Friday, May 21, 2010

အမှောင်ထဲက သူစိမ်းများအကြောင်း

တနေကုန် ငါ့ကို သီချင်းတစ်ပုဒ်က လွှမ်မိုးနေတယ်.. နေ့ခင်းကြောင်တောင်ကြီးပေမယ့် အိပ်မက်ထဲရောက်နေသူလိုဖြစ်နေတယ်.. လမိုက်ည အမှောင်ထဲမှာ လမ်းပျောက်နေသူလို ထိတ်လန့်ချောက်ခြားနေတယ်.. ရေပုလင်းဘေးနားမှာထားပြီး အာခေါင်တွေခြောက်ကပ် ရေငတ်နေတယ်.. ညည်းတွားသံလိုလိုကြားမိလို့ လိုက်ရှာကြည့်မိတော့.. ကြယ်ရောင်မှုန်ပြပြလေးအောက်မှာ ရပ်စောင့်နေတာ ဘယ်သူလဲ.. ငါ.. အမှောင်ထဲမှာ အားကိုးရာမဲ့ လမ်းပျောက်နေသူလား...

လမျက်နှာပုန်းလျှိုးကွယ်တော့ .. ခရီးဆုံးမှောင်သောလမ်းလေး..
စမ်းတ၀ါးဝါးလှမ်းသွား ရင်ထိတ် ညဉ့်ငှက်တစ်ကောင်အသံတွေပေး..
.
.
.
ကြယ်ယောင်တွေဆောင်နေ
အရိပ်အောက်က မင်းဘယ်သူတုန်း..
ည... မဲနက်လို့.. နမိတ်ရိုင်းည..
.
.
.
ရပ်စောင့်နေ ဘယ်သူလဲငါမသိ..
.
.
.
ရန်သူလား မိတ်ဆွေလား တစ္ဆေတစ်ကောင်လား ဘာတစ်ခုမှမသိ..
.
.
.
ဝိုးတ၀ါးနဲ့ညဉ့်ယံမှာ သေချာတာဘာတစ်ခုမှမရှိ..

Thursday, May 20, 2010

ကျွန်မချစ်သောယောက်ျားများ

အချစ်အမျိုးအစားများစွာရှိကြပါတယ်.. ယုံကြည်အားကိုးလေးစားတဲ့အချစ်.. သနားကြင်နာတဲ့အချစ်.. မြတ်နိုးတွယ်တာတဲ့အချစ်.. အေးမြတဲ့မေတ္တာနဲ့ပေးဆပ်ခြင်းကိုဖော်ဆောင်တဲ့အချစ်.. စသည်ဖြင့်ပေါ့.. ကျွန်မမှာ အဲဒီလိုချစ်ခြင်းတစ်မျိုးစီနဲ့ ချစ်ရတဲ့ယောက်ျားသား လေးယောက်ရှိပါတယ်..

ကျွန်မရဲ့ဖေဖေ (ယုံကြည်အားကိုးလေးစားမှုတွေနဲ့ ချစ်ခြင်း)

