွ်ိဳ႕၀ွက္ခ်က္ေလးရွိတယ္.. Merlion လို႔ေခၚတဲ႔အရုပ္ၾကီးကို အားလံုးသိၾကမွာေပါ႔.. ကြၽန္းငယ္ေလးရဲ႕သေကၤတေလ.. ၿခေသၤ႔တပိုင္း ငါးတစ္ပိုင္း ေပါင္းစပ္ထားတဲ႔ ပံုဆိုးပန္းဆိုးၾကီးေပါ႔.. ၿခေသၤ႔တပိုင္း ငါးတပိုင္းဆိုေတာ႔ သိဟ္တပိုင္း မိန္တပိုင္းေလ.. သိဟ္နဲ႔မိန္တို႔ ေပါင္းစပ္သင္႔တဲ႔ ဘူမိနက္သန္ ေနရာမွန္ဟာ ဒီကြၽန္းငယ္ေလးပဲ ၿဖစ္ရေတာ႔မေပါ႔ကြယ္.. ခုပဲၾကည္႔ လူမွန္ေနရာမွန္မို႔ အဆင္ကိုေၿပလို႔.. တခါတေလေတာ႔လဲ ၿငင္းရ ခုန္ရနဲ႔ စိတ္ပင္ပန္းသေပါ႔ေလ.. သေကၤတအရုပ္ၾကီးကိုက ကိုးရိုးကားယားမဟုတ္လား.. ဒီေလာက္ေတာ႔ရွိမွာေပါ႔.. ဘာပဲေၿပာေၿပာ ေပ်ာ္ခဲ႔ရတာကပိုပါတယ္.. ကဲ ၿခေသၤ႔မေလး ေနရာေရြးတာ မေတာ္ဘူးလားေၿပာ...

အေခၚအေ၀ၚေလးေတြ

မေန႔ညက သားသားကိုသိပ္ရင္း သားအမိႏွစ္ေယာက္သား စကားေၿပာၾကတယ္.. ၂ႏွစ္မၿပည္႔ေသးတဲ႔သားနဲ႔ ဘာေတြေၿပာပါလိမ္႔လို႔ ေခါင္းစားမေနနဲ႔ဦး.. သားသားကို သူေခၚတတ္တဲ႔ အေခၚအေ၀ၚေလးေတြ ၿပန္ေမးၾကည္႔တာပါ.. ၿမဴးၿမဴးကဘယ္သူလဲဆို ေမေမ.. မာမီ.. ေမမီတဲ႔.. သားသားက ကြၽန္မကို တခါတေလ ေမေမ.. တခါတေလမာမီ.. တခါတေလက်ေတာ႔ ေမေမနဲ႔မာမီေရာၿပီး ေမမီလို႔ေခၚတတ္တယ္.. ေဒၚေမသူက ဘယ္သူလဲဆိုေတာ႔ မားမားတဲ႔.. ေက်ာ္ကိုကိုကေရာဆို ေဖေဖ ဒယ္ဒီ ဗိုက္ပူတဲ႔ေလ.. ေဖေဖက ေမေမ႔ကို ဘယ္လိုေခၚလဲဆို မ တဲ႔.. ေမေမက ေဖေဖ႔ကိုဘယ္လိုေခၚလဲ လို႔ေမးေတာ႔ ေမာင္တဲ႔.. ခြၽဲခြၽဲေလးေခၚၿပတယ္ေလ.. သူ႔အေဖကေတာင္ေၿပာတယ္.. မင္းအေမအဲသေလာက္မခြၽဲပါဘူးကြာတဲ႔.. သားသားက လည္တယ္ေၿပာရမယ္.. လူၾကီးေတြေခၚတဲ႔ အေခၚအေ၀ၚနဲ႔ သူေခၚရမည္႔နာမည္ေလးေတြကို တြဲၿပီးမွတ္ထားတတ္လို႔ေပါ႔..

ကြၽန္မကို အိမ္ကလူၾကီးေတြက ၿမဴးၿမဴးလို႔ပဲေခၚၾကတယ္.. ေမေမနဲ႔ေဖေဖက သမီးၾကီးလို႔ေခၚတတ္တယ္.. ညီမေလးကေတာ႔ မၾကီးလို႔ေခၚၿပီး ေမာင္ေလးက မၿမဴးတဲ႔.. အထက္တန္းေက်ာင္းတုန္းက သူငယ္ခ်င္းေတြက ပြင္႔လို႔ေခၚၾကတယ္.. ဂ်ီတီစီက သူငယ္ခ်င္းေတြက ေဒၚပြင္႔တဲ႔.. ဘဲမလို႔ေခၚတဲ႔သူငယ္ခ်င္းေတြလဲ ရွိေသးတယ္.. စလံုးေရာက္လာေတာ႔ ဇင္လို႔ေခၚၾကတယ္.. ကြၽန္မနာမည္သံုးလံုးထဲမွာ ဇင္ဆိုတာက အလြယ္ဆံုးကိုး.. ဒါေတာင္ ဂ်င္ၿဖစ္ေအာင္ေခၚတဲ႔လူကရွိေသး.. ဆံုးသြားၿပီၿဖစ္တဲ႔ ကြၽန္မရဲ႕ဦးေလးကေတာ႔ ၿမဴးၾကီးတဲ႔ေလ.. အဲဒီဦးေလးက ကြၽန္မတို႔ေမာင္ႏွမေတြကို သူမ်ားေခၚတာနဲ႔မတူတဲ႔ အေခၚအေ၀ၚေလးေတြ ေခၚေလ႔ရွိတယ္.. ညီမေလးကို ငယ္ထူးလို႔ေခၚၿပီး ေမာင္ေလးကိုေတာ႔ သားေဇာ္ေလးတဲ႔.. ဘယ္သူမွအဲဒီလိုမေခၚၾကဘူး သူ႔မူပိုင္ေလးေတြေပါ႔..

ေမေမ႔ရဲ႕ညီမ ကြၽန္မတို႔ေဒၚေလးကို ကြၽန္မတို႔ ေမာင္ႏွမေတြက အန္မိုးလို႔ေခၚၾကတယ္.. အန္တီမိုးကို အၿမန္ေခၚလိုက္ေတာ႔ အလယ္ကတီေၿပာက္သြားတာေလ.. ေမေမ႔အေမ ကြၽန္မတို႔အဖြားကိုေတာ႔ ေဘာင္ေဘာင္ၾကီးလို႔ေခၚၾကတယ္.. အမွန္က ရခိုင္လို အေဘာင္ရွင္ေခၚရမွာ.. ဘယ္ကဘယ္လို ေဘာင္ေဘာင္ၾကီးလို႔ ေခၚၿဖစ္သြားတယ္မသိဘူး.. အဖိုးကိုလဲ အဖိုးရွင္ေခၚရမွာကို ေမေမတို႔က ပါပါေခၚတာနဲ႔ ပါပါၾကီးလုပ္ပစ္လိုက္တယ္..

လင္မယားေတြအခ်င္းခ်င္း အေခၚအေ၀ၚေလးေတြထဲမွာ ေဖေဖက ေမေမ႔ကို သဲလို႔ေခၚၿပီး ေမေမက ေဖေဖ႔ကို ေမာင္လို႔ေခၚတာေလး ခ်စ္ဖို႔ေကာင္းတယ္ေနာ္.. အစ္ကို၀မ္းကြဲတို႔စံုတြဲက်ေတာ႔ ရယ္ရတယ္.. ေက်ာ္ဇင္မ်ိဳးဆိုတဲ႔ နာမည္လွလွေလးကို သူ႔မိန္းမကေခၚတာ ကိုဖိုးေက်ာ္တဲ႔.. သူကလည္းအားက်မခံ ထြန္း၀တ္ရည္ဆိုတဲ႔သူ႔မိန္းမကိုေခၚတာမ်ား အရည္တဲ႔ေလ.. ေတာသူေတာင္သားေတြက်ေနေရာ.. ညီမေလးနဲ႔ သူ႕ေယာက္်ားက်ေတာ႕ မိန္းမက ေယာက္်ားကို က်ားက်ားတဲ႔.. ေယာက္်ားက မိန္းမကို မိန္မိန္းတဲ႔ေလ..

ကြၽန္မက သားသားကိုခ်စ္စႏိုးေခၚတဲ႔နာမည္ေတြက အမ်ားၾကီးပဲ.. သားသားေလး.. ေခးေခး.. ေခးပုေလး.. ေမေမ႔ပတိုးေလး.. သားပုေလး.. သားေပါက္ေလး.. ေမေမ႔ပုတုတုေလး.. မိုမိုးေလး.. ေမာင္မိုးေလး.. သံစဥ္ေကာင္ေလး.. စံုေနေအာင္ကိုေခၚမိတတ္တာ.. ဘယ္လိုေခၚေခၚ သားသားကေတာ႔ ဗ်ာဗ်ာလို႔ ထူးတာပဲ.. သူကြၽန္မကိုေခၚရင္လဲ ရွင္ရွင္လို႔ၿပန္ထူးရတယ္.. သားသားနဲ႔စကားေၿပာၾကရင္း အေခၚအေ၀ၚေလးေတြအေၾကာင္း ေရးရင္ေကာင္းမယ္လို႔ စိတ္ကူးမိတာနဲ႔......

သားသားပံုမတင္တာၾကာၿပီဆိုလို႔..

ေၾကာ္ၿငာ၀င္မယ္

စလံုးမွာ ေရကပဲမေကာင္းတာလား အစားအေသာက္ေတြေၾကာင္႔ပဲလားေတာ႔ မသိဘူး.. ေတာ္ေတာ္မ်ားမ်ား ဆံပင္ေတြကြၽတ္တယ္လို႔ေၿပာၾကတယ္.. စေရာက္ေရာက္ခ်င္းတုန္းကေတာ႔ ကြၽန္မလဲသတိမထားမိဘူး.. ေနာက္ပိုင္းက်ေတာ႔ ေခါင္းထဲက ယားယားေနတတ္တာ သတိထားမိလာတယ္.. လြန္ခဲ႔တဲ႔ ၂ႏွစ္ေလာက္ကစၿပီး ေခါင္းထဲမွာ ဆား၀က္ၿခံလို အဆံေလးေတြၿဖစ္ၿဖစ္ေနတာ သတိထားမိသြားတယ္.. အရမ္းကို ယားပါတယ္.. နသယ္စပ္ေလးေတြ ေဗြကြက္ေနရာေတြမွာ အမ်ားဆံုးေတြ႔ရတတ္ပါတယ္.. ဦးေရၿပားေတြလဲ နာနာေနတတ္တယ္ေလ.. ဆံပင္ကြၽတ္တာေတာ႔ သိပ္မသိသာပါဘူး.. သာမာန္ေလာက္ပဲ.. ေန႔တိုင္းေခါင္းေလွ်ာ္ေနမွ အယားသက္သာေတာ႔ ဆံပင္ေတာင္အရွည္မထားရဲေတာ႔ဘူးေပါ႔.. ကြၽန္မငယ္ငယ္ေလးကတည္းက ဆံပင္အရွည္ကိုအရမ္းၾကိဳက္လို႔ အၿမဲထားခဲ႔တာ.. ေမွာ္ဘီမွာေက်ာင္းတက္ရေတာ႔ ေရမေကာင္းလို႔ ဆံပင္ေတြပ်က္စီးကုန္မွ ပခံုးေလာက္ေလး ညွပ္ပစ္လိုက္တယ္.. ေက်ာင္းၿပီးေတာ႔ ၿပန္အရွည္ထားလိုက္ေသးတယ္.. စလံုးကိုလာခါနီးမွ အတိုေလးၿပန္ညွပ္လိုက္တာေလ.. သားသားကိုယ္၀န္နဲ႔တုန္းကေတာ႔ ပူလြန္းလို႔ တိုကပ္ေနေအာင္ကို ညွပ္ပစ္လိုက္တယ္.. ခု ဆံပင္က ေတာ္ေတာ္ေလးၿပန္ရွည္လာၿပီ..

လြန္ခဲ႔တဲ႔တလေလာက္က အိမ္မွာေနရင္းနဲ႔ ေခါင္းထဲကယားလာလို႔ လက္နဲ႔စမ္းၾကည္႔လိုက္တာ ထိပ္ကေဗြကြက္ေဘးနားေလးမွာ ဆံပင္တပင္မွမရွိပဲ ကြက္ေနတာသြားစမ္းမိတယ္.. လန္႔သြားတာေပါ႔.. မွန္နဲ႔ေထာင္ၿပီးၾကည္႔ေတာ႔ လား လား နည္းတဲ႔အကြက္ၾကီးမဟုတ္ဘူး.. က်ပ္ေစ႔၀ိုင္းေလာက္ရွိတယ္.. ေၿပာင္ေခ်ာေနတာပဲ.. ဆံပင္တမွ်င္မွကိုမရွိတာ.. စိတ္ညစ္လိုက္ရတာမေၿပာပါနဲ႔ေတာ႔.. ဘာလုပ္လို႔လုပ္ရမွန္းကို မသိေတာ႔ဘူး.. တေန႔တေန႔ မွန္ထဲၾကည္႔ၾကည္႔ေနရတာ.. ေယာက္်ားကေတာ႔အားေပးရွာပါတယ္.. ကတံုးၿဖစ္သြားလဲခ်စ္မွာပါတဲ႔.. ဆံပင္တုေတြ အမ်ားၾကီး၀ယ္ေပးမယ္တဲ႔ေလ.. သူကေၿပာေလ ကိုယ္ကပိုဆိုးေလပဲ.. သတင္းစာထဲေၾကာ္ၿငာပါတဲ႔ ဆိုင္ေတြကို သြားဖူးတယ္ဆိုတဲ႔ ရံုးကလူေတြကိုေမးၾကည္႔ေတာ႔ ၇၀၀၀ေလာက္က်တယ္တဲ႔.. ဘုရားဘုရား.. ကတံုးမပဲလုပ္တာေကာင္းမယ္လို႔ ေတြးမိတယ္..

