Monday, February 27, 2012

ပါပဂြိုလ်

ကြာသပတေးသမီးကျွန်မ..
အသက်၁၉နှစ်မှာ ရာဟုဂြိုလ်ထဲရောက်တယ်.....
ပါပဂြိုလ်တို့ဘာသာဘာဝ..
အဝင်များကြမ်းချက်တော့
ကျွန်မအသည်း ဟက်တက်ကွဲတယ်ပေါ့..

အဲသည်ကတည်းကစ..
၁၂နှစ်တာကာလတလျှောက်..
ကိုယ်ချစ်နဲ့သူချစ်တွေတလွဲ..
ထပ်တူမကျနိုင်ခဲ့ဘဲနဲ့..
အလွဲတွေနဲ့အသားကျလို့..
အိုးရွဲ့ကို စလောင်းရွဲ့နဲ့ ဖုံးတတ်ခဲ့တယ်..

ကျွန်မရဲ့ရာဟုက..
နှလုံးသားနုနုကိုမှ..
ရွေးပြီးခိုက်ရသတဲ့လား..

အသက်၃၁နှစ်ကျမှ..
ရာဟုလက်ကလွတ်မတဲ့..
ဟင့်အင်း..
မလွတ်ချင်လဲနေပါတော့..
ကျွန်မက..
ပါပဂြိုလ်မှာ ပျော်နေတတ်ပြီလေ..

ပွင့်မြူးဇင်
၂၇.၀၂.၂၀၁၂

1 comment:

tin min htet said...

ရာဟုတို႔ ပါပုတို႔ မကြ်မ္းဘူးေလ