သမီးတစ်ယောက်ရဲ့ချစ်ခြင်းပေါ့လေ.. ကျွန်မက ဖေဖေဘာပြောပြော လေးလေးနက်နက်နားထောင်တတ်တဲ့ သမီးတစ်ယောက်ပါ.. ကျွန်မအရွယ်ရောက်လာတဲ့အချိန်မှာ မေမေနဲ့အတူတူနေခွင့်မရခဲ့ပေမယ့် ဖေဖေကဘေးမှာရှိခဲ့တဲ့အတွက် တစ်ခုခုလိုအပ်နေတယ်လို့ကို မထင်ခဲ့ရတာပါ.. ဖေဖေက အရမ်းအေးပါတယ်.. သားသမီးတွေကို ဆူခြင်းရိုက်ခြင်းမရှိတဲ့အဖေမျိုးပေါ့.. ပြောစရာဆုံးမစရာရှိရင် လေသံအေးအေးလေးနဲ့ ဆုံးမတတ်တယ်.. ဖေဖေဒေါသထွက်နေတာကို ကျွန်မတစ်ခါမှမတွေ့ဖူးပါဘူး.. အဲဒီလောက်အေးဆေးတဲ့ ကျွန်မဖေဖေက ကျန်းမာရေးနဲ့ပတ်သတ်လို့တော့ ကံမကောင်းခဲ့ဘူးလေ.. ကျွန်မ၈တန်းနှစ်လောက်မှာ ဂေါက်(Gout) ရောဂါကို ဖေဖေစတင်ခံစားခဲ့ရတယ်.. ခြေဆစ်လက်ဆစ်တွေ ယောင်ရမ်းကိုက်ခဲတဲ့ရောဂါပေါ့.. သွေးထဲမှာ ယူရစ်အက်ဆစ်ဓါတ်တွေများရာက ဖြစ်လာရတဲ့ရောဂါပါ.. သာမာန်အားဖြင့်တော့ အနေအထိုင် အစားအသောက်ဆင်ခြင်မယ်.. ဆေးသောက်လိုက်မယ်ဆိုရင် ယူရစ်အက်ဆစ်က ပြန်ကျသွားနိုင်တာပေါ့.. ဖေဖေကတော့ သောက်ရမယ့်ဆေးနဲ့ မတည့်ဘူးလေ.. အဲဒီတော့ နှစ်ရှည်လများ ယူရစ်အက်ဆစ်တွေများနေတဲ့အတိုင်းပဲ နေနေရတာပေါ့.. ကြာလာတော့ အဆစ်တွေမှာ အနည်တွေစုနေပြီး ကွေးမရ ဆန့်မရ လှုပ်မရတွေဖြစ်ကုန်တယ်.. နာတာရှည်ရောဂါကြီးနဲ့ မကျန်းမမာဖြစ်နေရတာတောင် စိတ်တိုတာ အော်ဟစ်ဆူပူနေတာတွေ လုံးဝမရှိခဲ့တဲ့ ဖေဖေ့ရဲ့ သီးခံနိုင်စွမ်းကို ကျွန်မအရမ်းလေးစားမိပါတယ်.. သားသမီးသုံးယောက်လုံးကို လိမ်မာရေးခြားရှိအောင် အနီးကပ်ဆုံးမခဲ့တဲ့ ဖေဖေက ခုတော့ ကျွန်မတို့ကို စိတ်ချလက်ချထားသွားခဲ့ပါပြီ.. ဘာပဲဖြစ်ဖြစ် ဖေဖေဖြစ်စေချင်တဲ့ရပ်တည်မှုမျိုးကို အသီးသီးပိုင်ဆိုင်ထားနိုင်ကြတဲ့အတွက် ဖေဖေကျေနပ်နေလိမ့်မယ်လို့ မျှော်လင့်ရပါတယ်ဖေဖေရယ်..

ကျွန်မရဲ့မောင်လေး (သနားကြင်နာဂရုစိုက်မှုတွေနဲ့ ချစ်ခြင်း)

ကျွန်မအသက် ၆နှစ်အရွယ်မှာ မောင်လေးကိုမွေးပါတယ်.. မောင်လေးမွေးတုန်းက အရေးအခင်းကာလကြီးပေါ့.. ဆေးရုံသွားဖို့တောင် မြို့နယ်အဆင့်ဆင့်မှာ လမ်းတောင်းပြီးသွားရတယ်.. ၈၈ ဂျူလိုင်လမှာမွေးတာလေ.. ကျွန်မတို့ညီအစ်မနှစ်ယောက်က အသားညိုသလောက် မောင်လေးကတော့ ဖြူဖွေးနေတာပဲ.. အရမ်းလဲအသန့်ကြိုက်တဲ့ကလေးပေါ့.. သူလမ်းမလျှောက်တတ်ခင်ကဆို ကျွန်မဘယ်သွားသွား သူ့ကို ကုန်းပိုးပြီးခေါ်သွားတာပဲ.. မောင်လေးငါးနှစ်သားလောက်မှာ မေမေက စလုံးကိုအလုပ်သွားလုပ်တော့ ကျွန်မတို့မောင်နှမတတွေက အဖွားနဲ့နေခဲ့ရတယ်.. ဖေဖေကလည်းသင်္ဘောလိုက်နေတုန်းအချိန်လေ.. ငယ်ငယ်လေးနဲ့ မိဝေးဖဝေးနေရတယ်ဆိုပြီး မောင်လေးကို အသနားပိုရာက ပိုပြီးဂရုစိုက်မိတာပါ.. မောင်လေးကြီးလာလို့ တစ်ယောက်တည်း သွားတတ်လာတတ်တဲ့အထိတောင် အချိန်တန်လို့အိမ်ပြန်မရောက်သေးရင် မစားနိုင်မသောက်နိုင်နဲ့ လမ်းထိပ်ထွက်မျှော်နေတတ်တာ ကျွန်မပေါ့..
ခုတော့ကျွန်မမောင်လေးက လူကြီးဖြစ်နေပြီ.. မန်နေဂျာတောင်ဖြစ်နေပါပေါ့.. သူ့ထက် ၄နှစ်ကြီးတဲ့ ညီမလေးထက်တောင် ပိုပြီးရင့်ကျက်လူကြီးဆန်တဲ့မောင်လေးကို ကျွန်မစိတ်မပူရတော့ပါဘူး..