ၿမန္မာေဆးထဲက ၾကားဖူးတာေတာ႔ ကြက္လပ္ၿဖည္႔ပါေကာင္းတယ္တဲ႔.. အဲဒါနဲ႔ပဲ ပန္နီဆူလာကိုေၿပးၿပီး ကြက္လပ္ၿဖည္႔ပါ လိုက္ရွာတာေပါ႔.. ဘယ္ဆိုင္မွာမွ မရွိပါဘူး.. ေနာက္ဆံုး မရ ရတာယူမယ္ဆိုၿပီး.. ၾတိရတနဆိုတဲ႔ ဆံပင္သန္ေဆး ၀ယ္ခ်လာလိုက္တယ္.. ၁က်ပ္ခြဲပဲေပးရတယ္ေလ.. အိမ္ေရာက္လုိ႔လိမ္းၾကည္႔ေတာ႔ ေခါင္းထဲမွာ ေအးေနတာပဲ အရမ္းသေဘာက်သြားတယ္.. တေခါင္းလံုးကို လိမ္းပစ္လိုက္တယ္.. နသယ္စပ္ေတြေရာေပါ႔.. ေနာက္ေန႔ကစၿပီး ေခါင္းယားတာ ေတာ္ေတာ္သက္သာသြားတယ္.. ဦးေရၿပားလဲ မနာေတာ႔ဘူး.. တပတ္ေလာက္လိမ္းၿပီးေတာ႔ ရံုးဖားမေလးကိုၾကည္႔ခိုင္းတာ သူကအလန္႔တၾကားကို ထေအာ္ပါေတာ႔တယ္.. ၀မ္းသာအားရၾကီးပါ.. ဆံပင္မွ်င္မွ်င္ေလးေတြ ထြက္လာၿပီတဲ႔.. အရင္လိုေၿပာင္ေခ်ာမေနေတာ႔ဘူးတဲ႔.. ကြၽန္မလဲ အရမ္းေပ်ာ္သြားပါတယ္.. ကတံုးမ မၿဖစ္ႏိုင္ေတာ႔ဘူဆိုၿပီးေတာ႔ေပါ႔.. နသယ္စပ္ေလးေတြကို သတိထားၾကည္႔ေတာ႔ ဆံႏုေလးေတြေပါက္ေနတာေတြ႔လိုက္ရပါတယ္.. ခု တလေလာက္ၾကာေတာ႔ ထိပ္ကြက္ေလးအၿပည္႕နီးပါး ဆံပင္ေတြေပါက္ေနပါၿပီ.. ေခါင္းလဲမယားေတာ႔ဘူး.. ေဘာက္ေတြလဲမထေတာ႔ဘူး.. ဆား၀က္ၿခံေလးေတြလဲ မၿဖစ္ေတာ႔ဘူး.. ညညလိမ္းၿပီးအိပ္ရင္ ဦးေရေအးၿပီး အိပ္လို႔ေကာင္းပါတယ္.. စီးကပ္ကပ္ၿဖစ္မေနေတာ႔ အၿပင္ကိုလိမ္းသြားရင္လဲ မသိသာပါဘူး.. အနံ႔ေလးကလဲ သင္းသင္းေလးမို႔ အရမ္းအဆင္ေၿပပါတယ္..

ဆံပင္ဆိုတာ လူတိုင္းအၿမတ္တႏိုးထားတတ္ၾကတဲ႔ အရာပါ.. ေကာင္းၿခင္းငါးၿဖာထဲမွာ အပါအ၀င္မို႔ ဆံပင္မေကာင္းရင္ စိတ္ညစ္ရတတ္ၾကပါတယ္.. ကြၽန္မနဲ႔အလားတူ ၿပသနာေလးမ်ားၾကံဳလာရင္ လြယ္ကူၿပီး အကုန္အက်သက္သာတဲ႔ ေဆးေကာင္းေလးေတြ႔ထားလို႔ မွ်ေ၀ေပးတာပါ.. ေက်းဇူး "ၾတိရတန"... :)

ေမေမရဲ႕ေမာင္မိုးေလး

သားသားအေၾကာင္းေလးေတြေတာင္ မေရးၿဖစ္တာၾကာၿပီ.. ခုသားသားက လ၂၀ၿပည္႔ခါနီးေပါ႔.. လမ္းေလွ်ာက္တတ္ယံုမကလို႔ ေတာက္ေတာက္ေၿပးေနၿပီ.. ဘာၿမန္သလဲမေမးနဲ႔ လံုး၀ကို လိုက္လို႔မမွီေတာ႔ဘူး.. အေၾကာက္အလန္႔မရွိ တအားကိုေဆာ႔ပါတယ္.. ေတြ႔သမွ်ကို စူးစမ္းမယ္.. ခံုေတြ႔ရင္ တြယ္တက္မယ္.. ကစားကြင္းေရာက္ရင္ ေမ်ာက္ရံွူးေအာင္ေဆာ႔မယ္.. ကစားစရာပံုးကို သြန္ခ်ၿပီး အထဲ၀င္ထိုင္မယ္.. ကြန္ၿပဴတာကီးဘုတ္မွာ ေတြ႔ရာကိုႏွိပ္မယ္.. သီခ်င္းသံၾကားရင္ ကမယ္.. မိုက္ခရိုဖုန္းေတြ႔ရင္ ဆြဲၿပီးသီခ်င္းဆိုမယ္.. အဲဒါ သားသားလုပ္ေနက်ေတြေပါ႔..

စကားလဲ ေတာ္ေတာ္ေၿပာေနၿပီ.. "ေဖေဖ.. ေမေမ.. မားမား.. ဖိုးဖိုး.. မမ.. ကိုၾကီး.. "လူမမွားေအာင္ေခၚတတ္တယ္.. သားသားနာမည္ဘယ္လိုေခၚလဲဆို "ေမာင္မိုး"တဲ႔.. ဘယ္သူမွလဲ ေမာင္မိုးလို႔မေခၚပဲနဲ႔ သူ႕ဟာသူ နာမည္ေပးထားတယ္.. ေဖေဖနာမည္ဘယ္လိုေခၚလဲဆို "ဗိုက္ပူ"တဲ႔.. ကြၽန္မသင္ေပးထားတာ.. သူ႔အေဖေရွ႕ဆိုမေခၚဘူးေနာ္.. ေမးရင္မၾကားခ်င္ေယာင္ေဆာင္ေနတာ.. ေမေမ႔နာမည္ဘယ္လိုေခၚလဲဆို "မူးမူး"တဲ႔.. ၿမဴးၿမဴးကို ပီေအာင္မေခၚတတ္ေသးဘူးေလ.. ဘယ္သူ႔ကိုယူမလဲေမးရင္ "ထက္ထက္"တဲ႔.. အိမ္မွာအတူေနတဲ႔ အစ္မကိုေၿပာတာ.. ၿပီးေတာ႔ မားမားတဲ႔.. သူ႕မားမားကိုလဲ အရမ္းခ်စ္.. ခ်စ္လာလို႔ေမးရင္.. "ခ်စ္ခ်စ္.. "ဘယ္ေလာက္ခ်စ္လဲဆို "မ်ားၾကီး.." ဘယ္ထဲကခ်စ္လဲဆို "ဗိုက္ဗိုက္.." အသည္ယားေလာက္ေအာင္ ေၿပာၿပလိမ္႔မယ္.. ေနမေကာင္းရင္လဲေၿပာၿပတတ္တယ္.. ဗိုက္ေအာင္႔ေနရင္ ဗိုက္ကိုပုတ္ၿပၿပီး "နာနာ"လို႔လာေၿပာတယ္.. ပရုတ္ဆီပုလင္းယူၿပီး လိမ္းခိုင္းတတ္ေနၿပီ.. ညညဆို မအိပ္ခင္ သူ႔အေဖကို ႏွိပ္ခိုင္းတတ္ေနၿပီ.. ညလယ္တေရးႏိုး ဗိုက္ဆာရင္ "ေမေမ ဘူးဘူး"ဆိုၿပီး ႏို႔ဘူးေဖ်ာ္ခိုင္းတတ္တယ္.. သူ႔ခ်ိဳလိမ္ေလးကိုေတာ႔ "မန္မန္"တဲ႔.. စာသင္တဲ႔ ဂိမ္းေလးေတြကစားရင္ ေအ ဘီ စီ လိုက္ဆိုတတ္ေနၿပီ.. အၿပင္သြားေတာ႔မယ္ဆို တိုက္ေအာက္ေရာက္တာနဲ႔ "တက္စီ"လို႔ ေအာ္ေတာ႔တာပဲ.. သင္ေပးသမွ်ကို သံေယာင္လိုက္တတ္ေနပါၿပီ.. တခါသင္ေပးထားရင္လဲ မွတ္မိေနေရာ.. သူ႔စာအုပ္ေလးထဲက ပံုေတြကို မွတ္မိေနၿပီ.. အကုန္နီးပါး ေၿပာတတ္ေနၿပီေလ..

သားသားက အရပ္အရမ္းရွည္ပါတယ္.. သူ႔အရပ္နဲ႔စာရင္ ပိန္ေနသလိုမို႔ ကြၽန္မက ထမင္းမ်ားမ်ားစားေစခ်င္ သူကမစားခ်င္နဲ႔မို႔ တေန႔တေန႔ သားအမိေတြ ရန္တက်က္က်က္ပါပဲ.. သူ႕ထမင္းကိုမစားခ်င္ေတာ႔ပဲ လူၾကီးစာေတြစားခ်င္ေနၿပီေလ.. အစပ္လဲေတာ္ေတာ္စားႏိုင္ပါတယ္.. မေန႔က လက္ဖက္သုပ္စားေနတာ အတင္းလာေတာင္းစားလို႔ ေကြၽးလိုက္ေတာ႔ ေပ်ာ္လိုက္တာမွအရမ္းပဲ.. လက္ဖက္အရမ္းၾကိဳက္တယ္.. သားသားလက္ဖက္ၾကိဳက္တာလဲမေၿပာနဲ႔.. ကြၽန္မကိုယ္၀န္ၾကီးနဲ႔တုန္းက ပ်ိဳ႕ခ်င္အန္ခ်င္လာရင္ လက္ဖက္အသားဆီနဲ႔ႏွပ္ထားတာေလး စားလိုက္ရမွသက္သာတာေလ.. တေနကုန္ကို လက္ဖက္စားေနတာ..

တေန႔က ကြၽန္မတို႔အိမ္ေၿပာင္းေတာ႔ သားသားကို ကေလးထိန္းအန္တီက သူ႔အိမ္ကိုေခၚထားေပးပါတယ္.. ညေနၿပန္လာပို႔ေပးေတာ႔ အိမ္အသစ္ကိုေရာက္ေနၿပီဆိုေတာ႔ သားသားမ်က္စိလည္ေနပါေတာ႔တယ္.. ညအိပ္ခါနီးက်ေတာ႔ မအိပ္ဘူး ေအာက္ပဲဆင္းခိုင္းေနလို႔ စိတ္ညစ္ရေသး.. သူ႕အေဖကလဲ ႏိုက္ဂ်ဴတီက်ေနေတာ႔ ကိုယ္ပဲပင္ပန္းရတာေပါ႔.. သားသားအိမ္ေၿပာင္းလာၿပီ.. ဒါသားသားတို႔အိမ္အသစ္လို႔ေၿပာလဲ ေခါင္းခ်ည္းပဲစြတ္ခါေနတာ.. သူ႔အိမ္မဟုတ္ပါဘူးဆိုၿပီးေတာ႔ေလ.. ခုေတာ႔ ေနသားက်သြားၿပီ.. အိမ္ကပိုက်ယ္ေတာ႔ သူအရမ္းေပ်ာ္တယ္.. ေၿပးလို႔လႊားလို႔ေကာင္းတာကိုး.. ေရကူးကန္နဲ႔နီးတာမို႔ သားသားကိုေရကူးကန္လိုက္ပို႔ေပးမယ္လို႔ေၿပာေတာ႔ သေဘာေတြက်လို႔.. အိမ္ေဘးနားမွာက မူလတန္းေက်ာင္းေလးရွိတယ္.. ေက်ာင္းတက္ေက်ာင္းဆင္းခ်ိန္ဆို ကေလးေတြအမ်ားၾကီးနဲ႔မို႔ သားသားအရမ္းေပ်ာ္ပါတယ္.. မေန႔ညကေတာ႔ အၿပင္သြားရင္ သူ႔အတြက္ဆန္ၿပဳတ္ထည္႔ထည္႔သြားတဲ႔ ဘူးေလးကိုလြယ္ၿပီးေက်ာင္းသြားပါမယ္လုပ္ေနလို႔ ေအာက္ကိုလိုက္ပို႔ရေသးတယ္.. အိပ္ဖို႔ေတာင္ မနည္းၿပန္ေခၚတင္ရတယ္ေလ..

သားသားက ကားနီနီေလးေတြကို သေဘာက်တတ္တယ္.. တေန႔က အိမ္မေၿပာင္းခင္ သားသားနဲ႔ေအာက္ဆင္းေတာ႔ တိုက္ေအာက္မွာ ကားနီနီေလးတစီးရပ္ထားတာ သြားကိုင္ၾကည္႔ၿပီး.. "ေမေမ.. ကားကား.. နီနီ.." ဆိုၿပီး သူ႔ကိုယ္သူလက္ေလးနဲ႔ပုတ္လို႔ "ေမာင္မိုး ၾကိဳက္ၾကိဳက္"တဲ႔ေလ.. ၀ယ္ေပးပါဆိုတဲ႔သေဘာေပါ႔.. ညက်ေတာ႔ကြၽန္မသူငယ္ခ်င္းကို ၿပန္ေၿပာၿပေနတာ သူၾကားေတာ႔ နားေထာင္ၿပီးၿပံဳးေနတယ္.. သူငယ္ခ်င္းက တီတီထီေပါက္ရင္ ၀ယ္ေပးမယ္ေနာ္သားသားလို႔လဲေၿပာေရာ ၀မ္းသားအားရနဲ႔ ကြၽမ္းေတာင္ထထိုးပစ္လိုက္ေသးတယ္.. အရမ္းကိုလည္ပါတယ္..

တခါေတာ႔ ကြၽန္မကြန္ၿပဴတာသံုးေနတုန္း အနားလာထိုင္ေနရင္ စမိုင္လီပံုေလးေတြ႔သြားလို႔ သူယူပါမယ္ဆိုၿပီး ပူဆာပါေတာ႔တယ္.. ပရင္တာကလဲပ်က္ေနေတာ႔ ထုတ္လို႔လဲမရ သူကလဲ တငိုငိုနဲ႔မို႔ အိမ္နားကေစ်းထဲသြားၿပီး စမိုင္လီစတစ္ကာေလး သြား၀ယ္ေပးရပါတယ္.. စမိုင္လီပံုေလးေတြ ဂူဂယ္လ္နဲ႔ ရွာၿပီးၿပေတာ႔ မ်က္လံုးၿပဴးၿပဴး ေရွ႕သြားၾကီးၾကီးနဲ႔ မ်က္မွန္တပ္ထားတဲ႔ စမိုင္လီေလးလဲေတြ႔ေရာ.. "ဟားဟား.. ေမေမ.." တဲ႔ေလ.. ေကာင္းေရာ..