ကျွန်မရဲ့မောင် (မြတ်နိုးတွယ်တာမှုတွေနဲ့ ချစ်ခြင်း)

စိတ်မြန်တဲ့ကျွန်မအတွက်တော့ တည်ငြိမ်အေးဆေးတဲ့မောင်က အဖော်ကောင်းပေါ့.. တစ်ခုခုဆို ဒေါသတကြီးနဲ့ သွေးပူလာတတ်တဲ့ကျွန်မကို ဖျောင်းဖျနှစ်သိမ့်တတ်တာ.. ကျွန်မစိတ်တိုလို့ အော်ဟစ်သမျှကို ဘာမှမတုန့်ပြန်ပဲ ငြိမ်ငြိမ်လေးနားထောင်နေတတ်တာ.. မောင်က ဖေဖေနဲ့တူပါတယ်.. ဘာကိုမဆို အေးအေးဆေးဆေးစဉ်းစားလွန်းလို့ တခါတခါတော့ စိတ်တိုင်းမကျဖြစ်မိတယ်.. ပြီးတော့ သူကကျွန်မနဲ့ဆန့်ကျင်ဘက်.. စာတွေကဗျာတွေကိုမချစ်တဲ့သူ.. စာဆိုရင် စုံထောက်စာအုပ်တွေလောက်ပဲ စိတ်ဝင်စားတဲ့သူ.. ကျွန်မရေးတဲ့စာတွေကဗျာတွေကိုလဲ လုံးဝမဖတ်တဲ့သူပေါ့.. တခါတလေအလုပ်ထဲမှာ ဒေါသဖြစ်ရတာတွေကို ကျွန်မက အားနဲ့မာန်နဲ့ပြောပြတတ်ပါတယ်.. သူကတော့ အင်းမလုပ်အဲမလုပ်နဲ့.. ပြောရတဲ့သူက အရူးကိုဖြစ်လို့.. ဘာပဲဖြစ်ဖြစ် ကျွန်မလုပ်ချင်ရာလုပ်ခွင့်ပေးထားလို့ ကြီးကြီးမားမားရန်ပွဲတော့ ခုထိမရှိသေးဘူးပေါ့.. စိတ်ဆိုးတဲ့အခါတိုင်း ကျွန်မထုရိုက်သမျှကို သီးခံပေးလို့ မောင့်ကိုကျေးဇူးတင်မိပါရဲ့..

ကျွန်မရဲ့တစ်ဦးတည်းသောချစ်သားလေး (အေးမြတဲ့မေတ္တာနဲ့ပေးဆပ်ခြင်းကိုဖော်ဆောင်တဲ့ချစ်ခြင်း)

သူကလေးဗိုက်ထဲမှာရှိနေပြီဆိုတာသိလိုက်ရတော့ ပျော်လိုက်တဲ့ဖြစ်ခြင်း.. နှစ်ဘက်ဖိုးဖိုးဖွားဖွားတွေအတွက် မြေးဦးလေးဆိုတော့ အားလုံးကလဲ ပျော်မှပျော်ပေါ့.. ယောက်ျားလေးဆိုတာသိရတော့ ပိုပျော်သွားတယ်.. ရဟန်းအမ ဖြစ်ခွင့်ရတော့မယ်ဆိုပြီးတော့လေ.. မွေးပြီးပြီးချင်း အန်တီခွာညိုချီလာပြတဲ့ သားသားမျက်နှာလေးများ ခုထိတောင်မြင်ယောင်နေတုန်း.. မျက်လုံးတစ်ဖက်ပဲ ပွင့်သေးတာလေ.. သားသားမျက်လုံးလေးတွေကို ကြည့်လိုက်တာနဲ့ သားသားဘာလိုချင်လဲဆိုတာ ကျွန်မသိတယ်.. ၆လသားလောက်ကတည်းက ကျွန်မနေမကောင်းရင် စိတ်ပူတဲ့မျက်လုံးလေးတွေနဲ့ ကြည့်တတ်တဲ့သားသားကို ကျွန်မသိပ်ချစ်တာပေါ့.. ခုတော့သားသားက လူလည်လေးဖြစ်နေပြီ.. မေမေ မေမေနဲ့လဲ ချွဲတတ်နေပြီ.. လိမ်မာတဲ့ကလေးလေးဖြစ်အောင်တော့ ဆုံးမပေးရမှာပေါ့.. မေမေ့စိတ်တိုင်းကျ လိမ်မာထက်မြက်တဲ့ ကောင်ကလေးတစ်ယောက်ဖြစ်လာမယ်လို့ မျှော်လင့်ထားပါရဲ့ သားလေးရယ်..

Tuesday, May 18, 2010

ကျန်းမာပျော်ရွှင် ဘ၀တွင်

ကျန်းမာခြင်းသည် လာဘ်တစ်ပါးဆိုတာကို လူတိုင်းလက်ခံကြမယ်ထင်ပါတယ်.. နေထိုင်မကောင်းဖြစ်ပြီဆို စိတ်ညစ်ကြရစမြဲမဟုတ်လား.. ကာကွယ်ခြင်းသည် ကုသခြင်းထက်ထိရောက်သည်လို့ ဆိုကြတဲ့အတိုင်း ကျန်းမာပျော်ရွှင်တဲ့ ဘ၀လေးတစ်ခု ပိုင်ဆိုင်နိုင်ဖို့ ဘယ်လိုနေထိုင်စားသောက်သင့်တယ်ဆိုတာလေးကို မျှဝေချင်လို့ ဒီပို့စ်လေးကိုရေးလိုက်တာပါ.. ခုခောတ်မှာ လူတော်တော်များများ နှလုံးရောဂါတွေဖြစ်ကြ.. ကင်ဆာရောဂါ.. သွေးတိုးရောဂါ.. သွေးချိုဆီးချိုရောဂါ.. လေဖြတ်ခြင်း စတာတွေရဲ့ ဖိစီးခြင်းကို ခံကြရတာတွေ တွေ့လာရပါတယ်.. အဲဒါတွေကို ဘယ်လိုကာကွယ်ထားသင့်တယ်ဆိုတာလေး ဖတ်ကြည့်ရအောင်နော်..

ကျန်းမာပျော်ရွှင်တဲ့နေထိုင်မှုပုံစံဖြစ်ဖို့ အဓိက ထိန်းချုပ်သင့်တာ ၄ခုရှိပါတယ်..
၁။ ကိုယ်လက်လှုပ်ရှားလေ့ကျင့်ခန်းများ
၂။ စားသောက်မှုအလေ့အကျင့်
၃။ ဆေးလိပ်သောက်ခြင်း
၎။ စိတ်ဖိစီးမှု တို့ပဲပေါ့

၁။ ကိုယ်လက်လှုပ်ရှားလေ့ကျင့်ခန်းများ

စင်္ကာပူနိုင်ငံ Helath Promotion Board က Recommend လုပ်ထားတာကတော့ လူတစ်ယောက်ဟာ တစ်နေ့ကို နာရီဝက်နှုန်းနဲ့ တစ်ပတ်ကို အနည်းဆုံး ၅ကြိမ် လေ့ကျင့်ခန်းလုပ်သင့်ပါတယ်.. ချွေးထွက်ပြီး ၀င်သက်ထွက်သက်ကို ခပ်ပြင်းပြင်းလေးရှူရလောက်တဲ့အထိ ပြင်းထန်ရင်အနေတော်ပါပဲတဲ့.. လေ့ကျင့်ခန်းလုပ်ခြင့်ကြောင့် နှလုံးနဲ့အဆုပ်တွေ အားကောင်းလာမယ်.. ပိုပြီးတက်ကြွရွှင်လန်းလာမယ်.. ကိုယ်ခန္ဓာအချိုးအစား ပိုပြီးကျနလှပလာမယ်.. စိတ်ပိုင်းဆိုင်ရာကျန်းမာရေးလဲ တိုးတက်ကောင်းမွန်လာမယ်လို့ ဆိုပါတယ်..

လေ့ကျင့်ခန်းလုပ်ရာမှာ ဘေးအန္တရာယ်ကင်းစေဖို့ လိုက်နာသင့်တာလေးတွေကတော့..
က။ သင့်တော်ပြီး သက်တောင့်သက်သာရှိမယ့် အ၀တ်အစားတွေကို ၀တ်ဆင်ပါ
ခ။ သင့်လျော်သော အားကစားဖိနပ်စီးပါ
ဂ။ လေ့ကျင့်ခန်းမလုပ်မီနှင့်လုပ်အပြီး ရေသောက်ပါ
ဃ။ အစာစားပြီး အနည်းဆုံး ၂နာရီကြာမှ လေ့ကျင့်ခန်းလုပ်ပါ
င။ သွေးပူလေ့ကျင့်ခန်းနှင့် အကြောလျှော့ခြင်းကို ၅မိနစ်ခန့်စီ ပြုလုပ်ပေးပါ
စ။ ဖြေးဖြေးခြင်းစပြီး တဖြေးဖြေးအရှိန်မြှင့်သွားပါ
ဆ။ ကိုယ်ခန္ဓာအစိတ်အပိုင်းတစ်ခုခု အနာတရဖြစ်နေစဉ် လေ့ကျင့်ခန်းမလုပ်သင့်ပါ
ဇ။ ဖျားနာနေမကောင်းစဉ်တွင် လေ့ကျင့်ခန်းမလုပ်သင့်ပါ