လြဲ

ရင္ခုန္သံေတြထပ္တူက်ခဲ႔ပါရက္နဲ႔
မ်က္၀န္းကစကားကို
ဘာသာၿပန္တခ်က္အလြဲမွာ
တသက္ခြဲဖို႔ၿဖစ္လာမယ္လို႔
ငါ.. ထင္ထားခဲ႔ပါ႔မလား.. ခ်စ္သူ..

ငါတို႔..
ေက်ာခ်င္းကပ္ရပ္ေနမိေတာ႔
ကမာၻၾကီးဘယ္လိုလည္လည္
ဘယ္ေတာ႔ဆံုႏိုင္မွာမို႔လဲ..

ဆံုႏိုင္ခြင္႔ေတြ
ေ၀းမေနပါဘဲ
ေရွ႕တိုးဖို႔မရဲခဲ႔လို႔
တို႔ႏွစ္ေယာက္လြဲခဲ႔ေပမယ္႔..
ကြဲခဲ႔တဲ႔အသည္းရင္ထဲထည္႔ရင္း
လြမ္းရဲပါေသးတယ္.. ခ်စ္သူရယ္..

ပြင္႔ၿမဴးဇင္
၂၇.၀၈.၂၀၁၀

ထိုင္ခဲ႔ဖူးတဲ႔ ကန္တင္းဆိုင္ေလးမ်ား

ေက်ာင္းသားဘ၀ လြတ္လပ္ေပ်ာ္ရႊင္မႈေတြအေၾကာင္း ၿပန္ၿပန္ေတြးတိုင္း မပါမၿဖစ္က ေက်ာင္းကန္တင္းက ဆိုင္ေလးေတြေပါ႔.. အၿပင္က စားေသာက္ဆိုင္ေတြမွာ မရတတ္တဲ႔ အစားအစာဆန္းေလးေတြနဲ႔ ကြၽမ္း၀င္ခြင္႔ရခဲ႔တာလဲ ေက်ာင္းကန္တင္းက ဆိုင္ေလးေတြမွာပဲေပါ႔..

ကြၽန္မတို႔ေက်ာင္းစတက္ေတာ႔ ေမွာ္ဘီဂ်ီတီစီရဲ႕ကန္တင္းမွာ ဆိုင္ေလး၃ဆိုင္ပဲရွိေသးတယ္.. ေက်ာင္းအ၀င္၀ရဲ႕ဘယ္ဖက္မွာက ဂ်က္စမင္းဆိုတဲ႔ဆိုင္ေလး.. အစားအေသာက္သိပ္မေကာင္းလို႔ ထိုင္ခဲတဲ႔ဆိုင္ေပါ႔.. စက္မႈက ေယာက္်ားေလးေတြအထိုင္မ်ားလို႔ ၀င္မထိုင္ၿဖစ္တာလဲပါတယ္.. ေနာက္ပိုင္း ကန္တင္းအသစ္ေဆာက္ၿပီးေတာ႔ ခ်က္တဲ႔သူလဲေၿပာင္းသြားလို႔ထင္တယ္.. စားေကာင္းေသာက္ေကာင္းရွိလာတာနဲ႔ ထမင္းခ်ိဳင္႔ဆြဲေတာင္ ယူစားၿဖစ္လိုက္တယ္ေလ.. ေမာင္နဲ႔ေတြ႕ၿပီးေတာ႔မွပါ.. ေမာင္ကေဘးနားမွာပါေနေတာ႔ ဘယ္ဆိုင္ၿဖစ္ၿဖစ္ ၀င္ရဲသြားၿပီေလ.. ဂ်က္စမင္ကအစားအစာေတြထဲ မွတ္မိေနတာက တပြဲ၁၀၀ေပးရတဲ႔ ၾကာဇံဆီခ်က္ေပါ႔.. ဘာအသားမွမပါဘဲကို စားလို႔ေကာင္းပါတယ္..

ေနာက္ဆိုင္တစ္ဆိုင္က ေကာင္းထက္တဲ႔.. အ၀င္လမ္းရဲ႕ ညာဘက္မွာရွိတာေပါ႔.. ေက်ာင္းစတက္တက္ခ်င္း အထိုင္အမ်ားဆံုးဆိုင္ေလ.. ဆိုင္ကက်ယ္ၿပီး သီခ်င္းေတြဘာေတြလဲဖြင္႔တာမို႔ ပ်င္းရင္ကို သြားထိုင္ေနၿဖစ္တယ္.. သူ႕ဆိုင္က ေထာပတ္သီးေဖ်ာ္ရည္ကေတာ႔ အသည္းစြဲပဲ.. ေရခဲသုတ္လဲစားေကာင္းတယ္.. ကြၽန္မတို႔ေဘာ္ဒါေဆာင္နဲ႔ မ်က္ႏွာခ်င္းဆိုင္လိုၿဖစ္ေနေတာ႔ ညေနစာစားခ်ိန္ဆိုလဲ ေကာင္းထက္ကိုပဲ သြားၿဖစ္တယ္ေလ..

ေနာက္တစ္ဆိုင္က မိဘေမတၲာတဲ႔.. အဘဆိုင္လို႔ပဲေခၚၾကတယ္.. အဘတို႔လင္မယားက ေစတနာေကာင္းလို႔ လူအၿမဲၿပည္႔ေနတတ္တဲ႔ဆိုင္ေပါ႔.. ဟင္းေတြလဲေကာင္းတယ္.. ဆရာမၾကီးအိမ္နဲ႔ကပ္လွ်က္ ေညာင္ပင္ေအာက္မွာရွိတာေလ.. လူမ်ားလို႔သာမထိုင္ၿဖစ္တာ ဟင္းေတြကေကာင္းေတာ႔ ပါဆယ္သြားသြားဆြဲၿဖစ္တယ္.. အလကားေပးတဲ႔ သီးစံုခ်ည္ရည္ကအစ ေစတနာထားခ်က္လို႔ စားေကာင္းေနတတ္တာပါ..

၃လ ၄လေလာက္ေနေတာ႔ ေကာင္းထက္ေဘးနားမွာ ၀ါးရံုရိပ္ဆိုတဲ႔ဆိုင္ေလးတိုးလာတယ္.. အိမ္ခ်က္ဟင္းေလးေတြလိုပဲမို႔ စားေကာင္းတာပါပဲ.. သူတို႔ဆိုင္က ေရွာက္သီးသုပ္ေလး အရမ္းစားေကာင္းတာ မွတ္မိေနေသးပါရဲ႕.. က်န္တဲ႔အသုပ္ေတြေတာ္ေတာ္မ်ားမ်ားလဲ ေကာင္းတယ္ဆိုေတာ႔ အသုပ္စားခ်င္ရင္ ၀ါးရံုရိပ္ကို သြားၿဖစ္တယ္.. ေရေႏြးၾကမ္းကလည္း လဖက္ေၿခာက္ေကာင္းေကာင္းသံုးလို႔ ေသာက္ေကာင္းတာကိုး..

ေနာက္ပိုင္းက်ေတာ႔ ကန္တင္းဆိုင္ခန္းတြဲေတြ အသစ္ေဆာက္လိုက္တယ္.. တစုတစည္းတည္းၿဖစ္သြားတာေပါ႔.. သီခ်င္းေတြအၿပိဳင္ဖြင္႔ၾကလို႔ နားညည္းလိုက္တာမေၿပာပါနဲ႔.. တဆိုင္နဲ႔တဆိုင္က ကပ္ေနတာမို႔လား.. အသံေတြလံုးၿပီး ဘယ္လိုမွ သာယာနာေပ်ာ္ဖြယ္ ၿဖစ္မလာႏိုင္ေတာ႔ဘူးေလ.. ဆိုင္သစ္ေတြလဲ ထပ္တိုးလာတယ္.. စီနီယာအစ္ကိုၾကီးေတြစုၿပီး Mr. Cupid ဆိုတဲ႔ဆိုင္ေလးေတာင္ဖြင္႔လိုက္ေသးတယ္.. သိပ္မၾကာလိုက္ပါဘူး.. သူငယ္ခ်င္းေတြဒဏ္မခံႏိုင္ဘူးထင္ရဲ႕.. ဆက္မလုပ္ေတာ႔ဘူးေလ.. တိုးလာတဲ႔ဆိုင္ေတြထဲက စံုစံုလင္လင္ေလးေရာင္းတာက မဟာႏြယ္ဆိုတဲ႔ဆိုင္ေလးပါ.. တရုတ္ဟင္းေတြပါမွာလို႔ရတယ္.. ေစ်းေတာ႔နည္းနည္းပိုတာေပါ႔.. စမူဆာတို႔ အီၾကာေကြးတို႔ ရတတ္လို႔ မနက္စာစားလို႔ေကာင္းတဲ႔ဆိုင္ပါ..

ကြၽန္မတို႔အေဆာင္ေရွ႕မွာလဲ ၿပည္႔၀ဆိုတဲ႔ထမင္းဆိုင္ေလးရွိတယ္.. စစခ်င္းေတာ႔ ေမာင္ႏွမတေတြစုၿပီးလုပ္ၾကတာ.. ဟင္းခ်က္သိပ္မေကာင္းလို႔ သိပ္မစားၿဖစ္ဘူး.. ေနာက္ပိုင္း သူတို႔ဆီကေနဆိုင္ကိုၿပန္၀ယ္လိုက္တဲ႔ အန္တီအိက ဟင္းခ်က္ေကာင္းတာမို႔ ဒုတိယႏွစ္တႏွစ္လံုး ၿပည္႔၀ကိုပဲ အားေပးၿဖစ္တယ္.. ေန႔လည္စာစားတိုင္း သူငယ္ခ်င္းေတြတအုပ္ၾကီး ၿပည္႔၀ကိုခ်ီတက္ၾကတာေပါ႔.. ေန႔ခင္းဘက္အတန္းလစ္ၿပီး ကန္တင္းသြားၿဖစ္ရင္ေတာ႔ အဘဆိုင္မွာ ရခိုင္မုန္႔တီေလးေသာက္ လဖက္သုပ္ေလးစား... ဂစ္တာတီးေပးတဲ႔သူရွိရင္ သီခ်င္းေလးဘာေလး လိုက္ေအာ္ေပါ႔.. စာၾကည္႔တိုက္ကယူလာတဲ႔ စာအုပ္တစ္အုပ္အုပ္ထဲ ေခါင္းစိုက္ေနၿဖစ္တာက ပိုမ်ားပါတယ္.. ေရေႏြးၾကမ္းေတြ တအိုးၿပီးတအိုးၿဖည္႔ခိုင္းလဲ မၿငိဳၿငင္တတ္ၾကပါဘူး.. ေန႔ခင္းဘက္ သီအိုရီခ်ိန္မ်ားဆို တတန္းလံုးနီးပါး ကန္တင္းေရာက္ေနတတ္လို႔ ကန္တင္းမွာရိုးေကာလ္လိုက္ေကာက္ရမတတ္ပဲ..

ေက်ာင္းကန္တင္းကမဟုတ္ဘဲ ေက်ာင္းကသူငယ္ခ်င္းေတြနဲ႔ အတူတူခဏခဏထိုင္ၿဖစ္တဲ႔ ဆိုင္ေလးလဲရွိေသးတယ္.. သကၤန္းကြၽန္း ဘ၀ၿမင္႔မွတ္တိုင္က လဖက္ရည္ဆိုင္ေလးေပါ႔.. ဒီဂ်စ္တယ္ဆရာၾကီး ဦးခင္ေဌးဆီမွာ သင္တန္းတက္ၾကရင္း သင္တန္းခ်ိန္ၿပီးရင္ အိမ္တန္းမၿပန္ဘဲ လဖက္ရည္ဆိုင္ထိုင္တတ္ၾကတာေလ.. မိန္းကေလးကေတာ႔ ကြၽန္မတစ္ေယာက္တည္းေပါ႔.. ဆိုင္နာမည္ေတာင္ မသိေတာ႔ဘူး.. ေပါ႔ဆိမ္႔တစ္ခြက္နဲ႔ ေန၀င္ခဲ႔တဲ႔ညေနခင္းေတြ ကြၽန္မဘ၀မွာအမ်ားၾကီးပါပဲ.. ၿခင္စာေကြၽး ေသြးလွဴပြဲေလးလို႔လဲ ေၿပာရင္ရသေပါ႔ေလ.. စမ္းေခ်ာင္းလမ္းထဲက အိမ္မဲမုန္႔ဟင္းခါးဆိုင္ေလးကလဲ ကြၽန္မတို႔တေတြရဲ႕ ဆံုမွတ္ၿဖစ္ခဲ႔ဖူးေသးတယ္.. ဟင္းရည္က်ဲက်ဲနဲ႔ ငရုတ္ေကာင္းနဲ႔ေမႊးေမႊးေလးမို႔ ကြၽန္မအရမ္းၾကိဳက္တဲ႔ မုန္႔ဟင္းခါးေပါ႔.. က်ဴရွင္မသြားခင္ အၿမဲတမ္းစားေနက်..

ခု စလံုးမွ အလုပ္လုပ္ေနေတာ႔လဲ ကြၽန္မတို႔သေဘၤာက်င္းက ဘယ္ေနရာ ဘာစားေသာက္ဆိုင္နဲ႔မွ မနီးတာမို႔ ရံုးကန္တင္းမွာပဲ ေန႔စဥ္စားရပါတယ္.. တရုတ္ဆိုင္တဆိုင္ ကုလားဆိုင္တစ္ဆိုင္နဲ႔ အေအးေတြ အသီးေတြေရာင္းတာကတစ္ဆိုင္... မနက္အေစာၾကီးတက္ရတဲ႔အလုပ္ဆိုေတာ႔ မနက္စာကိုလဲ ရံုးေရာက္မွပဲ စားရတာေပါ႔.. ကုလားဆိုင္ကေတာ႔ မနက္တိုင္း ပလာတာ ဗယာေၾကာ္ မတ္ပဲေၾကာ္ မုန္႔ေပါင္းေတြေရာင္းတယ္.. ကုလားေတြမ်ား ဘာလာလာပဲဟင္းေလးစမ္းၿပီး ၾကိတ္ပစ္လိုက္ေတာ႔တာကိုး.. တခါတေလေတာ႔ ကုလားဆိုင္ကစားၿဖစ္တယ္.. အၿမဲတမ္းေတာ႔ မစားႏိုင္ဘူး.. ေခြၽးနံ႔ကပါ မဆလာနံ႔ထြက္လာတယ္ထင္ရေအာင္ အနံ႔ၿပင္းလြန္းလို႔.. အမ်ားဆံုးစားတာကေတာ႔ တရုတ္ၾကီးဆီကပါ.. မနက္စာဆိုရင္ ပံုမွန္ေခါက္ဆြဲေၾကာ္ ၾကာဇံေၾကာ္ေတြအၿပင္ တေန႔တမ်ိဳး စပါယ္ရွယ္ေလးေတြရွိတယ္.. Fish Ball Mee တို႔ Mee Rebus တို႔ Laksa တို႔ Wanton Mee တို႔ေပါ႔.. ေန႔လည္စာဆိုရင္လဲ ဟင္းခ်က္မဆိုးဘူးေၿပာရမယ္.. အရသာေလးဘာေလးရွိေသးတယ္.. စလံုးထမင္းဆိုင္ေတြက ဟင္းေတြအေၾကာင္း စားဖူးသူတိုင္းသိပါတယ္.. သူတို႔လို အရသာမရွိေအာင္ခ်က္ၿပပါဆို ကြၽန္မမခ်က္တတ္ဘူး တကယ္.. ဘာအရသာမွကိုမရွိတာ.. ဗမာပါးစပ္နဲ႔ေတာ႔ တလြဲမွ တကယ္႔ကိုတလြဲပဲ.. ရံုးကန္တင္းကဆိုင္ကေတာ႔ ေတာ္ေတာ္ေလးစားေကာင္းတယ္.. ကံေကာင္းတယ္ဆိုရမွာေပါ႔.. စားမေကာင္းလဲ ဘာမွမရွိေတာ႔ သူ႔ဆီမွာပဲစားရမွာကိုး..

ဘာရယ္မဟုတ္ပါဘူး.. ရံုးကန္တင္းမွာထိုင္ရင္း ေက်ာင္းကန္တင္းကိုသတိရမိသြားတာနဲ႔ စိတ္ထဲရွိရာခ်ေရးလိုက္မိပါတယ္..

ကြၽန္မနဲ႔ ကြၽန္မရဲ႕အလုပ္

စလံုးကို အလုပ္ရွာဖို႔ေရာက္လာေတာ႔ အလုပ္မရမွာစိုးတဲ႔စိတ္က ေန႔ေန႔ညညႏွိပ္စက္ေတာ႔တာပဲ.. ၾကံဳဖူးသူတိုင္း သိပါတယ္.. တေန႔တေန႔ ရြတ္လိုက္ရတဲ႔ဘုရားစာ.. ေလွ်ာက္လိုက္ရတဲ႔အလုပ္ဆိုတာလဲ တေန႔ကို အခု၁၀၀မကဘူး.. အင္တာဗ်ဴးရၿပီဆို ရင္တဖိုဖိုနဲ႔ မိုးသည္းသည္းလဲမေရွာင္ႏိုင္ဘဲ အေရာက္လွမ္းရတာေပါ႔... ကြၽန္မေရာက္ေရာက္ခ်င္းေနတဲ႔ သူငယ္ခ်င္းအိမ္မွာက အင္တာနက္မရွိပါဘူး.. အိမ္နားက အင္တာနက္ဆိုင္ေလးမွာ သြားၿပီးအလုပ္ေလွ်ာက္ရတယ္.. သတင္းစာကို ေစာေစာ၀ယ္.. သင္႔ေတာ္မယ္႔အလုပ္ေလးေတြရဲ႕ ေလွ်ာက္ရမယ္႔ အီးေမးလ္လိပ္စာကို စာရြက္ေလးတရြက္မွာကူးထားၿပီး ဆိုင္ေရာက္တာနဲ႔ တန္းစီေလွ်ာက္ေပါ႔.. အလုပ္ေခၚတဲ႔ ၀ဘ္ဆိုက္ေတြကို ၀င္ၿပီးရွာရေသးတယ္.. ေတြ႕သမွ် အကုန္ေလွ်ာက္ေပါ႔..

တေန႔ အင္တာနက္ဆိုင္မွာ အလုပ္ေလွ်ာက္ေနတုန္း ဖုန္းၿမည္လာပါတယ္.. ကိုင္လိုက္ေတာ႔ ထင္တဲ႔အတိုင္း အင္တာဗ်ဴးပါ.. ေနာက္ေန႔မနက္ ၈နာရီလာခဲ႔ဖို႔ေခၚပါတယ္.. ကြၽန္မက လိပ္စာေမးေတာ႔ သတင္းစာထဲမွာပါတယ္လို႔ ေၿပာၿပီး ကုမၸဏီနာမည္ပဲ ေၿပာသြားပါတယ္.. ကြၽန္မလဲ က်န္တဲ႔ေလွ်ာက္စရာေတြကို ၿမန္ၿမန္ေလွ်ာက္ၿပီး အိမ္ၿပန္ သတင္းစာထဲမွာ ရွာၾကည္႔ရတာေပါ႔.. မေတြ႔ပါ.. သူေၿပာသြားတဲ႔ ကုမၸဏီနာမည္က ရွာလို႔ကိုမရ.. အဲဒါနဲ႔ ခုနကေခၚထားတဲ႔နံပါတ္ကို ၿပန္ဆက္လိုက္တယ္.. မိန္းကေလးတေယာက္လာကိုင္ပါတယ္.. ခုနက လူၾကီးတစ္ေယာက္ ငါ႔ကို အင္တာဗ်ဴးေခၚၿပီး လိပ္စာေတာင္းတာ မေပးပဲ ကုမၸဏီနာမည္နဲ႔ သတင္းစာထဲရွာခိုင္းတယ္.. ရွာမေတြလို႔ လိပ္စာေလးေၿပာၿပပါလို႔ေမးေတာ႔ သူက ခုနကေခၚတာ သူ႔ေဘာ႔စ္ၿဖစ္မယ္တဲ႔.. နင္ဘယ္ရွာေတြ႔မလဲ ေၾကာ္ၿငာထဲမွာ ကုမၸဏီနာမည္မပါဘူးတဲ႔ေလ.. စိတ္တိုလိုက္တာအရမ္းပဲ.. လိပ္စာရလိုက္လို႔ ေတာ္ေသးတာေပါ႔..

ေနာက္ေန႔က်ေတာ႔ အေစာၾကီးထၿပီး သြားလိုက္တယ္.. လိပ္စာကိုေတာ႔ လြယ္လြယ္ကူကူရွာေတြ႔ၿပီး ၀င္ရမယ္႔အေပါက္ရွာမေတြ႕လို လည္ေနတာနဲ႔ ၉နာရီထိုးခါနီးမွ ေရာက္သြားပါတယ္.. ဒါေတာင္ အၾကာၾကီးေစာင္႔လိုက္ရေသးတယ္.. ကြၽန္မေလွ်ာက္လိုက္တာက လွ်ပ္စစ္အင္ဂ်င္နီယာရာထူးပါ.. ေခၚတာက သေဘၤာက်င္းဆိုေတာ႔ ရမယ္ကို မထင္ေတာ႔ဘူး.. သူတို႔ကလဲ မွားၿပီးေခၚလိုက္တာတဲ႔.. ေရာက္လာမွေတာ႔မထူးဘူး.. တၿခားရာထူးတစ္ခု မိန္းကေလးနဲ႔ကိုက္တာရွိတယ္.. ေၿဖသြားလိုက္ပါဆိုလို႔ ေဖာင္ေတြဘာေတြၿဖည္႔ေပါ႔.. ေၿဖရတဲ႔ရာထူးက Planning Officer တဲ႔.. ဘာမွန္းေတာင္မသိဘူး.. အင္တာဗ်ဴးမွာ ေမးသမွ်ကို မသိဘူးခ်ည္းပဲေၿဖတာ.. သိမွမသိတာကို.. OHS Management System သိလားတဲ႔.. ၾကားေတာင္မၾကားဖူးဘူး.. ISO ေရာတဲ႔.. ၾကားေတာ႔ၾကားဖူးတယ္.. ေသေသခ်ာခ်ာေတာ႔ မသိဘူးေပါ႔.. ရံုးခန္းထဲမွာပဲ ထိုင္လုပ္ရမယ္႔အလုပ္ကို ၾကိဳက္လားတဲ႔.. Yes, of course ေပါ႔.. ၾကိဳက္မွၾကိဳက္ပဲ.. ကြၽန္မကိုဗ်ဴးတာက မေန႔က ကြၽန္မကိုဖုန္းဆက္ေခၚတဲ႔ လူၾကီးပဲေလ.. Human Resource Manager တဲ႔.. နင္မသိတာေတြ သင္ေပးပါမယ္.. နင္လုပ္ကိုလုပ္ႏိုင္မယ္လို႔ ငါယံုတယ္ ဘာညာနဲ႔ေၿပာလိုက္ၿပီး သူေဌးဆီက Approval ယူၿပီးရင္ အေၾကာင္းၾကားလိုက္မယ္ဆိုလို႔ ၿပန္လာခဲ႔လိုက္တယ္..

ေနာက္တေန႔က်ေတာ႔ အရင္သြားထားတဲ႔ အင္တာဗ်ဴးတစ္ခုက ေနာက္တဆင္႔ဗ်ဴးဖို႔ထပ္ေခၚတာနဲ႔ သြားရပါတယ္.. အင္တာဗ်ဴးခန္းထဲေရာက္ေနတုန္း.. မေန႔ကဂ်ာၾကီးက ဖုန္းတဂြမ္ဂြမ္ေခၚပါေတာ႔တယ္.. ဘယ္ဖုန္းကိုင္ႏိုင္ပါ႔မလဲ.. အင္တာဗ်ဴးၿပီးေတာ႔ သူတို႔က အလုပ္ခန္႔မယ္.. စ၀င္၀င္ခ်င္း ဘယ္ေလာက္ေပးမယ္.. ၃လေနရင္ ဘယ္ေလာက္ၿဖင္႔တိုးေပးမယ္လို႔ညွိပါတယ္.. ကြၽန္မလဲ မနက္ၿဖန္မွအေၾကာင္းၿပန္ပါရေစဆိုၿပီး ၿပန္ခဲ႔ပါတယ္.. အၿပန္လမ္းမွာ ဟိုဘက္က မန္ေနဂ်ာၾကီးကိုဖုန္းေခၚလိုက္ေတာ႔ ခုနက ဘာလို႔ဖုန္းမကိုင္တာလဲလို႔ ေမးပါတယ္.. ကြၽန္မက အမွန္အတိုင္းေၿပာလိုက္ေတာ႔ သူတို႔က ဘယ္ေလာက္ေပးလဲလို႔ ေမးပါတယ္.. ေၿပာၿပလိုက္တယ္.. ငါတို႔ ၁၀၀ ပိုေပးပါမယ္.. မနက္ၿဖန္ S Pass တင္ေပးမယ္ လာခဲ႔ပါဆိုလို႔ လက္ခံလိုက္မိတယ္.. အဲဒီတုန္းက Online တင္တာေခာတ္မစားေသးေတာ႔ စာတိုက္ကေနပဲတင္တာေပါ႔.. အၾကာၾကီးေစာင္႔ရပါတယ္.. စိတ္ပူလိုက္ရတာလဲမေၿပာပါနဲ႔.. ကိုယ္ရထားတဲ႔ဘြဲ႔နဲ႔ တင္တဲ႔ရာထူးနဲ႔က ဘာမွမဆိုင္တာၾကီးေလ..

တစ္လေက်ာ္ေလာက္ၾကာေတာ႔ S Pass က်လာပါတယ္.. ေဆးစစ္တာ ကဒ္ဖိုးသြင္းတာ ဘာမွ အိတ္စိုက္စရာမလိုဘူးေလ.. မဆိုးဘူးလို႔ေတြးမိတယ္.. အလုပ္စ၀င္ေတာ႔ ကြၽန္မကို သင္ေပးပါမယ္ဆိုတဲ႔ ဂ်ာၾကီးက ဖိုင္ေတြအထပ္လိုက္ထိုးေပးၿပီး ဖတ္ခိုင္းပါေတာ႔တယ္.. ေက်ာင္းမွာတုန္းက ဆရာေတြနဲ႔ ကိုယ္နဲ႔အတူတူ စာဖတ္ၿပီး သင္လာရတာမို႔ ေတာ္ေသးတယ္ေၿပာရမယ္.. နားမလည္တာမ်ားရွိလို႔ ဂ်ာၾကီးကိုေမးမယ္မၾကံနဲ႔.. ငါလဲေသေသခ်ာခ်ာေတာ႔မသိဘူး ဆိုတာနဲ႔ပဲ တိုးရပါေတာ႔တယ္.. သူ႔ေက်းဇူးေၾကာင္႔ အင္တာနက္သံုးတာ ေတာ္ေတာ္ကြၽမ္းသြားတယ္.. တေန႔တေန႔ စလုံးအစိုးရဌာနေတြရဲ႕ စာမ်က္ႏွာေတြကို ၀င္ၾကည္႔.. လိုအပ္တာေတြ ေဒါင္းလုဒ္ဆြဲ.. အိမ္အထိယူသြားၿပီးဖတ္ရတယ္.. ဂ်ာၾကီးလႊတ္သမွ် သင္တန္ေပါင္းစံုလဲ တက္လိုက္ရတာအေမာပဲ..