လွယ်ကူထိရောက်တဲ့ လေ့ကျင့်ခန်းလေးတွေ ဥပမာပေးရရင် လမ်းလျှောက်ခြင်း၊ ပြေးခြင်း၊ ကြိုးခုန်ခြင်း၊ လှေကားတက်ခြင်း၊ ကြက်တောင်ရိုက်ခြင်း၊ စက်ဘီးစီးခြင်း၊ ရေကူးခြင်းတို့ပါပဲ..

၂။ စားသောက်မှုအလေ့အကျင့်



ပုံမှာပြထားတဲ့အတိုင်း ပိရမစ်ရဲ့ထိပ်ပိုင်းမှာရှိတာလေးတွေကို နည်းနည်းပဲစားသင့်ပါတယ်.. တနေ့တာကိုယ်စားမယ့်အစားအသောက်တွေကို ကြိုပြီးစဉ်းစားထားမယ်.. ကြိုစီစဉ်ထားတဲ့အတိုင်းလဲ စားမယ်ဆိုရင်တော့ အကောင်ဆုံးပါပဲ.. ကိုယ်ကြိုက်တာတစ်ခုတည်းကို အများကြီးမစားဘဲ အာဟာရစုံလင်စွာရအောင် အမျိုးမျိုးသော အစားအစာတွေကို အချင့်လေးနဲ့ စားသောက်သင့်ပါတယ်.. စင်္ကာပူမှာ လတ်တလောတိုက်တွန်းနေတာကတော့ "2 servings of fruits and 2 servings of vegetables a day" ပါတဲ့.. "one serving" ကိုဥပမာပေးရရင် အောက်ကပုံလေးတွေအတိုင်းပါပဲ..






၃။ ဆေးလိပ်သောက်ခြင်း

ဆေးလိပ်သောက်ခြင်းသည် ကျန်းမာရေးကို ဆိုးရွားစွာထိခိုက်နိုင်ပါသည် ဆိုတာကို လူတိုင်းသိကြပါတယ်.. ဆေးလိပ်ကြောင့် အဆုပ်ကင်ဆာရောဂါ.. နှလုံးရောဂါ.. နာတာရှည်အဆုပ်ရောဂါ စတာတွေဖြစ်နိုင်ပါတယ်.. ဆေးလိပ်ဖြတ်လိုက်တာနဲ့ သင့်ခနာကိုယ်ဟာ အရင်ပျက်စီးခဲ့သမျှတွေကို စပြီးပြုပြင်ပေးပါလိမ့်မယ်.. ကျန်းမာခြင်းကို လိုလားသူတိုင်း ငွေကုန် ရောဂါရစေမယ့် ဆေးလိပ်သောက်ခြင်းကို လုံးဝရှောင်ကျဉ်သင့်ပါတယ်..

၎။ စိတ်ဖိစီးမှု

နေ့စဉ်လူမှုဘ၀ပတ်ဝန်းကျင်မှာ ကျင်လည်နေရသူတိုင်း စိတ်ဖိစီးမှုနဲ့ မကင်းနိုင်ကြပါဘူး.. အနည်းငယ်မျှသော စိတ်ဖိစီးမှုက သင့်ကို စိတ်လှုပ်ရှားမှုလေးတွေပေးပြီး သင့်ရဲ့စွမ်းဆောင်ရည်ကို မြှင့်တင်ပေးနိုင်တာမို့ ကောင်းတယ်လို့တောင်ဆိုနိုင်ပါသေးတယ်.. ဒါပေမယ့် စိတ်ဖိစီးမှုတွေ သိပ်များလာပြီဆိုရင် အချိန်ကြာကြာလဲခံစားနေရပြီဆိုရင်တော့ အန္တရာယ်ရှိနိုင်ပါတယ်.. စိတ်ကျရောဂါ.. စိတ်ကစဉ့်ကလျားဖြစ်ခြင်းတွေ ဖြစ်လာနိုင်ပါတယ်.. အမြဲစိတ်တိုနေတတ်ပြီး မိသားစုနဲ့အဆင်မပြေတာတွေ မိတ်ဆွေတွေနဲ့ သဘောထားကွဲလွဲတာတွေလဲ ဖြစ်တတ်ပါတယ်.. စိတ်ဖိစီးမှုတွေများလာပြီဆို နှလုံးခုန်နှုန်းမြန်လာမယ်.. ကြောတွေတက်သလိုခံစားရမယ်.. အိပ်မပျော်ဘူးဖြစ်မယ်.. စားချင်သောက်ချင်စိတ်မရှိဖြစ်မယ်.. ဒါ့အပြင် ခေါင်းကိုက်ခြင်း၊ ဗိုက်အောင့်ခြင်း၊ မောပန်းနွမ်းနယ်နေခြင်း၊ အာရုံစူးစိုက်လို့မရခြင်းတွေ ဖြစ်လာတတ်ပါတယ်.. အဆိုးရွားဆုံးဆိုရင်တော့ နှလုံးရောဂါ စိတ်ရောဂါ စတာတွေ ဖြစ်လာနိုင်ပါတယ်..