Safety Management System ဆိုတာဘာမွန္းနည္းနည္းသိခါရွိေသး Internal Audit လုပ္ရမယ္ဆိုေတာ႔ ဘာေတြေမးလို႔ ဘာေတြစစ္ရမွန္းမသိ.. တတ္သာမတတ္ေသးတာ လည္ေတာ႔လည္တယ္ေလ.. Audit Plan ဆြဲေတာ႔ ၀ါရင္႔ၾကီးေတြကို အဖြဲ႔ေခါင္းေဆာင္တင္ အဖြဲ႕တိုင္းမွာ ငယ္သားလိုက္လုပ္လိုက္ေတာ႔ သိသြားတယ္.. ဘယ္ဌာနကို ဘာေတြေမးရတယ္.. ဘာစာရြက္စာတမ္းေတြစစ္ရတယ္ဆိုတာကိုေပါ႔.. Internal Audit ၿပီးလို႔ ေပါ႔သြားမယ္မထင္နဲ႔ Management Review ဆိုတာက ကပ္ပါလာေရာ.. ၁ႏွစ္လံုးလုပ္ထားသမွ်ေတြကို Management က Review လုပ္တာေပါ႔.. သူတို႔ Review တာက ၂နာရီေလာက္.. Review စရာေတြကို ၿပင္ဆင္ရတာက ၂ပါတ္ေလာက္ၾကာပါတယ္.. MR ၿပီးသြားၿပန္ေတာ႔ လာပါၿပီ .External Audit. က်ရင္ေတာ႔သြားၿပီေပါ႔.. ကံမ်ားေကာင္းခ်င္ေတာ႔ Minor Non-conformities ေလးေတြ ၄ခုေလာက္နဲ႔ၿပီးသြားတယ္.. ၿပီးေတာ႔ ကြၽန္မအလုပ္၀င္တာ ၆လၿပည္႔ၿပီ.. အစမ္းခန္႔ကေန အတည္ခန္႔ၿဖစ္သြားပါတယ္.. လစာလဲ ၂၀၀ တိုးေပးတယ္ေပါ႔.. ခိုင္းေကာင္းမွန္းသိသြားၿပီေလ.. ေနာက္ပိုင္းေတာ႔ Safety နဲ႔မဆိုင္တာေတြလဲ ကူလုပ္ေပးလာရပါတယ္.. လိုင္စင္ေတြေလွ်ာက္တာ Renew လုပ္တာ.. Work Permit ေတြ S Pass ေတြေလွ်ာက္တာကအစ Admin ပိုင္းေတြအဆံုး လိုရင္လိုသလို ကူေပးရပါေတာ႔တယ္..

မႏွစ္က ႏွစ္လယ္လစာတိုးခါနီးက်ေတာ႔ Salary Administration ကိုကိုင္တဲ႔ တရုတ္ေလးက အလုပ္ထြက္သြားပါတယ္.. လုပ္မယ္႔သူမရွိတာနဲ႔ မေနႏိုင္မထိုင္ႏိုင္ ကူညီလိုက္မိတာ Salary Administration တခုလံုး ကြၽန္မလက္ထဲကိုေရာက္လာပါေတာ႔တယ္.. ႏွစ္ကုန္က်ရင္ ၁၃လစာေပးဖို႔.. ဆုေၾကးေတြတြက္ဖို႔.. ပထမႏွစ္ပတ္လည္မွာ လစာတိုးေပးဖို႔ အားလံုးလုပ္ရပါေတာ႔တယ္.. လူ ၃၅၀စာေလာက္ဆိုေတာ႔ ေတာ္ေသးတယ္ေၿပာရမွာေပါ႔.. ၁၀၀၀စာေလာက္ဆိုရင္ေတာ႔ ေသၿပီဆရာပဲ.. Excel မွာသံုးတဲ႔ Formula ေတြ.. Words Document နဲ႔တြဲၿပီး Mail Merge လုပ္တာေတြ စံုေနေအာင္ေလ႔လာရတယ္.. အသိပညာတိုးတာေတာ႔အမွန္.. ေခါင္းစားရတာလဲအရမ္းပဲ.. မွားသြားရင္ အထုခံရမွာမို႔ သတိထားေနရတာၾကီးက ေတာ္ေတာ္ဆိုးပါတယ္.. တစ္ႏွစ္စာလုပ္ၿပီးသြားေတာ႔ ေတာ္ေတာ္ေလးေနသားက်သြားတယ္ဆိုရမယ္..

ဒီႏွစ္ ႏွစ္လည္လစာတိုးတဲ႔အစီအစဥ္မွာ ကြၽန္မကို ရာထူးတိုးေပးပါတယ္.. Senior Planning Officer တဲ႔.. လစာလဲ ၂၅၀တိုးသြားတယ္ေပါ႔.. အၾကံအစည္တစ္ခုခုေတာ႔ရွိရမယ္လို႔ ေခါင္းေတာ႔ခပ္က်ိမ္းက်ိမ္းၿဖစ္ေနတုန္း ဒီမနက္ ဌာနတြင္း Discussion အၿပီးမွာ တရား၀င္ေၾကၿငာပါေတာ႔တယ္.. ခုကစၿပီး Salary Administration ကို လံုး၀တာ၀န္ယူရပါမယ္တဲ႔.. ဘယ္သူလုပ္ထားတာပဲၿဖစ္ၿဖစ္ လစာနဲ႔ပါတ္သတ္ၿပီး တခုခုမွားခဲ႔ရင္ ကြၽန္မက တာ၀န္ယူရပါမယ္တဲ႔ေလ.. လူမိုက္ငွားလိုက္ပါၿပီ.. ဘာပဲၿဖစ္ၿဖစ္ တိုးေပးထားတဲ႔လစာေလးမ်က္ႏွာနဲ႔ လုပ္ကိုလုပ္ရပါေတာ႔မယ္.. က်န္တဲ႔သေကာင္႔သားေတြလုပ္သမွ်ကိုလဲ မ်က္ေၿခမၿပတ္ၾကည္႔ေနရပါေတာ႔မယ္.. ကိုယ္႔ကိုယ္ကိုယ္ေတာ႔ ဆုေတာင္းေပးလိုက္မိတယ္.. “ကံေကာင္းပါေစပြင္႔ၿမဴးဇင္ေရ”လို႔...

နေ့နဲ့ည ရေရင်လေ၂၈နှစ်

လွန်ခဲ့တဲ့ ၂၈နှစ် ဒီနေ့မှာ ခုလိုပဲ ၀ါထပ်တဲ့နှစ်မို့ မိုးတွေကသည်းမှသည်းပဲတဲ့.. ကိုယ်ဝန်နေ့စေ့လစေ့ကြီးနဲ့ မေမေက ငွေထမင်းစားချင်တယ်ဆိုလို့ ကြီးကြီးငွေက ငွေထမင်းလုပ်ကျွေးတယ်.. အဲဒီအချိန်မှာ မေမေ့ယောင်းမ ကြီးကြီးနွယ်က အရှေ့ပိုင်းဆေးရုံမှာ ကလေးမွေးဖို့ရောက်နေတယ်လေ.. သူကမွေးရမယ့်ရက်ကို ၁၀ရက်လောက်တောင်ကျော်နေလို့ ခွဲမွေးရတော့မှာ.. နောက်ယောင်းမတစ်ယောက်ဖြစ်တဲ့ ကြီးကြီးဘေဘီက ကလေးဆရာဝန်အဖြစ် အရှေ့ပိုင်းဆေးရုံမှာပဲ တာဝန်ကျနေတယ်.. ဆေးရုံဝင်းထဲက ၀န်ထမ်းအိမ်ယာမှာပဲနေတယ်လေ.. မေမေက ကြီးကြီးနွယ်ကို သွားကြည့်ရင်း ကြီးကြီးဘေဘီစားဖို့ ငွေထမင်းတွေတောင် ယူသွားပေးသေးတယ်တဲ့.. ဆေးရုံရောက်တော့ ဗိုက်ထဲကနာလာသလိုပဲဆိုလို့ ဒေါက်တာခင်သိန်းဦးက စမ်းကြည့်ပြီးတော့ မွေးခါနီးပြီဆိုပြီး မေမေ့ကိုအိမ်ပေးမပြန်တော့ပါဘူး.. မေမေလဲ ဖေဖေအိမ်ပြန်ပြီး ပစ္စည်းတွေသွားယူနေတုန်း ကြီးကြီးဘေဘီတို့အိမ်ကိုသွား ရေချိုး ခေါင်းလျှော် အကြိုက်ကိုလုပ်တော့တာပဲ.. သူတို့အိမ်မှာချက်စားတဲ့ အုန်းနို့ခေါက်ဆွဲကိုတောင် တဝကျိတ်လိုက်သေးတယ်လေ.. ဘဘမျိုးကတောင် နောက်နေသေးတယ်.. အုန်းနို့ခေါက်ဆွဲစားချင်လို့ ဗိုက်နာချင်ယောင်ဆောင်တာ မဟုတ်လားလို့..

ကြီးကြီးနွယ်က ၄နာရီကျော်လောက်မှာ မွေးပါတယ်.. အဲဒီအချိန်ထိ မေမေက ဗိုက်သိပ်မနာသေးဘူးတဲ့.. နောက်ကျမှ ချက်ချင်းပဲနာလာပြီး ကျွန်မကို ၆နာရီ ၁၀မိနစ်မှာမွေးပါတော့တယ်.. မွေးစက ၈ပေါင်နဲ့၁၀အောင်စတောင်ရှိတယ်တဲ့.. ၀တုတ်ကြီးပေါ့.. မေမေက အသက်၂၀မှာကျွန်မကိုမွေးတာလေ.. ကျွန်မကလဲအစားပုတ် မေမေကလည်းနို့အများကြီးထွက်တော့ ကျွန်မငယ်ငယ်တုန်းက တော်တော်လေးဝပါတယ်.. လက်တွေမှာဆို ကောက်ညှင်းထုပ်လို အရစ်အရစ်တွေဖြစ်နေတာ.. ဆံပင်တွေကလိမ်ကောက်ကွေးနေတာပဲ.. ပါးကြီးတွေကလဲဖောင်းလို့.. ကြီးကြီးနွယ်ကမွေးတဲ့ ကျွန်မထက်၂နာရီကြီးတဲ့ အစ်မလေးကတော့ သေးသေးလေးတဲ့.. ကြီးကြီးနွယ်က နို့သိပ်မထွက်တော့ သူ့ဖေဖေက မေမေ့ဆီခေါ်ခေါ်လာပြီး နို့တိုက်ခိုင်းတတ်တယ်.. ကျွန်မတို့၂ယောက်က နို့စို့ဖက်တွေပေါ့.. မေမေ့နို့ကလဲ ၂ယောက်ဝိုင်းသောက်တာတောင် တနေ့တနေ့ မတ်ခွက်ကြီးနဲ့အပြည့် ညှစ်ထုတ်ပစ်ရသေးတယ်တဲ့.. ညညဆို နို့တွေသက်လို့ ပုဆိုးနဲ့တောင်ခံထားရတယ်ဆိုပဲ.. တညတော့ နို့တွေသက်ပြီး ကျွန်မခေါင်းမှာရွှဲနေတော့ ပရွက်ဆိတ်တွေကို အုံခဲနေတာပဲတဲ့.. တော်သေးတာပေါ့ မကိုက်တတ်တဲ့အမဲရောင်ကောင်တွေမို့လို့..

ကျွန်မက ငယ်ငယ်တုန်းက တော်တော်လေးအေးတယ်ပြောတာပဲ.. ချထားရင် ထားတဲ့နေရာမှာ ငြိမ်နေတာပဲတဲ့.. အငိုလဲနည်းတယ်ဆိုပဲ.. ကျွန်မကို နာမည်ပေးဖို့စဉ်းစားကြတော့ ဖေဖေနဲ့မေမေက တယောက်တလုံးစီရွေးကြဖို့ သဘောတူကြတယ်.. နောက်ဆုံးမှာတော့ အဖိုးနာမည် ဇင် ဆိုတာကိုထည့်မယ်ပေါ့.. ဖေဖေက ပွင့်ဆိုတာလေးရွေးလိုက်တယ်.. မေမေကတော့ မြူး ဆိုတဲ့စာအုပ်တိုက်နာမည်လေးကိုသဘောကျတယ်တဲ့.. ပထမတော့ ဖေဖေက မြူးဆိုတာကို မကြိုက်ဘူးတဲ့.. အနေအေးတဲ့ကျွန်မနဲ့ မလိုက်ဘူးပေါ့.. မေမေက မရဘူး သူရွေးထားတာ ပေးကိုပေးရမယ်ဆိုလို့ ကျွန်မနာမည် ပွင့်မြူးဇင် ဖြစ်လာပါတယ်.. အိမ်နာမည်ကတော့ မြူးမြူးပေါ့.. ကျွန်မမိဘတွေ နာမည်ပေးတာ တော်တယ်ပြောရမယ်.. ခုထက်ထိ ကျွန်မနဲ့နာမည်တူ တယောက်မှမတွေ့ဖူးသေးဘူး.. ခပ်ဆင်ဆင်လေးတောင် မတွေ့ဖူးဘူးလေ.. ညီမလေးနာမည် ၀င့်ထူးဇင်ကမှ ဇင်ဝင့်ထူးဆိုတာ တွေ့ဖူးသေးတယ်..

ကျွန်မသူငယ်တန်းကျောင်းစတက်တော့ ရန်ကင်း အ.မ.က (၈)မှာ တက်ပါတယ်.. ကျောင်းကစည်းကမ်းကြီးတယ်.. မိဘတွေကို ကျောင်းထဲပေးမဝင်ဘူး.. ကျွန်မက ထမင်းကိုယ့်ဟာကိုယ်မစားတတ်သေးတော့ နေ့လည်ထမင်းစားချိန်ဆို မေမေကကျောင်းရှေ့ကိုလာ ကျွန်မကအပြင်ထွက်ပြီး ထမင်းသွားသွားစားရတာ မှတ်မိသေးတယ်.. ကျွန်မက ငယ်ငယ်တုန်းက တော်တော်ကြောက်တတ်ပါတယ်.. အတန်းထဲမှာ ဆရာမက သူများတွေကိုဆူရင်လဲ ကျွန်မကကြောက်လို့ ငိုပါတယ်တဲ့.. နောက်တော့ ဆရာမက ဆူချင်ရင် ပွင့်မြူးဇင်မပါဘူးလို့ ပြောပြီးဆူရတယ်တဲ့လေ.. အဲဒီတုန်းက ကျွန်မရဲ့ဟီးရိုးက နှင်းဝတ်ရည်သောင်းပါ.. သူကယောက်ျားလျာလိုပဲ အရမ်းလဲစွာပါတယ်.. သူများတွေကျွန်မကို အနိုင်ကျင့်ရင် သူကရှေ့က စွာပေးပါတယ်.. နည်းနည်းကြီးလာတော့ ကျွန်မ မကြောက်တတ်တော့ပါဘူး.. မေမေကဆို ခုထိပြောတုန်း.. သမီးကို ခုလိုထက်ထက်မြက်မြက်ဖြစ်လာမယ်လို့ ထင်ကိုမထင်ထားဘူးတဲ့..