ဘ၀မှာ ကြုံတွေ့ရနိုင်တဲ့ စိန်ခေါ်မှုတွေကို ရင်ဆိုင်နိုင်ဖို့ ပြင်ဆင်ထားသင့်ပါတယ်.. မိမိကိုယ်ကို မြင်အောင်ကြည့်တတ်ဖို့လဲ အရေးကြီးပါတယ်.. လုပ်စရာရှိတာတွေကို အချိန်ဇယားလေးဆွဲပြီး ကြိုတင်ပြင်ဆင်ထားတတ်တာလဲ ကောင်းတဲ့အလေ့အကျင့်တစ်ခုပါပဲ.. လေးလေးနက်နက်စဉ်းစားပြီးမှ ဆုံးဖြတ်တတ်ခြင်းက အမှားတွေနည်းစေပြီး ဆုံးဖြတ်ချက်များလို့ စိတ်ဖိစီးရတာကို လျော့ပါးစေမှာပါ.. အပြောင်းအလဲတွေနဲ့ လိုက်လျောညီထွေနေတတ်ခြင်းကလဲ စိတ်ဖိစီးမှုကင်းဝေးစေတဲ့ ဆေးတစ်ခွက်ပါပဲ.. နောက်အရေးကြီးတာတစ်ခုကတော့ ကိုယ့်အတွက်နဲ့ ကိုယ်ချစ်တဲ့သူတွေအတွက် အချိန်ပေးခြင်းဖြစ်ပါတယ်.. ဘာကိုမဆို အကောင်းဖက်ကမြင်ကြည့်မယ်.. ကိုယ့်အနေအထားကိုယ့်ပတ်ဝန်းကျင်ကို ကျေနပ်နေတတ်မယ်.. ပြသနာတွေကို မျှဝေခံစား ဖြေရှင်းကြမယ်.. ကြင်နာတတ်မယ်.. ချစ်တတ်မယ်.. ယဉ်ကျေးသိမ်မွေ့မယ်ဆိုရင် စိတ်ဖိစီးမှုကင်းဝေးတဲ့ နေထိုင်မှုပုံစံကို ပိုင်ဆိုင်နိုင်မှာပါ...

ကဲ.. အားလုံးပဲ ကျန်းမာပျော်ရွှင်တဲ့ဘ၀လေး တည်ဆောက်နိုင်ကြပါစေနော်.. ကျွန်မသိသမျှလေးတွေကို မျှဝေချင်တာ သက်သက်ပါပဲ.. ဖတ်ပြီးလို့ အရင်ကမသိသေးတာတစ်ခုခု သိသွားတယ်ဆိုရင်ပဲ ရေးရကျိုးနပ်တယ်လို့ ခံယူထားပါတယ်..

Monday, May 10, 2010

အမေများနေ့နဲ့ကျွန်မရဲ့ကဗျာ

မနေ့က အမေများနေ့မှာ ကျွန်မဆုလေးတစ်ဆု ရခဲ့တယ်.. ဓါတ်တော်တိုက်ကျောင်းကလုပ်တဲ့ မိဘကျေးဇူး ဖော်ကျူးသီရာတေးကဗျာ ဆိုတဲ့ကဗျာပြိုင်ပွဲ ပထမဆုလေးပါ.. ကျွန်မဆုရတယ်ဆိုတာသိရတော့ ကျွန်မမေမေက အရမ်းကိုပျော်သွားပါတယ်.. ကာယကံရှင်ကျွန်မထက်တောင် ပိုပြီးပျော်နေတဲ့ မေမေပါ.. သူ့သူငယ်ချင်းတွေကိုလဲ ဖုန်းဆက်ပြီး ကြွားလိုက်ရတာအမောပေါ့.. အမေဆိုတာ ဒီလိုပါပဲလေ.. သားသမီးအတွက် ဂုဏ်ယူချင်တတ်ကြတာမို့လား.. ကျွန်မဆုရတဲ့ ငွေ ၁၀၀ ကို မေမေ့ကို ကန်တော့လိုက်တယ်.. ၀ယ်ချင်တာဝယ်ဆိုတော့ မျက်မှန်လေးလုပ်လိုက်မယ်တဲ့.. အမေများနေ့မှာ မေမေ့ကို ပျော်အောင်လုပ်ပေးနိုင်လိုက်တဲ့အတွက် ကျွန်မလဲ အရမ်းပျော်ရပါတယ်.. အဝေးရောက်ညီမလေးဆီက ပန်းစည်းလေးရောက်လာတော့ မေမေပိုပျော်သွားပုံရတယ်.. အဲဒီအတွက် ညီမလေးလဲ ကုသိုလ်တွေအများကြီးရမှာပါ..

ကျွန်မရဲ့ဆုရကဗျာလေးကတော့ သားလေးဖတ်ဖို့ တဲ့.. သားသားကို ပြောချင်တာလေးတွေကို ရင်ထဲရှိတဲ့အရင်းအတိုင်း ချရေးလိုက်တာပါပဲ.. ရေခြားမြေခြားမှာ မွေးဖွားကြီးပြင်းရမယ့် ကလေးတွေအားလုံးကို ရည်ရွယ်ပြီး.. ကိုယ့်လူမျိုး.. ကိုယ့်ဘာသာ.. ကိုယ့်ဓလေ့ကို မမေ့ကြဖို့.. ဗုဒ္ဓဘာသာ မြန်မာရယ်လို့ ဂုဏ်ယူတတ်ဖို့ ဆုံးမစာသဘောမျိုး ရေးထားတဲ့ ကဗျာလေးပါ.. ကျွန်မရဲ့ကဗျာလေးနဲ့အတူ အကဲဖြတ်အဖွဲ့ရဲ့ မှတ်ချက်ကလေးကိုပါ အမှတ်တရ တင်လိုက်ပါတယ်.. မျှဝေခံစားပေးကြပါနော်..

သားလေးဖတ်ဖို့

သားလေးငယ်ငယ်
အသိမကြွယ်သေးတဲ့အရွယ်လေးမို့
မေမေပြောမယ်….နားထောင်ကွယ်..

တကယ်ဆို ဒီအရပ်မှာ
မေမေတို့က ဧည့်သည်…
အချိန်တန်ရင် အိမ်ပြန်ရမယ်..

ဒီအရပ်ကရေက ပိုကြည်
ဒီမြေပေါက်မြက်က ပိုနုသမို့
စားကျက်ဒီကိုရွှေ့ခဲ့ရလည်း
မေ့မနေသင့်တာက..ဒို့ဟာ…မြန်မာ

ဓာတ်ခံစရိုက်တွေအဖုံဖုံ
ယဉ်ကျေးမှုတွေက အမျိုးမျိုး
ကိုးကွယ်တဲ့ဘာသာတွေ ကွဲလွဲတဲ့
အထိုထိုလူမျိုးစုတွေထဲ
သင့်သလိုလိုက်လျောနေရလဲ
မေ့မနေသင့်တာက…
ဒို့ကိုးကွယ်တာ…ဗုဒ္ဓဘာသာ


ဆိုဆုံးမတဲ့မိဘစကား
နာယူလို့ မှတ်သားတတ်ရမယ်
မိဘတွေ အိုမင်းလို့မစွမ်းရင်
အိမ်ဦးခန်းမှာထား ပြုစုတတ်ရမယ်
အဲဒါဟာ …….ဒို့ ဓလေ့ပေါ့…


ဆုံးမတဲ့မိဘကို ရဲစခန်းတိုင်
အိုမင်းမစွမ်းလို့ နွမ်းတဲ့အခါ လူအိုရုံပို့
အသို့သို့သော ဓလေ့စရိုက်တွေ
မေ့မေ့သားလေးကိုလွှမ်းမိုး
သွမ်းဆိုးတဲ့သားငယ်လေးအဖြစ်တော့
မေမေ…မမြင်ပါရစေနဲ့နော်…

အနန္တငါးပါး ဦးထိပ်မှာထား
သီလငါးသွယ် ပုဆိုးသဖွယ်ဝတ်
(၃၈)ဖြာ မင်္ဂလာ တရားတွေ လက်ကိုင်စွဲရင်း
အပြောကျယ်တဲ့လောကအလယ်မှာ
“ဗုဒ္ဓဘာသာ…..မြန်မာ”ရယ်လို့
ဂုဏ်ယူတတ်စမ်းပါ…သားလေးရယ်…