ကျွန်မ၁၂နှစ်သမီးလောက်မှာ မေမေက စင်္ကာပူကို အလုပ်လုပ်ဖို့ ထွက်သွားပါတယ်.. ဖေဖေကလဲ သင်္ဘောလိုက်နေတုန်းဆိုတော့ မောင်နှမသုံးယောက်သား အဖွားတွေအဒေါ်တွေနဲ့ ကျန်ခဲ့တာပေါ့.. အဲဒီကစလို့ ကျွန်မရင့်ကျက်လာခဲ့တယ်ဆိုရမယ်.. မိဘနဲ့ဝေးနေတော့ ညီမလေးနဲ့မောင်လေးအပေါ် မိဘမေတ္တာကို ပေးနိုင်အောင်ကြိုးစားရင်း ကျွန်မတဖြေးဖြေး ရင့်ကျက်လာခဲ့တယ်ပေါ့.. တော်ယုံပြသနာဆို လူကြီးတွေမသိစေပဲ ကိုယ်တိုင်ရှင်းပစ်လိုက်တယ်.. ကိုယ်ပိုင်ဆုံးဖြတ်ချက်တွေအပေါ် ယုံကြည်မှုလေးလဲ ရှိလာတယ်လေ.. နောက်ပိုင်း ကျွန်မဖေဖေက ကျန်းမာရေးမကောင်းလို့ အလုပ်နားလိုက်ရတော့ ဖေဖေ့ရဲ့ အနီးကပ်ဆိုဆုံးမမှုတွေအောက်မှာ ကျွန်မတို့သုံးယောက်လုံး လူလားမြောက်ခဲ့ရတယ်ပေါ့.. အေးဆေးတဲ့ဖေဖေက ဘယ်တော့မှ စကားကြမ်းကြမ်းတွေနဲ့ မဆုံးမတတ်ပါဘူး.. လေအေးလေးနဲ့ နားဝင်အောင်ပြောတတ်လို့ ကျွန်မတို့လဲ ဖေဖေ့စကားဆို တသက်စွဲနေအောင် မှတ်မိနေရော..

မှော်ဘီမှာ အဆောင်နေပြီး ကျောင်းတက်ရတော့ ကျွန်မပိုပြီး Independent  ဖြစ်လာတယ်.. ကိုယ်တယောက်စာအလုပ်တွေကို ကိုယ်တိုင်လုပ်တတ်လာတယ်လေ.. အဝတ်လျှော်တာ.. မီးပူတိုက်တာ.. ဟင်းချက်တာတွေလဲ ပိုကျွမ်းလာတယ်.. အိမ်မှာက လုပ်ခွင့်မှမရပဲကိုး.. ကျောင်းတက်ခဲ့တဲ့၅နှစ်အတွင်း ဘဝအကြောင်း အချစ်အကြောင်း လူတွေရဲ့စရိုက်တွေအကြောင်းကို အများကြီးပိုသိလာတယ်.. ကျွန်မရဲ့လက်တွဲဖော်နဲ့လဲ တွေ့ဆုံခွင့်ရခဲ့တယ်လေ.. ကျွန်မကျောင်းပြီးသွားတော့ သူကကျောင်းမပြီးသေးဘူး.. တခြားအလုပ်လဲမလုပ်ချင်လို့ ကျူရှင်ပဲလိုက်သင်ဖြစ်တယ်.. ဂျီတီစီကကျောင်းသားတွေကိုပဲပေါ့.. ကျောင်းပြီးတာက ၂၀၀၅မှာ စလုံးကိုရောက်တာက ၂၀၀၇.. အလုပ်ကို အသည်းအသန်ရှာရတာပေါ့.. ကံကောင်းချင်တော့ ကုမ္ပဏီခပ်ကြီးကြီးမှာ အလုပ်ရတယ်.. ၁၃လစာလေးလဲမှန်မှန်ပေးတယ်.. နှစ်ကုန်ဆုကြေးကလဲ ၅လစာလောက် အနည်းဆုံးပေးတယ်လေ.. ကံပါပဲ.. အလုပ်လက်ခံတုန်းကဆို အဲဒါတွေရမှန်း သိတောင်မသိဘူး.. မေးရကောင်းမှန်းလဲ သိတာမဟုတ်ဘူး.. အလုပ်ရသွားတော့ မောင့်ကို ကျောင်းလျှောက်ပေးလိုက်ပြီး လှမ်းခေါ်လိုက်တယ်.. မောင်ရောက်လာတော့ အတူတူနေကြရမှာဆိုပြီး မင်္ဂလာပွဲကို ခပ်မြန်မြန်ပဲ စီစဉ်ဖြစ်သွားတယ်လေ.. ၂၀၀၈ ခုနှစ် ဧပြီလ ၆ရက်နေ့ပေါ့.. မိဘတွေဆီကမတောင်းချင်လို့ ကိုယ်ဆုကြေးရတဲ့ပိုက်ဆံနဲ့ ကိုယ့်စိတ်ကြိုက်လုပ်ပစ်လိုက်တယ်.. အဲဒီနေ့က ကျွန်မအပျော်ဆုံးနေ့တွေထဲက တနေ့ပေါ့..

သားသားကိုယ်ဝန်၆လလောက်ရှိတဲ့အချိန်မှာ ကျွန်မဖေဖေဆုံးသွားပါတယ်.. နှစ်ရှည်လများ ခံစားခဲ့ရတဲ့ ဝေဒနာတွေ ချုပ်ငြိမ်းသွားတာပေါ့ရယ်လို့ပဲ ကြိုးစားဖြေသိမ့်ရတယ်ပေါ့.. ဖေဖေမဆုံးခင် ဖေဖေလိုချင်တဲ့အိမ်လေးကို ကျွန်မပိုက်ဆံနဲ့ ၀ယ်ပေးနိုင်ခဲ့တာတခုတော့ ဖြေစရာရှိတယ်လေ.. နိုဝင်ဘာလကုန်ပြန်မယ်လို့ စီစဉ်ထားပြီးဖြစ်တော့ ဖေဖေဆုံးတဲ့အချိန် အောက်တိုဘာလမှာ ကျွန်မမပြန်နိုင်ခဲ့ပါဘူး.. အဝေးကနေပဲ မှန်းပြီး ကန်တော့လိုက်ရတယ်လေ.. စီစဉ်ထားတဲ့အတိုင်း နိုဝင်ဘာလကုန်မှာ ရန်ကုန်ကိုပြန်.. ဇန်နဝါရီ ၁ရက်နေ့မှာ သားသားကိုမွေးခဲ့တယ်.. ဘေးနားမှာ ယောက်ျားလဲမရှိ အမေလဲအရှိ မောင်နှမအရင်းချာတွေတောင်မရှိပဲ သားသားကိုမွေးခဲ့တာ.. မောင်က အလုပ်ဝင်စဆိုတော့ ခွင့်ယူလို့မရသေးတာမို့ ပြန်မလာခဲ့နိုင်ဘူးလေ.. သားသားက ကံကောင်းခြင်းတွေ ယူလာပေးခဲ့တယ်ဆိုရမယ်.. သားသားကိုယ်ဝန် ၇လလောက်မှာ မောင်လဲ ကျွန်မတို့အလုပ်ထဲမှာပဲ အလုပ်ရသွားခဲ့တယ်.. ကျွန်မတစ်ယောက်စာ ၀င်ငွေလေးနဲ့ မောင်ရဲ့အချိန်ပိုင်းအလုပ်လေးနဲ့သာဆို သားသားကို ဒီမှာထားနိုင်ဖို့ အဝေးကြီးပေါ့.. ကလေးစားရိတ်က ကြီးမှကြီးကိုး.. ခုတော့ ဒီကျွန်းလေးမှာ ကျွန်မရယ် မောင်ရယ် သားသားရယ် အတူတူရှိနေပါတယ်..

ဒီနေ့ ကျွန်မ ၂၈နှစ်ပြည့်ပြီ.. ၂၈နှစ်စာ အဖြစ်အပျက် အတွေ့အကြုံလေးတွေကို ပြန်တွေးကြည့်ရင်း အမှတ်တရပို့စ်လေး တင်လိုက်တာပါ.. ကျွန်မနဲ့ တနေ့တည်းမွေးတဲ့ ကျွန်မထက် ၂နာရီကြီးတဲ့အစ်မ ဖွေးဖြူသဲကိုလဲ ပျော်စရာမွေးနေ့ဖြစ်ပါစေလို့ ဆုတောင်းပေးလိုက်ပါတယ်..

အလင္း VS အေမွာင္

တဒဂၤေလးပါပဲ..
အေရာင္ေတာက္ေနတဲ႔တိမ္ေတြေအာက္
ဆံုမွတ္တူတဲ႔မ်က္၀န္းေတြမွာလဲ
တိမ္ေရာင္ေတြဟပ္ၿပီး လင္းလက္လို႔...

ဒါေပမယ္႔..
တို႔အတူေရာက္ေနခဲ႔တာကေတာ႔
အခ်င္းခ်င္းေတာင္မၿမင္ႏိုင္ေလာက္တဲ႔
အေမွာင္ကမာၻထဲေလ...

ပြင္႔ၿမဴးဇင္
၄.၈.၂၀၁၀

Photo Credit to My Best Friend, PPA.

မိုးရာသီထဲ

သုံးရာသီရှိတဲ့ထဲမှာ မိုးရာသီကို ကျွန်မအချစ်ဆုံး.. မိုးရာသီမှာမွေးတဲ့ကျွန်မ မိုးရာသီကိုချစ်တာ ဘာဆန်းလဲ.. ငယ်ငယ်လေးကတည်းက မိုးရေစက်တွေကို ချစ်တတ်ခဲ့တယ်.. မိုးတွေသည်းလာရင် အရမ်းကိုပျော်တတ်ခဲ့သူပေါ့.. နွေရာသီတိုင်း မိတ်တွေထွက်ပြီး နေရခက်လွန်းလို့ မိုးကိုမျှော်ရတာအမော.. မိုးရေချိုးမှ မိတ်ပျောက်မှာကိုး.. မိုးရေထဲမှာ ဘောလုံးကန်ရတာလဲ အရမ်းပျော်ပေါ့.. ရွှံ့တွေလူပြီး ကျွဲရုပ်ထွက်တဲ့အထိကို ဆော့ပစ်တာ.. မိုးရေထဲမှာ ထီးမဆောင်းပဲလမ်းလျှောက်ရင်း မျက်နှာကိုလာထိတဲ့ မိုးစက်အေးအေးလေးတွေရဲ့အထိအတွေ့ကို သိပ်ကြိုက်တာပေါ့.. မိုးဦးကျမှာ စစချင်းရွာတဲ့မိုးကြောင့် ဖုန်တွေသိပ်သွားပြီး ထွက်လာတဲ့မြေသင်းနံ့လေးကိုလဲ အရမ်းသဘောကျတယ်.. မိုးစဲသွားလို့ နေပွင့်လာရင် ရေစိုသစ်ရွက်တွေကို နေထိုးလို့ တလက်လက်တောက်ပနေတာကလဲ လှမှလှပဲ..

မိုးရာသီရောက်ပြီဆို ကျွန်မကြိုက်တဲ့ အစားအသောက်တွေကလဲ ပေါမှပေါပေါ့.. ငါးသေးသေးလေးတွေ ပုဇွန်ဆိတ်လေးတွေကို ပင်စိမ်းရွက်လေးအုပ်ပြီး အိုးကပ်ချက်ထားတာက တခွက် ပိန်းဥဟင်းခါးလေးနဲ့ ငပိထောင်းတို့စရာအစုံနဲ့များဆို ခေါင်းတောင်မဖော်နိုင်ဘူးပေါ့.. ထမင်းစားပြီး အချိုတည်းစရာ သရက်သီးမှည့်လေးကလည်း ရှိသေးတယ်.. မျှစ်တို့ ဖလံတောင်ဝှေးတို့ ဇရစ်တို့ ကြိုက်တဲ့ကျွန်မအတွက် မိုးရာသီဆို စားလို့ကိုမကုန်နိုင်ဘူး.. ငပိရည်ကို ငါးကင်လေးထည့်ပြီး ငရုတ်စိမ်း ကြက်သွန်ဖြူထောင်းနဲ့ဖျော်.. သရက်ကင်း မာလာဖူး တို့စရာတွေနဲ့ ချည်ပေါင်ပုဇွန် အရည်သောက်လေးများတွဲလိုက်ရင် ထမင်းဝိုင်းကတောင် မထနိုင်တဲ့အထိပဲ.. မိုးရာသီမှာ လှိုင်လှိုင်ပေါ်တဲ့ တရုတ်ကန်စွန်းကြီးတွေကို အရိုးချည်းပဲ ကြော်စားရတာလဲ အရမ်းကြိုက်တယ်.. ကန်စွန်းရိုးကြော်ရယ် ဗူးသီးဟင်းခါးလေးရယ် ပုဇွန်ချဉ်သုပ်လေးရယ်ကလဲ သိပ်ကိုလိုက်ဖက်တဲ့ ဟင်းစပ်လေးပေါ့.. ဇရစ်ရိုးရယ် ကန်စွန်းရွက်ရယ် ချည်ပေါင်ရွက်ရယ်ကို ပုဇွန်သေးသေးလေးတွေဆီသတ်ပြီး စိုစိုလေးကြော်စားရတာလဲ အရမ်းကို ထမင်းမြိန်စေတယ်လေ.. ပြီးတော့ ရခိုင်လို ဒေါင်းပျောက်လို့ခေါ်တဲ့ (ဗမာလိုတော့ ငါးပျံမွှေးလို့ ခေါ်တယ်ထင်တယ်) ငါးတမျိုးကို ဆီမပါပဲ ကြက်သွန်ဖြူ၊ နီ၊ ချင်း နဲ့ ငရုတ်သီးအရောင်တင်မှုန့်ထည့်ပြီး လုံးချက်တဲ့အိုးကပ်လေးကလဲ ကျွန်မအရမ်းကြိုက်တဲ့ဟင်းပေါ့..