ပွင့်မြူးဇင်ရဲ့“သားလေးဖတ်ဖို့” ကဗျာသည် အလွန်အတွေးအခေါ်ကောင်းသော ကဗျာတစ်ပုဒ်ဖြစ်ပါသည်၊ နိုင်ငံခြားရောက်သားသ္မီးများအတွက် လက်တွေ့ဘ၀အခြေအနေများနဲ့ အနီးစပ်ဆုံး ပြောဆိုဆုံးမသွား သည့်အမေ့ရဲ့ဆုံးမစကား၊ ကဗျာတစ်ပုဒ်လို့ဆိုလိုချင်ပါသည်။
ခေတ်သား/သ္မီးများ နိုင်ငံခြားမှာလာရောက်နေထိုင် ပညာရှာ/စီးပွားရှာ နေရသော်လည်း၊ ကိုယ့်လူမျိုးနဲ့ ကိုယ့် တိုင်းပြည်ကို အမြဲတန်းသတိရဖို့နဲ့ မျိုးချစ်စိတ်ဓာတ်ရှိဖို့ကိုလဲ အပိုဒ်(၃)က ဖော်ပြထားပါသည်၊နိုင်ငံတိုင်း- မှာ ကိုးကွယ်သည့်ဘာသာ၊ လူမျိုးစု၊ ဓလေ့စရိုက်နှင့် ယဉ်ကျေးမှုတွေ အမျိုးမျိုးအဖုံဖုံတွေရှိခဲ့ကြပါသည်၊ ကိုယ့်ဘာသာ၊ကိုယ့်ဓလေ့နှင့် ယဉ်ကျေးမှုများပျောက်ခဲ့ရင် “ လူမျိုး” ပါပျောက်သွားနိုင်သောကြောင့် ကိုယ့်ဘာသာ၊ကိုယ့်ဓလေ့နှင့် ယဉ်ကျေးမှုများကို အမြဲတမ်းသတိရအောင့်မေ့ဖို့ကိုလည်း အပိုဒ် (၄)က ဖော်ကျုးထားပါသည်။
အထက်ပါ အပိုဒ် (၃)နှင့် (၄)သည် ခေတ်သား/သ္မီးအတွက် လောကီရေးရာနှင့်ဆိုင်ရာကို စပ်ဆိုခဲ့ခြင်း ဖြစ်ပါသည်၊ ထို့ပြင် ကျေးဇူးရှင်မိဘနှစ်ပါးရဲ့ဆုံးမစကားကို အမြဲနာယူ လိုက်နာတတ်ဖို့နှင့် မိဘများကို သက်ဆုံးတိုင်စောက်ရှောက်သည့်ဓလေ့ကို အပိုဒ် (၅)က စပ်ဆိုထားပါသည်။
ခေတ်သား/သ္မီးများအား နိုင်ငံခြားဆိုသော ကိုယ့်တိုင်းပြည်ထက် ရုပ်ပိုင်းဆိုင်ရာတွေ တိုးတက်နေပေမဲ့ စိတ်ပိုင်းဆိုင်ရာ တဖြည်းဖြည်းဆုတ်ယုတ်သွားသည့် အခြေအနေများကို သိရှိစေရန် အပိုဒ် (၆)သည် မီးမောင်းထိုးပြထားပါသည်။
ကိုယ့်ဘာသာ၊ ကိုယ့်ဓလေ့၊ ကိုယ့်ယဉ်ကျေးမှုမေ့ပျောက်ခဲ့သော် ဆိုးသွမ်းတဲ့ သား/သ္မီးဖြစ်သွားနိုင် ကြောင်းနှင့် လိမ္မာရေးခြားရှိသော သားကောင်း သ္မီးကောင်းဖြစ်ရန်နှင့် ကမ္ဘာမှာ “မြန်မာ”ရယ်လို့ ဂုဏ်ယူကာနေနိုင်ရန် ဘာသာရေးကိုင်းရှိုင်းစွာဖြင့် ဘုရားဟောအတိုင်း ကျင့်ကြံတတ်ဖို့၊ နေထိုင်တတ်ဖို့အပြင် မျိုးချစ်စိတ်ဓာတ်ရှိဖို့ကိုပါ ညွှန်ပြစပ်ဆိုထားသောကြောင့် လူငယ်များ လောကီ လောကုတ္တရာ နှစ်ဖြာ အကျိုးရှိစေသည့်အတွက် ဤကဗျာလေးကို ကြိုက်နှစ်သက်မိပါသည်။