မိုးရာသီဆို ကျောင်းတွေစတက်ရတယ်.. မိုးကာလေးဝတ် ထီးလေးဆောင်းပြီး ကျောင်းသွားရတာလဲ ပျော်စရာပေါ့.. ကျောင်ဆင်းချိန်မိုးရွာရင်တော့ လွယ်အိတ်ကို ကျွတ်ကျွတ်အိပ်ထဲထည့်ကိုင်ပြီး မိုးရေထဲလမ်းလျှောက်ပြန်ဖြစ်တာများတယ်.. လမ်းမှာတွေ့သမျှ ရေအိုင်ဗွက်အိုင်တွေထဲဆင်းဆော့ အချင်းချင်းရွှံ့ရေစင်အောင် ရေအိုင်ထဲခုန်ချနဲ့ အိမ်ရောက်ရင်တော့ ပေတူးလန်လို့ပေါ့.. ညနေဘက်တွေဆို ပါပါကြီး (အဘိုး) နဲ့အတူတူ ချောင်းစပ်ဆင်ပြီး ကြာဟင်းညွန့်တွေခူးကြ ရွှံ့တွေတူးပြီး အရုပ်လုပ်ကစားကြနဲ့ အရမ်းကိုပျော်ဖို့ကောင်းခဲ့ပါတယ်.. ဗွက်လူးအောင်ဆော့ပေမယ့် ကာဘော်လစ်ဆပ်ပြာကျေးဇူးကြောင့် ၀ဲမပေါက်တာပဲ တော်သေးတယ်ပြောရမယ်..

ဂျီတီစီကျောင်းတက်တော့လဲ မိုးရာသီဆို အရမ်းပျော်ဖို့ကောင်းတယ်.. ကျောင်းဝင်းထဲမှာပေါက်တဲ့ ဖလံတောင်ဝှေးတွေလိုက်ခူး.. သရက်သီးတွေခူး.. မိုးရေထဲလျှောက်ဆော့နဲ့.. မိုးအရမ်းသည်းလို့ ဆရာတွေအတန်းမဝင်နိုင်ရင်လဲ အကြိုက်ပဲ.. မိုးအေးအေးမှာ အဘဆိုင်သွား.. ရခိုင်မုန့်တီပူပူလေးသောက်နဲ့ ဇိမ်ပဲပေါ့.. မိုးရေထဲလျှောက်ရင် ကျွတ်တွယ်လို့ ငယ်သံပါအောင်အော်တာမို့ ကောင်လေးတစ်ယောက်က ကျွတ်ကိုဖြုတ်ပေးရင်း ဇာတ်လမ်းလေးဖြစ်ဖူးတယ်.. အဲဒီကောင်လေးက ခုတော့ သားသားဖေဖေပေါ့လေ..

မိုးရေစက်တွေကိုချစ်တဲ့ကျွန်မ စလုံးကမိုးကိုတော့ အံ့သြမိတယ်.. ခုပဲနေပူနေရာက ရုတ်တရက်ရွာချလားရွာချရဲ့.. သည်းသည်းမည်းမည်းရွာနေရာက ချက်ချင်းတိတ်ပြီး နေပူလာတာကရှိသေးတယ်.. တခါတုန်းကဆို ရထားလမ်းရဲ့တစ်ဖက်ခြမ်းမှာက မိုးတွေသည်းနေပြီး နောက်တစ်ဖက်မှာက နေကျဲကျဲပူနေတာတောင် ကြုံဖူးသေးတယ်.. တလောက မိုးတွေသည်းသည်းမဲမဲရွာတုန်း သားအမိနှစ်ယောက်သား မိုးရေထွက်ချိုးကြတာ နှစ််ယောက်လုံး ဖျားပါလေရော.. ကျွန်မတသက် မိုးရေချိုးလို့ဖျားတာ ဒါပထမဆုံးပဲ.. ကိုယ်တွေလက်တွေ ကိုက်ပြီးတော့ကို ဖျားတာ.. သားသားကတော့ အရမ်းကြီးမဖျားပါဘူး.. ခုတလော စလုံးမှာ မိုးတွေရက်ဆက်ရွာနေတော့ မြန်မာပြည်ကမိုးရာသီလိုဖြစ်နေလို့ လွမ်းသွားမိတဲ့ အဖြစ်လေးတွေအကြောင်း ချရေးမိတာပါ.. ညနေကျရင်တော့ မိုးရာသီအလွမ်းပြေအဖြစ် မျှစ်ဟင်းချက် ပင်စိမ်းလေးအုပ်ပြီး ဗူးသီးဟင်းခါး ငပိထောင်းတို့စရာအစုံနဲ့ စားပစ်လိုက်ဦးမယ်လို့.. (စားချင်တဲ့သူ လာစားလှည့်နော်..)

ပုရိသကိုယ္၀န္ေဆာင္

မေန႔က တီဗြီၾကည္႔ေနၾကရင္း ခ်ာနယ္အိတ္မွာ ေရနဂါးေလးေတြအေၾကာင္းၿပပါတယ္.. အတူတူၾကည္႔ေနတဲ႔ ဦးေလးက ေၿပာၿပလို႔ ထူးဆန္းတာေလးတစ္ခု သိလိုက္ရတယ္.. ေရနဂါးေတြမွာ အထီးေကာင္ေလးေတြက ကိုယ္၀န္ေဆာင္ၾကသတဲ႔.. ေသေသခ်ာခ်ာေလး အေသးစိပ္သိခ်င္လို႔ ၀ီကီမွာရွာဖတ္ၿပီး သိသမွ်ေလးမွ်ေ၀ေပးလိုက္ပါတယ္..

SEAHORSE လို႔ေခၚတဲ႔ ေရနဂါးေလးေတြဟာ မ်ိဳးႏြယ္ေပါင္း ၄၀ေက်ာ္ရွိၾကၿပီး အပူပိုင္းပင္လယ္ေတြရဲ႕ ေရတိမ္ပိုင္းမွာ အမ်ားဆံုးေတြ႔ရတတ္ပါတယ္.. ေရညွိေရေမွာ္ေတြ သႏၲာေက်ာက္တန္းေတြၾကားမွာ အေနမ်ားၿပီး ဒီေရေတာေတြထဲမွာလဲ ေတြ႔ရတတ္ပါတယ္.. တခါတေလေတာ႔ ဥေရာပဘက္ကို နယ္ခ်ဲ႕တတ္ၾကပါေသးတယ္.. အထီးေကာင္ေလးေတြက ေနထိုင္ရာေနရာရဲ႕ ၁မီတာပါတ္လည္အတြင္းသာ လွည္႔လည္သြားလာတတ္ၿပီး အမေလးေတြကေတာ႔ မီတာ၁၀၀ပါတ္၀န္းက်င္ေလာက္ကို လွည္႔လည္ေနတတ္တယ္ဆိုပဲ.. ဗိုင္းေကာင္းေက်ာက္ဖိဆိုတဲ႔စကားက ေရနဂါးထီးကေလးေတြအတြက္ၿဖစ္မယ္ေနာ္..

ေရနဂါးေလးေတြဟာ အရိုးမာငါးမ်ိဳးၿဖစ္ေပမယ္႔ အေၾကးခြံေတာ႔မရွိၾကပါဘူး.. အရိုးမာမာၾကီးေပၚမွာ အေရခြံပါးပါးေလးပဲဖံုးအုပ္ထားတဲ႔ အသားမရွိသူေလးေတြပါတဲ႔.. ငါးေမာ္ဒယ္ေလးေတြေပါ႔.. ေရကို မတ္တပ္ကူးၾကပါတယ္..သူတို႔ေခါင္းပၚမွာ သရဖူပံုစံေလးလဲ ပါတတ္ေသးတယ္တဲ႔.. အဲဒီသရဖူေလးက တေကာင္နဲ႔တေကာင္လံုး၀မတူၾကပါဘူး.. လူေတြရဲ႕လက္ေဗြရာလိုေပါ႔.. တေကာင္ကို ပံုစံတမ်ိဳးစီပါတဲ႔.. ငါးမ်ိုဳးေပမယ္႔ ေရကူးေတာ႔မၿမန္ၾကပါဘူး.. သူတို႔မ်က္စိရဲ႔ ေနာက္နားေလးက ေရယက္ေလးတစ္ခုတည္းကိုသံုးၿပီး ကူးရတာဆိုေတာ႔ သိပ္မၿမန္ဘူးေပါ႔.. မ်ားေသာအားၿဖင္႔ သူတို႔အၿမီးေလးေတြကို တေနရာရာမွာခ်ိတ္ၿပီး နားေနတတ္ၾကပါတယ္.. သူတို႔ရဲ႕အစာကေတာ႔ ငါးေသးေသးေလးေတြ ပုဇြန္ေသးေသးေလးေတြနဲ႔ ေရညွိေရေမွာ္ေလးေတြပါ..

သူတို႔ရဲ႔ မ်ိဳးပြားပံုက စိတ္၀င္စားစရာအေကာင္းဆံုးပါပဲ.. သူတို႔ခ်င္း ခ်စ္တင္းမေႏွာခင္ ၂ေကာင္သား ေတာ္ေတာ္ၾကာၾကာေလး အတူတူရွိေနတတ္ၾကတယ္.. အၿမီးခ်င္းခ်ိတ္ၿပီး ေဘးခ်င္းယွဥ္ရက္ ေရကူးသြားေနတတ္ၾကတယ္.. အဲဒီေနာက္ အထီးေကာင္ေလးက သားဥအိတ္ေလးကိုဖြင္႔ေပးလိုက္တဲ႔အခါ အမေကာင္ေလးက သူ႔ဥေတြကို အိတ္ထဲထည္႔ေပးလိုက္တယ္.. ေနာက္ေတာ႔ အထီးေကာင္ေလးက ကိုယ္၀န္ေဆာင္ရေတာ႔တာေပါ႔.. ၂လေလာက္ၾကာေအာင္ ကိုယ္၀န္ေဆာင္ၿပီးတဲ႔ေနာက္ အေကာင္ေလးေတြေပါက္လာတာေပါ႔.. သားေပါက္ေလးေတြကိုလဲ အေဖၾကီးကပဲ ေစာင္႔ေရွာက္ရပါတယ္.. သူတို႔ေတြရွာေဖြစားေသာက္ေနထိုင္တတ္လာတဲ႔အထိေပါ႔.. ထူးဆန္းပါေပ႔ေရနဂါးရယ္..

Pregnant Seahorse

ကေလးေတာ႔လိုခ်င္တယ္.. ကိုယ္၀န္ေတာ႔မေဆာင္ခ်င္ဘူးလုိ႔ ေၿပာတတ္ၾကတဲ႔မမေတြကို ေရနဂါးနဲ႔ယူေပါ႔လို႔ပဲ ေၿပာရမလိုလို... ကြၽန္မတို႔ေဖေဖ ပုလဲနဲ႔ငါးမွာလုပ္တုန္းက သေဘၤာတေခါက္ၿပန္၀င္လာၿပီးဆို ေရနဂါးေၿခာက္ေလးေတြ ၿပန္ပါလာတတ္တယ္.. လွတဲ႔ေကာင္ေလးေတြကို ေရႊခ်.. မ်က္လံုးေနရာမွာေက်ာက္နီေလးထည္႔လိုက္ရင္ လက္ေဆာင္ေရနဂါးရုပ္လွလွေလးရတာကိုး.. တရုတ္တိုင္းရင္ေဆးေဖာ္ရာမွာလဲ ေရနဂါးေၿခာက္ေလးေတြကို သံုးၾကပါတယ္.. ထူးထူးၿခားၿခား မ်ိဳးပြားၾကတဲ႔ ပုရိသကိုယ္၀န္သည္ ေရနဂါးေလးေတြအေၾကာင္း မသိေသးရင္သိရေအာင္မွ်ေ၀ေပးတာပါ.. လြဲေနတာမ်ားရွိခဲ႔ရင္ ဘာသာၿပန္သူကြၽန္မအလြဲသာ ၿဖစ္ပါေၾကာင္း..

အခါလွန်မိုး (ဇာတ်သိမ်း)

“ပွဲချိန်တောင်နီးပြီမိမိုး.. ဘယ်လိုလဲ ငါပြင်ပေးထားတာ ကြိုက်ရဲ့လား..”

မှန်ထဲမှာမြင်လိုက်ရတဲ့အရိပ်က မိုးတဲ့လား.. မိတ်ကပ်တွေဖွေးသားနဲ့မို့ ရုတ်တရက်မှတ်တောင် မမှတ်မိချင်..

“မိတ်ကပ်တွေနဲ့ဆိုတော့ ရယ်ချင်စရာကြီးနော်.. တခါမှမပြင်ဖူးတော့ မျက်နှာတောင်ဘယ်လိုထားရမှန်းမသိတော့ဘူး..”

“မမိုး.. ကိုလပြည့်ရောက်မလာသေးဘူး.. ဖုန်းခေါ်ကြည့်ပေးပါဦး..”

ညီညီ့  ညီမလေးလာပြောလို့ အလင်းဟန်းဖုန်းကို လှမ်းခေါ်လိုက်တော့..

“ငါအောက်မှာရောက်နေပြီ.. ခုတက်လာခဲ့မယ်.. စိတ်ချပါဟာ.. ငါ့ကြောင့်ပွဲမပျက်စေရပါဘူး..”

အသံကိုကမာဆတ်ဆတ်နဲ့.. ခဏနေတော့

“ဟဲ့.. လပြည့် မိုးရေတွေလဲရွှဲလို့.. လာလာ.. အဝတ်တစားမြန်မြန်လဲ.. မမိုးကသွားနှင်တော့.. ဟိုမှာပွဲထုတ်ဖို့တန်းစီခိုင်းနေပြီ.. လပြည့် ခေါင်းကိုသေချာသုတ်.. မျက်လုံးတွေကလဲ နီရဲလို့.. နင်တော့ဖျားတော့မှာပဲ..”

မမနှင်းက ပွစိပွစိပြောရင်း အဝတ်အစားတွေယူပေး.. ခေါင်းကို ဒရိုင်ယာနဲ့မှုတ်ပေး.. အားလုံးအဆင်သင့်ပြင်ပေးတယ်.. ခပ်မြန်မြန်အဝတ်လဲလိုက်ပြီး မမနှင်းခေါ်တဲ့နောက် လိုက်လာခဲ့လိုက်တယ်..

ပွဲထုတ်ဖို့အတွက် တန်းစီတဲ့နေရာရောက်တော့ သတို့သား သတို့သမီးကို တမင်မကြည့်ဖြစ်အောင် ခေါင်းကိုငုံ့ချထားလိုက်မိသည်.. ဒါတောင် သတို့သမီးရဲ့ ထိုင်မသိမ်းစကို မြင်နေရသေးတယ်လေ..

“အားလုံးပဲ.. ဖြေးဖြေးချင်းလျှောက်ကြပါ..”

ညီညီ့အစ်ကိုကြီး ဆော်သြလိုက်လို့ ဖြေးဖြေးချင်းလမ်းလျှောက်နေရတယ်.. ခေါင်းငုံ့လျှောက်နေရင်း ဘေးမှာလျှောက်နေတဲ့ သတို့သမီးအရံရဲ့ ခြေထောက်လေးကို အမှတ်မထင်လှမ်းတွေ့လိုက်တော့.. ဟာ.. ညာဘက်ခြေဖမိုးပေါ်မှာ အမာရွတ်ကြီး.. ဒါ.. ဒေါ်ပွင့်ခြေထောက်.. ဟုတ်တယ်.. အဆမတန်ရှည်နေတဲ့ ခြေညှိုးနဲ့ ခြေသန်းတိုတိုလေးတို့ကြောင့် ရယ်စရာကောင်းနေတဲ့ခြေထောက်.. မျက်နှာကို အလန့်တကြားမော့ကြည့်ရင်း..

“နင်.. နင်ကဘယ်လိုလုပ်ငါ့ဘေးရောက်နေရတာတုန်း..”

“ဟဲ့.. ဘယ်လိုဖြစ်လို့ အလန့်တကြားထအော်ရတာလဲ.. ငါက သတို့သမီးအရံမို့လို့ နင့်ဘေးရောက်နေတာပေါ့.. ဘာလို့မျက်နှာကိုပြူးပြဲကြည့်နေရတာလဲ.. မိတ်ကပ်တွေနဲ့ မနေတတ်ရတဲ့ကြားထဲ.. ကောင်းကောင်းလျှောက်လေ.. ခန်းမထဲရောက်တော့မယ်..”

ဘေးနားက ဒေါ်ပွင့်ကို လှည့်ကြည့်ချင်စိတ်ကို တားဆီးရင် လမ်းလျှောက်နေရတာ သိပ်ခက်သည်.. ခန်းမထဲအဝင်လမ်းတလျှောက် ကျွန်တော့်ခြေထောက်တွေ ကြမ်းနဲ့မထိဘူးလားလို့တောင် ထင်ရတယ်.. သူမက သတို့သမီးမဟုတ်ဘူးတဲ့.. ဘာတွေလဲ.. ဘာတွေဖြစ်ကုန်တာလဲ.. ကျွန်တော်ကလဲကျွန်တော်.. ဖိတ်စာကိုတောင်မဖတ်မိဘူး.. ကျွန်တော်ကြေကွဲခဲ့ရတာ ခံစားရတာတွေက အဆုံးသတ်ကျတော့ ရယ်စရာကြီးပေါ့.. အသည်းကွဲပြီး ရေးခဲ့တဲ့ကဗျာတွေ ဒေါ်ပွင့်နဲ့အတူတူပြန်ဖတ်ပြီး ဟားရဦးမယ်.. တွေးရင်းတွေးရင်း ကျွန်တော် အူမြူးလာသည်.. စင်မြင့်ပေါ်က ခန်းစီးမှာရေးထားတာက..

“မောင်စိုင်းညီညီလတ် နှင့် မနန်းသီရိကျော် တို့၏ မင်္ဂလာဧည့်ခံပွဲ” တဲ့

ဘာပဲဖြစ်ဖြစ်ပျော်တယ်ဗျာ.. ကျွန်တော် သူမကို မဆုံးရှုံးသေးဘူးပေါ့.. စပ်ဖြဲဖြဲ မျက်နှာပိုးသတ်မရဘဲ သူမကိုလှမ်းကြည့်မိတော့ မျက်စောင်းလှလှလေး ပြန်ရလိုက်တယ်..

အခန်းအနားပြီးလို့ အဝတ်အစားလဲပြီးတော့ ဒေါ်ပွင့်က အဝတ်လဲလို့မပြီးသေးတာမို့ အခန်းဝမှာစောင့်နေလိုက်တယ်.. ခဏနေတော့ သူမထွက်လာတယ်လေ.. မိတ်ကပ်တွေမရှိတော့တဲ့ မျက်နှာလေးက တကယ်ကိုကြည်ကြည်စင်စင်.. ပါးပေါ်က သွေးကြောနီနီလေးတွေ အထင်းသားပေါ်နေသည်..

“လာ.. ငါနဲ့လိုက်ခဲ့.. နင့်ကိုငါ အရေးအကြီးဆုံးစကား ပြောစရာရှိတယ်..”

သူမလက်ကိုအတင်းဆွဲပြီး ပြေးထွက်လာခဲ့လိုက်သည်.. နင်.. ငါနဲ့လိုက်ခဲ့မှဖြစ်မယ်.. ငါပြောချင်တာတွေ ခုပြောမှဖြစ်မယ်.. မတော်လို့ ကံကြမ္မာက နောက်တခါထပ်ကျီစားရင် ငါူးမှာ...

xxxxxxxxxxxxxxxxxxxxxxxxxxxxxxxxxxx

ကားကို ကျွန်တော့်ရဲ့မှော်ဘီခြံထဲထိ ခပ်မြန်မြန်လေးမောင်းလာခဲ့တယ်.. ဘေးနားကဒေါ်ပွင့်တယောက်ကတော့ ဘာစကားမှမပြောဘဲ တစုံတခုကို အသည်းအသန်တွေးတောနေတဲ့ပုံစံနဲ့ တိတ်ဆိတ်လို့.. ကျွန်တော့်ခြံထဲရောက်တော့ သစ်ခွရုံဘေးက ခုံတန်းလေးမှာ ထိုင်လိုက်ကြတယ်..

“ဒေါ်ပွင့်.. ငါက ညီညီနဲ့မင်္ဂလာဆောင်မှာ နင်ထင်လို့ဟ..”

“ဘယ်သူပြောလဲ.. နင်ဖိတ်စာကိုမဖတ်ဘူးလား..”

“ဘယ်သိမလဲဟ.. နင်တို့၂ယောက်က အတူတူပန်းလာမှာတော့ ငါလဲ ထင်မိထင်ရာ ထင်သွားတာပေါ့.. ပြီးတော့ ညီညီကပြောသေး.. သတို့သမီးက သစ်ခွပန်းကြိုက်တယ်ဆိုတော့.. ငါလဲ နင်ပဲလို့ထင်သွားတာပေါ့..”

“အရူး.. မြန်မာပြည်မှာ သစ်ခွပန်းကြိုက်တာ ငါတယောက်ပဲရှိလား.. ပန်းလာမှာတဲ့နေ့က နန်းကရန်ကုန်ရောက်မလာသေးလို့ ပါမလာတာ.. ပြီးတော့ ညီညီက နင့်ခြံကိုမရောက်ဖူးလို့ ငါက လိုက်ပြပေးတာ..”

“မသိဘူးလေဟာ.. ထားပါလေ.. နင်ကရော ငါ့ကို တစ်လလုံးလုံး ဘာလို့မဆက်သွယ်ရတာလဲ..”

“ငါ့ကိုပဲပြောမနေနဲ့ နင်ကရော ငါ့ဆီကို ဖုန်းတောင်ဆက်လို့လား..”

“ငါက နင်မင်္ဂလာဆောင်တော့မယ်ဆိုပြီး.. ကြေကွဲနေတာကိုးဟ.. နင်ဒီလောက်တောင် မရိပ်မိဘူးလား..”

“အပိုတွေပြောမနေနဲ့အလင်း.. နင့်မှာချစ်သူရှိရက်နဲ့ ငါ့ကိုထပ်ချည်နှောင်ဖို့ မကြိုးစားနဲ့တော့.. ငါ့ကို မလှည့်စားနဲ့တော့..”

“ဒေါ်ပွင့်.. ဘာပြောတယ်.. နင်ပြောတာ ငါတစ်ခုမှနားမလည်ဘူး.. ငါ့မှာချစ်သူရှိတယ်လို့ နင့်ကိုဘယ်သူပြောလဲ.. ဘာတွေလဲဟာ..”

“ဘယ်သူမှပြောတာမဟုတ်ဘူး.. ငါကိုယ်တိုင် မျက်စိနဲ့တပ်အပ်မြင် နားနဲ့ဆတ်ဆတ်ကြားခဲ့တာ.. နင့်ကောင်မလေးနာမည်က ယုယု.. ဟုတ်တယ်မှတ်လား..”

“ယုယု၊၊”

“အေးလေ.. နင်ပဲ ယုယုလေးကို အရမ်းချစ်ပါတယ်ဆို..”

“ဟာ.. ငါသိပြီ.. ဟားဟား..”

“နင်ကဘာရယ်တာလဲ..”

“နင်အရူးထတာကို ရယ်ချင်လို့ပေါ့ ငပေါမ.. အဲဒီယုယုဆိုတာ ငါပြမယ်.. လာ”

ဒေါ်ပွင့်လက်ကိုဆွဲပြီး.. တဖက်ခြံကိုခေါ်လာခဲ့သည်..

“ကိုချိုကြီးရေ.. မမလဲ့.. အိမ်ထဲမှာလားဗျ.. ကျွန်တော်ဝင်ခဲ့ပြီ..”

“သြော်.. လပြည့်လာလေ.. ဧည့်သည်လဲပါတာကိုး.. ကိုချိုကြီးတော့မရှိဘူးရယ်.. ပန်းသွားပို့နေတယ်.. ထိုင်ကြဦး..”

“ယုယုလေးရော.. ကျွန်တော့်သူငယ်ချင်းက ယုယုကိုတွေ့ချင်လို့တဲ့..”

“ခြံထဲမှာကစားနေတယ်ထင်တယ်.. သမီးရေ.. ယုယုလေး.. လေးလေးလပြည့်ရောက်နေတယ်.. လာခဲ့ဦး..”

“လာပြီမေမေ..”

အသံစူးစူးလေးနှင့်အတူ အပြေးလေးရောက်လာသူက ယုဝတီချို..

“လေးလေး.. ယုလိုချင်တဲ့သစ်ခွပန်း ပွင့်နေပြီလား.. ယုကိုရော တကယ်ပေးမှာလား..”

“သစ်ခွပန်းလိုချင်ရင်.. တီတီလေးဆီမှာတောင်း..”

“တီတီ.. ယုကိုပေးပါနော်.. လေးလေးက ကပ်စီးနည်းကြီး.. သူ့ခြံထဲကပန်းကိုတောင် သူမပိုင်ဘူးတဲ့.. ယုကိုမပေးချင်လို့ တမင်ညာတာဖြစ်မှာ.. တီတီပြောပေးနော်..”

ဒေါ်ပွင့်တယောက် ဘာပြောရမှန်းမသိ.. မျက်နှာကြီးနီရဲလို့ ရှက်နေပုံကိုကြည့်ပြီး ကျွန်တော်ရယ်ချင်နေသော်လဲ မရယ်ရက်ပါ.. သူမခမျာ ကျွန်တော်ချစ်သူရသွားပြီထင်ပြီး ကြေကွဲနေခဲ့ရပုံပင်.. ကျွန်တော်ကိုယ်တိုင် ပူလောင်ဖူးခဲ့ပြီမို့ သူမကို ကိုယ်ချင်းစာပြီး သနားနေမိသည်..

“ပေးပါတယ်ယုယုလေးရယ်.. လေးလေးဆီကတောင်းမနေနဲ့.. လာ.. တီတီခူးပေးမယ်..”

ပြောပြောဆိုဆိုနဲ့ လက်တွဲပြီးထွက်သွားကြတဲနှစ်ယောက်နောက်ကို ကျွန်တော်လိုက်လာခဲ့သည်.. တော်တော်လဲရှပ်ပြာပြာနိုင်တဲ့ဒေါ်ပွင့်ပဲ.. နောက်ကျောကနေကြည့်ပြီး အမေကိုပဲမြင်တယ် ပေါင်ပေါ်ထိုင်နေတဲ့သမီးကိုကျတော့မမြင်ဘူးလို့တွေးရင်း ပြုံးနေမိသည်.. ယုယုပြန်သွားတော့..

“ဒေါ်ပွင့်... နင့်ကိုငါ.. အရမ်းချစ်တယ်.. နင်.. ငါ့အနားကထွက်မသွားနဲ့တော့နော်..”

“ငါလဲနင့်ကိုချစ်ပါတယ်အလင်းရယ်.. နင့်အနားကနေလဲ ဘယ်မှမသွားချင်ပါဘူး.. ဒါပေမယ့်.. ငါတို့ခဏတော့ ဝေးနေရဦးမယ်ဟ..”

“ဘာလို့ဝေးရမှာလဲဟ.. နင်က ဘယ်သွားမလို့လဲ..”

“ငါ.. ဘွဲ့လွန်ဆက်တက်ဖို့လျှောက်ထားတာ ကျလာပြီ.. အေအိုင်တီမှာလေ.. ၂နှစ်တက်ရမှာ..”

“ဟာ.. နင်ကတော့လုပ်ပြီ.. ငါ့ကိုတော့မတိုင်ပင်ဘူး.. ဘယ်တော့သွားရမှာလဲ..”

“ရှေ့လထဲမှာသွားရမှာ.. နီးနီးလေးပဲဟာ.. နင်လာလည်ပေါ့.. ငါလဲကျောင်းပိတ်ရက်တွေကျရင် ပြန်လာမှာပဲ..”

“ဒါပဲရှိတော့တာပဲ..”

ဒီလောက်ကတော့အရေးမကြီးလှပါ.. ဆုံးရှုံးပြီထင်ထားရာကတောင် ပြန်ဆုံနိုင်ခဲ့ပြီးမှတော့ ဘာဆိုဘာမှ အရေးမကြီးတော့ပါ.. သူမလက်ကို တင်းတင်းဆုပ်ကိုင်ရင်း လယ်ကွင်းတွေဘက်ဆီထွက်ခဲ့သည်.. သောကတွေကင်းသွားတော့လဲ ဆည်းဆာက လှပလွန်းနေပြန့်သည်.. ကံကြမ္မာရဲ့မျက်လှည့်ပွဲကို ကျွန်တော်တို့၂ယောက်သား မောနေအောင်ကြည့်ခဲ့ရသည်.. ခုတော့လဲ အရာရာကလှပလို့.. ကျွန်တော့်ပုခုံးမှာ သူမခေါင်းလေးကိုဆွဲကပ်ထားရင်း လျှောက်ရတဲ့လမ်းမှာ ဘယ်လိုအတားအဆီးတွေ့တွေ့ ရင်ဆိုင်ပစ်လိုက်တော့မည်ဟု......

ပြီးပါပြီ...

အားပေးသူများကိုကျေးဇူးအထူးတင်လျှက်

ပွင့်မြူးဇင်

၁၆.၀၇.၂၀၁၀